Caribbean Poverty by dutch design and the violations of their legal obligation to safeguard human rights and freedoms

kingdom charter art 43 2020

The avalanche of colonial journalism and politics during the Corona calamity buries the reality of the constitutional responsibility of the dutch government in their colonized territories. The hunger exploitation stories and political spindoctoring have been consistent to lie, hide the undeniable truth that article 43.2 holds the dutch government responsible when Aruba Curaçao St.Martin as semi-autonomous countries can’t provide human rights and freedoms for their peoples. When dutch Caribbean celebrities have to organize a fundraiser to assist the islands with basic human needs it reveals the scandalous violating behaviour of the dutch state that by design has been keeping them in poverty. Ever since 1954 when the charter was created the dutch government has systematically violated article 43.2.

Any fake gesture of the dutch government stays fake and an insult of the peoples intelligence in the Caribbean. They pour some millions down here and make people buy into the “we are one kingdom” fable.
The truth of the matter is that their grave disrespect of their legal obligations to invest in these islands is a cold racialized calculation. Better said the epicenter of dutch white plunder in The Hague will never voluntary obey it’s own laws to secure high levels of social life in the Caribbean. They will continue to sprinkle crumbs maintain our lives impoverished until we as a people realize we have to flatten their colonial curve.

 

Sponsored Post Learn from the experts: Create a successful blog with our brand new courseThe WordPress.com Blog

WordPress.com is excited to announce our newest offering: a course just for beginning bloggers where you’ll learn everything you need to know about blogging from the most trusted experts in the industry. We have helped millions of blogs get up and running, we know what works, and we want you to to know everything we know. This course provides all the fundamental skills and inspiration you need to get your blog started, an interactive community forum, and content updated annually.

No Bai den Pasado Pasobra Tin Ku Keda Biba Den Pasado

No ta nada nobo ora tin un debate politiko na ulanda ku aki na Korsou solamente ta amplia riba e deklarashonnan ku por kousa un skormentu pa politikonan den gobiernu i parlamento. Den e kaso aki 6 di aprel a debati den senado ulandes (eerste kamer) e maneho ulandes pa e islanan den Karibe. Banda di e hipokresia kolonial di kustumber ta tin sierto deklarashon ku merese un tiki mas lus i profundidat ku opviamente prensa i politika i intelektualnan i sindikatonan i organisashonnan sosial i movementunan ta keda ketu riba dje.

Tabata mas kla ku dia ku prensa lo a piki e sintimentu di senado ku gobiernu ulandes a faya den su kampana di pusha COHO e entidat kolonial ku su reformanan neoliberal den garganta dje pueblo. E matrimonio di PAR i MAN ku e makambanan a resulta den un divorsio politiko pa e motibu ei i awoki MFK atrobe ta keda pinta komo e partido korupto ku ta na mando. Senado mes ta atmiti ku gobiernu ulandes no a hasi su maksimo esfuerso pa influensia e elekshon pa PAR i MAN por a sali ganado. Masha komodo nan ta bisadno aya na den haag ku nan pechu rasista ku e votado di Korsou atrobe a skohe pa un gobiernu ku no ta integro i ku lo laga e pueblo mesun pober mane e ta.

Den un entrevista na MAS99 prome minister saliente Rhuggenaath a reflekshona riba su perdida i e debate di senado. E ta saka su konklushon ku ora Jeroen Recourt di PvdA a menshona ku den reino e gobiernu ulandes tin ku kuminsa rekonose ku sklabitut i rasismo ta e dos faktornan ku ta influensia e sistema di hasi politika ulandes riba e islanan. E lider di PAR ta di akuerdo ku mester kuminsa papia riba dolonan di sklabitut, rasismo e kolonialidat den e ‘relashon’ ku ulanda. Juni Joseph e entrevistado a sigui kombersa kune i bo por a tende kla kla kon alivia Rhuggenaath tabata ku e por a saka e desgusto di tur e tempu ku e mester a hendel ku e makambanan. A rekorda e skuchadonan tambe kon e representante di ulanda tabata aktua komo politiko pa asepta e CHE ku despues a bira COHO. Algu nobo ku bo por a mira un simpel representante di ulanda den progamanan di prensa i medianan sosial purbando di manipula pueblo pa alaba un rekolonisashon di ulanda na Korsou. Sorpresa grandi i konfuso na mesun momentu tabata ora na final dje kombersashon ela bisa ku su deseo pa Korsou ta ku mester tin un bienestar komparabel ku ulanda. Algu ku e paketenan di pais i COHO sigur lo no trese.

Si mester bisa ku ela habri su kurason ku mas honestidat ku e lider di MAN Steven Martina ku no ta tin masha kos di bisa ni por a duna un aliento anti-kolonial ku un partido pro-outonomia pro klase trahado supuestamente a priminti di hasi. Bosero pa MFK i presidente di partido  Sithree “Cey” van Heydoorn tampoko ta tin masha kos di bisa tokante e venenu di sklabitut i rasismo kolonial ku ta domina e struktura relashonal entre Korsou i ulanda. PNP mesun kos i ta parse manera nan no sa kon mester reakshona riba e deklarashonnan ku merese un diskushon nashonal pa avansa bida i futuro di Korsou.

Aubert Wiels den e progama Ban un Tiki Mas Profundo di Tico Vos a kuestiona prensa i politika tambe ku ta drumi riba e debatenan aki i politika di den haag ku ta afekta nos islanan. Ela kompara politika, prensa i otronan di trata asuntunan importantenan mane nan ta den little league. No ta analisa traha strategia i a bira tempu ku e nivel di seriedat tin ku subi pa alsa Korsou i mester subi big league. Ela remarka ku e ta risibi senalnan ku ta demostra ku e gobiernu nobo no sa kon serio e momentu di oro ta. Sintiendo e diplomasia ei bo por a skuche serka otro hendenan tambe ku MFK i PNP mester preshon i hopi preshon di pueblo pa no faya i kousa frakaso i desaster. Si mester bisa ku en general hende ta pone hopi preshon riba lomba di gabinete Pisas kaba kaminda MFK (PNP) a mustra ku den oposishon (i pafo di parlamento) nan no a sa di mobilisa o organisa efektivamente. Ni pa nan eks lider ora e tabata den proseso di bai korte, ni pa Jacintha Constancia, ni durante e tantisimo biahanan ku makambanan politiko a bin abou pa blendu pueblo. No ta tin un plan di atake. Ni den kaya den politika parlamentario o prensa. Awoki tampoko bo ta sinti esei ku nan tin un brigada di defensa intelektual o di poder di pueblo. Pero e analistanan politiko tampoko ta komprende ku esei ta esenshal. St Martin ta un ehempel bibu ku ni maske a hasi un petishon pa nashonnan uni wak e rasismo di ulanda e parlamento i gobiernu no a harma un edukashon i mobilisashon dje pueblo. 

Ta un berguensa o trouma duru duru pega ku ta sigui mukel kabes dje politikonan i akademikonan i organisashonnan, movementunan, sindikatonan, religioso, komundat di arte i prensa ta kedando ketu. Sklabitut i kolonialismo ta e fundeshi rasista di politika ulandes. Si e gruponan aki no ke inbestiga, dokumenta esaki pa edukashon politiko pa pueblo di Korsou e ora ei nan mes ta desea pa rasismo kolonial keda na bida pa nan por sigui kome for di e bolo kolonial ku e sistema di genesidio rasial ta trese kune. Den pasado esei semper tabata e kaso, morde supla hasi mane bo ta kontra makamba, kontra dominashon rasial kontra elite blanku na Korsou pero den skondi o pleno bista bo ta benefisia dje strukturanan blanku opresivo.

Aspirashon di un Hoben Komunikado Sosial vs Hororo. Un Lamento pa Edukashon i Periodismo Karibense Emansipatorio

“Tur mucha ta sabi.” ~ Joceline Clemencia

Un orashon chiki pa Kahlil Garubaldi. Esnan ku sa historia lo mester sa ku tabata Wiels a popularisa di yama e eks politiko Omayra Leeflang Horohoro. E venenu ku ela konsientemente disidi di skupi riba un hoben ku ta gatiando komo komunikado sosial ta algu kondenabel. Un ‘kristian’ ku un plataforma grandi manera facebook purbando di demonisa un nobato ta un akto diaboliko.

Relevante mester ta e pregunta ku Khalili a trata di formula durante un rueda di prensa: “Kwa rasa, religion i ku sifras ta tumando e bakuna? YDK pretu so, YDK no-pretu, makamba, chines, latino blanku, atventista, katoliko, muslim? Un pregunta ku niun hende ke puntra pa no keda tilda di ta rasista. “Kombin tin un patronchi ront Karibe ku hende pretu tin ku lucha kontra covid ku nan a pega den paisnan ku a kolonisa nan o ku e kolonisado a bin pega nos kune?” Djei otro ‘periodista na tinu rasialmente’ lo a sigui borda, profundisa: “Bosnan tin sifras di kantidat di hende segun rasa ku tin covid? Bosnan tin sifras segun rasa di esnan ku a muri di covid?” Den Karibe kasi ‘niun’ pais/isla ta obliga nan buro di statistik pa inbestiga for di un angulo rasial. Kaminda paisnan manera Merka kaminda nan ta kopia hopi di nan manera pa hasi inbestigashon/enkuesta si ta hasiele. Motibu pakiko na Merka nan si ta hasie ta pasobra e rasanan i etnisidatnan a bringa pa nan hende keda inklui den tur asuntu pa hana sifras i inbestigashon pa mehora nan bida riba tur tereno inkluso salubridat.

E motibu ta ku CBS i otro institutonan den Korsou/Karibe no por publika sifras ta paso bo ta hasi pueblo sabi i konsiente di nan rasa i kon nan ta keda oprimi. Tesei a laga Horohoro bira sataniko riba un hoben ku (kisas) inkonsiente a bai muchu hundu i lo a habri mente di hende. Kolonialismo internalisa den nos ‘lidernan’ ta un dje vironan mas mortal.

99,7% dje ‘periodista’ sinta den e ruedanan di prensa no tin un konsenshi pretu na tinu. Nan no por konekta covid ku rasa, genero, klase sosial. Tampoko ta kumbini paso e ora ei e chek fin di luna no por keda kobra. Unabes bo kumnisa kuestiona tipo di kosnan aki bo ta dunando kuminda pa pensamentu ku lo korta e hilu di diabel di kolonialismo i sklabitut ku tin Korsou mara. Konsekuentemente lo a lanta e pregunta si Izzy Gerstenblut un hudieu blanku komo e ‘dokter di covid-19’ ta kapas pa komprende e futuro liberativo di YDK pretu i por tuma desishonnan krusial riba tereno di salubridat basa riba prinsipionan di emansipashon. Opviamente ta den su sanger e 12 lunanan aki ku tur desishon ku ela tuma tabata for di su brel blanku ku balornan kapitalista krioyo. Ku otro palabra su gremio, su hendenan ku plaka mester a keda skapa for di e desaster ekonomiko finansiero ku covid ta kousando. Otro ehempel kon kolonialismo ta keda faya ku e pueblo pretu aki.

Ekspreshonnan ku hende ku a bini for di skol di AGO no por demostra nan inteligensia den e arena di prensa tambe ta un abominashon di un pueblo ku por rasona i analisa. Na prome luga AGO a keda krea pa e sistema di kapitalismo krioyo. 60-70% di forsa laboral na Korsou mester di hende ku a bini for di skolnan di Vsbo, AGO pasobra ta nan ta e hendenan ku tin ku sirbi e mashin kapitalista. Omayra Leeflang na su turno tabata e politiko/mandatario sklabisa ku a fasilita e apartheid edukashonal na Korsou i eks Antias dia e tabata minister di ensenansa pa partido PAR. No tin debate riba esei, e ta dokumenta i e resultado ta visibel den e kaos kolonial den ensenansa i futuronan destrui di miles di hende ku a pasa den esaki. Lokual ta pasando ku studiantenan, muchanan den e skolnan di di diskriminashon basa riba rasa i klase ta un violashon di areglo di estado di KOrsou, un violashon di leinan internashonal i tratadonan pa derechi di mucha i hoben.

Sindikato DOEN na e momentu aki si ta mirando e urgensia pa bringa e opreshon den edukashon. Direktivanan di skol ku tur ta kumplise den e sistema kapitalista te ainda no a demostra ku nan a arepenti i ke resolve e apartheid edukashonal ku nan mes a yuda krea pa mantene e orden di habuzu na Korsou. Ront Karibe, Merka, Latino-Amerika ta papia kon ta remplase e mentalidat kolonial ku ta kousando e drama aki pero den politika i komersio ketu bai ta papia kon ta krea un tipo di ensenansa ku ta kuadra ku e deseonan muribundu di un sektor priva ankra den supremesia blanku.

Finalmente e diskushon tambe ta lanta e kritika eterno bek: Pakiko Korsou, universidat, mundu di periodismo, komunikado sosial no por krea kurso, skol di periodismo, media? Kontesta: Paso e nivel tin ku keda mediokre pa laga politika lokal, komersio, ulanda sigui habuza pa nan keda na poder na Korsou. E supuesto ekskus semper tabata ku “no tin sufisiente hende interesa pa kubri e gastonan pa lanta un kurso/skol di periodismo ets.” Realidat ta ku si tin 7 hende interesa mester forsa gobiernu/komersio pa finansia. Tambe prensa riba su mes por kuminsa awoki ku teknologia digital. E boluntat simplemente no tei, e vishon no tei, ‘niun’ hende no ke mehora periodismo, mundu di komunikashon sosial. E no ta ‘kosta’ nada awoki. Ta den un pari zoom por alsa e nivel na modi bisa. Pero bo mester tin hende ku ke hasi e trabou i ku un mira pa krea espasionan di periodismo, komunikashon sosial emansipatorio.

Bibando/Kolonisando

E logika produsi di mira hende pretu komo propiedat i katibu pa traha plaka i prosperidat pa hende blanku a sali for di sklabitut i kolonialismo (ulandes). Atrabes di siglonan esaki no a disparse despues di abolishon di 1863. Un malchi maligno rasista ku makambanan a kere den dje i biba su fe rasial falsu pa 4 siglo largu no a dirti manera sneu dilanti nos wowo. E sistema, e maneho makabre a sigui hala rosea, supla rosea den e forma di maltrata e islanan i su populashon den Karibe. Bo ta mire den gobernashon ulandes na den haag, den nan universidatnan i akademikonan, den nan sektor priva, nan arte i kultura popular, den nan media, lei i otro espasionan di hustisia.

10-10-10 no tabata un resultado di solamente kambia status politiko di parti di tur islanan. E tabata orkestra for di den haag. Den e asina yama’negosashonnan’ no ta tin politiko ni konsehero ku tabata kompronde e derechinan di dekolonisashon di e islanan. Konesementu di sklabitut i kolonisashon su efekto riba sosiedatnan i gobiernunan tampoko tabata un faktor pa konfronta gobiernu ulandes. Reparashonnan dios sa si nan a yega di tende di dje mes. Ta nifika ku e ekipo di politiko i ‘negoshado’ tabata maleduka, malprepara, malinforma i no ta tin e spiritu di liberashon den nan kurpa ora mester a disena paisnan nobo pa 2010.

A kuminsa ku un debe pa Korsou di 1.6 bion florin. Nan a yame un posishon saludabel pa kuminsa un pais Korsou nobo. Kaminda ulanda tabata sa bon bon ku pa Korsou logra prospera e siguiente 5 ana e mester a kuminsa ku un saldo positivo di sikiera 2 bion pa drai tur servisio i debernan ku un estado Karibense tin pa su suidadanonan. Ulanda a traha un trampa huntu ku e gobiernu di Korsou ku a ‘negosha’ e pakete estatal. Den kolonialismo ekonomia no por krese i si e krese e ta pa esnan rikunan so.

Ora Corona kuminsa suta Korsou i lockdown a bin para ekonomia e gobiernu di PAR MAN PIN a kore bai ulanda. Na su turno ulanda a buta nan na rudia i asepta plaka en kambio pa medidanan neoliberal ku lo rekolonisa i hasi Korsou mas pober ku e ta kaba. Un ana den covid-19 a laga e debe fiktisio krese na 765 mion florin. Dikon e debe ta un debe falsu pasobra ta kolonialismo ulandes a krea e ekonomianan fantasma, blanku ku no ta alsa prosperidat ekonomiko finansiero dje YDK pretu. E ta un debe falsu pasobra sklabitut i kolonialismo a krea e gobernashonnan kolonial i neokolonial ora ‘nos mes hendenan’ a kuminsa goberna. E ta un debe falsu pasobra ulanda huridikamente ta obliga di no fia sen pero sigura finansas pa pone Korsou i tur otro isla para riba nan pia ekonomikamente i finansieramente i riba tur otro nivel konsekuentemente.

Na momentu ku covid a yega si ulanda for di 1863 a kumpli ku su obligashonnan pa garantisa propio gobernashon solido na Korsou e ora ei na 2020 por a sera airport trankil. Sin mester a lockdown ekonomia pasobra Korsou lo no tabata depende di un ekonomia di 30% turismo ulandes. Lo no ta tin kasonan di covid di 300, 400, 500. Lo no ta tin artikulonan den korantnan ulandes kuenti hende ta muri di hamber, hende ta muri di covid, mester di enfermero, dokter, mester di plaka, mester di ulanda. Tur e kuentanan kolonial ku ulanda lo salba nos, sin ulanda Korsou no por tur lo no tabata eksisti mes.

E siguente minister presidente Gilmar ‘Pik’ Pisas den un diskurso nashonal a bisa awe ku e tin sanger di un leon i e no ta entrega nunka, uni e forsa spiritual i bringa e atversidatnan tabata su mensahe pa krea un kurashi nobo na Korsou. Esaki a keda harma pa bringa e viro di covid pero e mesun bravura di energia ta nesesario pa hinka un angua di bakunashon den pueblo pa hiba un lucha anti-kolonial kontra e violensia ulandes ku ta asota Korsou. Si e gobiernu nobo di MFK i PNP komprende e seriedat pa hasi mesun kos e ora ei di berdat por kuminsa papia ku tin un ‘speransa’ nobo pa e pueblo aki pa komberti Korsou bek den na mane e lider a yame e ‘Perla di Karibe’.

Fe Morto i Krusifikashon di Kapitalismo Krioyo

 

Den temp’i guera no tin misa e dicho ta bisa pero den un temporada di un pandemia misa si ta presente sin hasi muchu falta. Podise no tur ora por drenta den un iglesia i sinta riba banki pa skucha palabra di dios pero otro formanan moderno pa hiba e mensahe serka nan fielnan no a para nunka. Sklabitut pa esnan sklabisa tambe tabata un pandemia, for di kumisamentu di siglo 16 spañonan a trese nan saserdotenan katoliko pa pasifika e indigenonan i Afrikanonan sklabisa. 

Na Korsou tambe e proseso di kolonisashon a bai sam sam ku konkista e mente dje Kaketieu i pretunan sklabisa. E mishon pa sivilisa un poblashon pretu bou di sklabitut i despues di 1863 den un forma suavisa tabata dirihi riba e meta pa tene nan mansu pa sigura e fortuna horta di e minoria blanku. Iglesia katoliko tambe tabata un ladron pa motibu a horta e poder religioso, spiritual Afrikano for di un pueblo pretu. Iglesia katoliko a para wak i hopi biaha yuda e elite blanku horta e fortuna, e prosperidat ku e pretunan na Korsou a traha. Awe den 2021 esaki no a kambia.

Despues di abolishon e pueblo pretu no a buska un reprasaya rasial i no ta tin un matansa di makamba i hudieu sefardim ku a sklabisa nan i roba tur rikesa for di nan. Niun lider protestant, hudieu, katoliko a keda asesina pa motibu di renkor rasial hustifika. Kolonialismo ulandes, e sistema katoliko i religiosidat kristian a soru ku un direktor di banko hudieu por hunga doño di plaka di YDK pretu. Mandatarionan makamba por kana den kaya i ni sikiera haña un webu putri tira den nan kara. E mente kolektivo a keda trose te den perfekshon ku e opresornan no mester teme pa nan bida pa e malisia ku nan ta hasi. 

Despues di 400 aña iglesia katoliko no por a krea un lider pretu na Korsou i otro islanan pa bira obispu. Esei ta un testimonio bibu ku e religion tei pa mancha i blancha mente i spiritu di hende pretu. ‘Niun hende’ no por a sali i kritika, kuestiona ku argumentonan solido pakiko ya pa 20 aña kaba Luis Secco por keda obispu aki. Skriptura sigur no ta bisa ku Korsou Aruba St. Martin, Saba, Statia, Boneiru lo keda bou di un liderasgo blanku katoliko pa eternidat. Iglesia Santa Famia tin un pastor makamba den kurason di Otrobanda. Enbes di bai dilanti i krea pastornan YDK ta bai atras i degenera. Kontrali na otro religionnan kristian na Korsou ku mayoria si tin lidernan di Korsou mes. 

Awo lidernan pretu kristian no ta un garantia ku hustisia lo keda sirbi pa nan komunidatnan. Pero e ta un komienso si pa dirihi nan mes destino enbes di un iglesia katoliko ku ta keda paga pa gobiernu i ku tin ku sera smoel pa tur e inhustisia ku ta sosode pa e elite, ulanda i gobiernu ku huntu ta soru ku na fin di luna e saserdotenan por kobra nan sen. 

Den revelashon 2;2 e angel ta bedei ku e pueblo no por soporta malhende, i ku nan a kita e maskarada dje apostelnan falsu. Pueblo a ripara ku tur e lidernan religioso ku tin Hesukristu den nan boka ta hende ku sed pa poder ku ta biba di mentira. Aki na Korsou i Karibe no a yega na e fase ainda ku ta pone nan sanka blo sunu den kaya. 

Resurekshon di un rebeldia pa liberashon dje pueblo aki ta nifika ku e lidernan kristian tin ku muri i nanse di nobo i kuminsa krusifika kapitalismo krioyo i kolonialismo ulandes. Un mishon di sivilisa nan mes konsenshi ku ta kasi imposibel paso nan a kurti den mira e sistema kapitalista i kolonial komo un alabansa sagrado. Ku o sin krisis di corona nan no por otro di baila ku satanas ku ta orkestra e maldat i sufrimentu pa nan por hunga dios chiki, salbado di bida di hende i drai ku e tiki poder ku nan tin ku nan skolnan, radio, e grip den nan iglesianan pa sigui manipula bida di hende. Maldat ku ta aparese komo bondat mester di maldat pa mantene e poder. 

Si nan fe tabata asina bibu e ora ei pakiko tabata heilu asina tantu durante elekshon pa duna konseho di voto pa partidonan ku tabata kontra matrimonio di hende di mesun sekso? Un histeria i konseho pa voto tabata ousente pa bisa ku no mester vota pa partidonan ku ta hermentnan politiko pa kapitalismo krioyo i kolonialismo ulandes. E simpel motibu ta ku e ora ei ta un partido so por a duna bendishon pa vota pa nan. Un berdat marga ku niun hende ke papia di dje. Kapitalismo, kolonialismo e rais di tur e malestar na Korsou i den mundu lokual nan hesukristu a bringa kontra di dje no mester keda klaba na e krus mas haltu segun e lidernan kristian. 

Nan mester di miseria pa nan grupo kristian chikitu por biba den prosperidat. Tesei ta henter e wega. E ta un adikshon diaboliko, pero e siguidonan di satanas tambe un dia tin ku muri i e reino di shelu ku nan di nan lo drenta su porta lo ta duru duru sera. Si e hesukristu di nan lo resusita e lo gara nan sanka i benta nan den un fiernu di eternidat. Pero na Korsou nos gusta biba den un mundu di engaño keriendo ku asina nos lo risibi bida eterno.

Curaçao Caribbeanology

Last year around this time the island shut down completely. 7 cases of covid. As soon as the airport opened back under pressure of the dutch tourism economy plunderers the cases started to rise rapidly. Yesterday the count was 500+ covid-19 cases in Curaçao for one single day. Caribbeanology says: “Throwing covid colonialism makambas out of airplanes cause Curaçao rules everything around me black as you can see..”

dutch white lies – 70067890789 -COHO

“They always told you that civilization came from europe, meaning the netherlands. It would go so far that everything was the netherlands. The only thing they did not say was that jesus christ was born in Amsterdam” ~ Elis Juliana

Neoliberal reform made up by dutch colonialism governed by three dutch white persons from the hague would make Sint Maarten Aruba and Curaçao self-sufficient societies. Colonialogics from a dutch government when the needed covid-19 financing was forced to accept these life impacting policies of plunder whiteness ruled by a Caribbean reform entity COHO. The social slaughterhouse it would create on the islands was never a factor worth to mention. The cultural genocide already seen in Saba, Statia and Bonaire neither has ever been a problem to the ruling elites, the dutch government and corporate world.

COHO are policies of Caribbean Black genocide but were always sold as beneficial to the people. The ones doing the selling were the dutch and former ruling political powers. Dutch colonialism is devilish and during the election debates there were various media owners that made their viewing, listening, reading audience believe to think that COHO was a blessing from the dutch. The mantra of the dutch government, island media, ruling elite and Curaçao government was that the electorate should vote for the parties that praised the COHO dutch recolonization project. And those against it would be anti-Curaçao and besides that nobody could stop COHO from coming to [destroy] the islands.

Nobody from the pro-dutch colonialism camp on record has dared to mention that COHO was legal or not against the kingdom charter or violated international law, united nations decolonization resolutions, treaties and covenants. Everybody knew it was illegal but Black people are not able to govern themselves in the Caribbean was the dutch colonial choir song sung by everybody.

Suzy Camelia-Romer (PIN) one of the few made it clear during debates that the advice of the state council in the netherlands was out and that the ‘verdict’ was not in favor of the ruling pro dutch colonialism parties. The only problem was that the advice due to colonial procedures was not public yet. Which makes perfect sense if you as a colonial power in the hague need to lie and deceive to maintain the narrative of worshipping dutch colonial racism in the Caribbean to guarantee your neocolonial zumbis can win the elections.

Now that the elections are over and a mild anti-dutch colonialism coalition is about to form a double victory could be celebrated. A battle is won but Curaçao has a long way to go. The dutch government is not allowed to make any conditions that would hinder intervene sabotage the decolonization process on all levels for all the islands. Yet still everyday this is the case. The state council has Caribbean members and they also played a role in making sure the advice would drop after the elections. It’s the internalized dutch colonialism in these individuals that facilitates the legal part of colonial capture. Entities like state council still analyze disputes in the Caribbean with the dutch government with law theory based on dutch white hyper plunder.

Conclusion: The dutch lie always, always when they see they’ll lose power which means losing money. losing stolen wealth, losing stolen Black property in the Caribbean.

Viktoria Elektoral pa Mimi i Pik: Kiko Awo?

“Boso par’i wowo nunka a mira paso no tin mas siegu ku esun ku no ke mira. Boso par’i lip, hmmm mentira so…. Boso Par’i Man ta mata hende. Boso Par’i Man tin mi loko…” ~ Benno Martis

Historikamente Bandabou ta e luga kaminda a e bataya mas duru i sangriente a tuma luga pa libera un pueblo pretu for di sklabitut. Ta einan ora bo ta pasa den klof e spiritunan ta dwalu ku a bringa kontra makambanan i nan ehersito di pretunan liber i mulato. Un luga kaminda sentro di gobernashon den Forti, Punda semper a lubida ku eksepshon un tiki di partido nashonal.

Awoki despues di elekshon, despues di manipulashon di media i debatenan ku e viktoria grandi ta pa partido MFK bou di liderasgo di Gilmar ‘Pik’ Pisas ku tin ku proba pa e mantene e tradishon ansestral di lucha pa un pueblo pretu. Den su banda tambe Ludmila Larmonie-Cecillia di PNP a risibi e mandato dje pueblo elektoral pa bai sinta den Forti i goberna e pais aki sam sam ku un pueblo ku no ke sufri mas bou di un elite krioyo i ulanda.

Pa MFK i PNP i kalke otro partido ku 1 asiento forma un union den gobernashon e destino mester ta kla pa tur hende. Preguntanan kardinal ta:

  1. Nan lo hasi uso di abogadonan Sulvaran, Eustatius, Peterson i Monte i Orphelin pa eksigi derechonan dekolonial? Kansela debe kolonial, reparashon, segura finansas abase dje derechinan ku kada pais kolonisa tin? 
  2. Lo buska un manera pa e elite krioyo rekonose nan kulpabilidat den sakiamentu dje pais i eksigi redistribushon dje plakanan ku nan a akumula? Lo kuminsa kambia e strukturanan di poder ekononomiko i finansiero: Bankonan komersial, Banko Sentral, fondonan di penshun, kompanianan di seguro i otro entidat ku ta chupa miones for di pueblo?
  3. E boluntat tei pa kambia areglo di estado pa fasilita kambionan fundamental ku por prospera bida di hende?
  4. Lo restruktura regulashon di parlamento pa krea demokrasia partisipativo popular real? Reunionnan di parlamento kaminda kada suidadano tambe por papia i debati.
  5.  Miembresia i direktiva i votadonan ta karga e mesun energia pa liberashon?
  6. E realisashon tei pa transforma prensa i sektor kultural den un armada di konsientisashon popular?
  7. E dos partidonan ganado aki ta kapta e seriedat ora Helmin Wiels na 2010 a bisa ku Korsou tin un chens di oro pa sali for di e werewere kolonial i buta un fundeshi nobo?