Djasabra un protesta den Skalo dilanti banko sentral yama pa Pueblo Soberano via su lider Helmin Wiels kontra direktor i sierto komesario dje banko sentral di Korsou i St.Maarten pa un fiansa di 300 miyon. Awe un manifestashon na Waaigat di parti di Pro Pueblo/Frente Sivil pa baha gobiernu entregando nan reklamonan skibi pa gobernado Frits Goedgedrag.
Tur dos a keda boka sera i a guli e pulchi sin ningun debate popular di subi edat di penshun na 65 anja manera telep di Castor oil.
Hopi lamchi tin den e wega di politriki.
Hopi mes.
#Dikon no tbt tin transmishon dje orashon na sede di PAR?
#Dios sa sensura predekashi of sen a kaba?
#Emisoranan ku ta papia di Dios no a mira interes pa transmiti?
#Pastor Curtis pastor di kas na Radio Direct no por a konvense Jasmin Pinedo di mira e importansia pa transmiti un orashon pa henter Korsou por uni?
#Dikon e manifestashon di Frente Sivil tampoko no a wordu transmiti bibu for di Waaigat mas pa radio Direct? Sen a kaba? Preis a subi?
#E call in di donjo/periodista Orlando Cuales pa Z86/Mi95 na Waaigat tabata di un kalidat rekete inferior. Z! Radio!
#Eks minpres Maria Liberia-Peters tambe a papia na Waaigat. Te mesun Maria ku e autornan makamba dje buki riba Bouwfraude a skibi kemen?
#Helmin Wiels lo yama un protesta tambe pa reforma pasa un basora den e manego bankario, monetario di Korsou of esei no ta kumbini ainda?
#Unda militansia di MAN, MFK tabata?
Nan a perde strea nort politiko of nan no tin hende pa mobilisa sin duna kos of plaka?
#Occupy Central Bank e ora ei?
#No serio ki dia MFK, MAN tei eduka gia nan votado pa pensa aktua kritiko?
