Mishon Tumba Gobiernu Abou: Un Etnografia di Gruponan Di Preshon Elitario

Den tempu di gera no tin misa
Den temporada di gera politiko tampoko no tin Kuaresma.

Mal kibuka te persona ku ta kere politika ta e aktuashon dilanti kamera of mikrofono pa kalke protagonista.
Lokwal nan ke lagabu kere ta bin dilanti. Pabo komprende kiko ta kiko di berdat den Herusalem politiko na Korsou bo mester tin sikiera un tiki tinu di kiko ta soso tras dje kortina.
Asina kada bes di nobo pueblo ta kai den nan trampa bringando otro riba un seru di misinformashon nubla ku fuku di manipulashon.

Pa mara e “Kultura di miedu” solo riba e gobiernu di MFK, PS, MAN lo ta un fayo. Tin un buki ku mesun titulo ku a wordu skibi pa Valderma Marcha di 2003 temporada ku PAR tabata na poder.
E gobiernu aki ta dikta tambe. No tin demokrasia partisipativa. Wak manego energia, wak reforma impuesto ob, wak penshun. Pero un pari anja pasa tabata mesun kos. Wak slotverklaring, konstitushon henter e negosashon pa restruktura Korsou.
Si e tempu ei a konsidera pa kambia sistema elektoral por a preveni mayoria drama politiko ku esnan ku ta protesta awoki a krea nan mes. Sea dor di keda ketu of dor di no duna pueblo e oportunidat demokratiko pa renoba e areglo di estado.

Por a reforma e desaster den media ku ta fomenta mas drama politiko inesesario. Pero no no tabata kumbini e opositornan e temporada ei.

E bosero di un dje gruponan di preshon ‘Pro Pueblo’ Sr.Ruben Suriel a deklara awe (2-3-12) na Z86 pakiko a organisa e reunion: “E reglanan di demokrasia ta wordu tacha den formanan diktorial” referiendo na e kontroversia den VDC (Veiligheidsdienst Curacao) ku supuestamente wordu invadi pa servisio di inteligensia di Colombia), e disputa ku pomp di gasolin ku Funmiles i kartel di preis riba gasolin. E ta mira kon poko poko ta bezig ta sakando nos for di reino Ulandes. Tur esaki ta monta na su konsepto ku demokrasia ta na peliger.

Segun Sr. Ruben Suriel antes Korsou tbt tin korupshon pero a laga e galinja buta su webu di oro prome i esei segun e tabata normal. Pero awoki segun Sr. Suriel tin korupshon prome ku e galinja ta buta su webu di oro.
1. I pa kolmu ta kita la yena for di e galinja (e lei 80/20)
2. Komersio ta bira menos liber i esei ta bai kontra e reglanan komersial ku a yuda Ulanda bira un dje paisnan mas poderoso for di 300 piku anja pasa. (•_O)

Si gruponan di preshon ta logra pa bini ku elekshon nobo, kiko ta e senario ora PAR gana pasobra tesei ta nan deseo? 9/10 asiento PNP lo hanja un asiento? FOL tambe? Lo bin otro partido chiki pa forma ku PAR (ku tambe lo a forma ku MFK i PS ni maske nan ta wordu di marka partidonan gengster) of ta forma ku MAN si nan obtene asiento? Of ta ku MFK e partido ku nan ta tilda di ta mafioso? Ta kon nos tin ku mire?

Lo propone pa kambia e sistema elektoral prome of usa e malchi putri ku lo resulta den mesun bochincha trempan of lat?

Tin varios realidat un di nan ta ku tin un grupo grandi ku ke duna e gobiernu aki un chens ni maske kon bruha nan manego politiko ta. Nan ta rasona ku PAR a sinta ’17 anja’ horka nos awo ku nos hende ta na mando pa 15 luna laga nan goberna awo.
Otro realidat ta ku aunke tin yen kos den sentro di gobiernu ta baiendo robes e grupo aki no ke mira PAR bin bek. E ta den mesun style ku na Venezuela ora e llanero konosi Cristóbal Jiménez tbt kanta ku “ADECO y COPEI nunca mas volveran”. Emoshonalmente PAR a traumatisa un gran parti dje elektorado ku ni maske nan lo a soru pa Korsou bira un paraiso segun nan deseo nan lo no ke mira nan bek.

Awor ban bek na Kuaresma: temporada di apstenensia, yuna purba di eleva bo spiritu for di e mundu material karnal pa 40 dia.
Yu di Korsou ta bon Kristian berdat?
Tasina hodidu e situashon politiko ta ku nos no por a postpone akshon politiko pa baha un gobiernu durante Kuaresma?
Nos lidernan katoliko ku na kabes obispu Secco ta permiti esaki sin mas?

E gruponan di preshon ta konsiente si ku nan deseo pa baha e gobiernu di MFK, PS, MAN outomatikamente ta nifika ku gobernado Frits Goedgedrag tin ku baha na mesun momentu paso ela bisa emfatikamente ku e gobiernu aki tei segun regla aproba dor di su persona ku ta representa reina Beatrix na Korsou?

_¤ Kiko a lagabu kere e mentira ku kambionan di struktura estatal lo a trese prosperdidat pa Korsou despues di 10-10-10 sin adapta reglanan nobo pa media, reforma konstitushonal, ekonomiko, finansiero i edukativo?

¤ Kwantu mil hende lo basha un gobiernu abou?
¤ Bo sa kome piska riba djabierne?

¤ Bon Katoliko sa protesta politikamente den Kuaresma?

¤ Ba yega di mira e gruponan di protesta lanta eksigi kas, trabao, edukashon na drechi, sirkulashon hustu di ekonomia i finansas pa pueblo ku entrada abou den ghetto?

¤ Dikon tur e gruponan di protesta huntu ku PAR no ta bin ku un proposito di lei pa prohibi Yu di Korsou gambel nan penshun, onderstand den Kasino?

¤ Pastornan katoliko a bira trahado sosial enbes di lidernan spiritual ku por trese un pueblo dividi huntu dilanti trono di Ser Supremo?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s