HESUS PRETU

Potret ta un mural di pintor Garrick Marchena den Keukenstraat, Punda

Manka pia djesun
ku malamente ta
trapa nos derechi
Pika konfesa ta
pika pordona
Revancha regala na
Liderasgo lembelansa
Kansa di nan bla bla
Dal un banjo di 3 potensia
ku un Pinchi di sanger
trek e foi
~~~HESUS PRETU~~~
Harma
un pali horka pe
inventornan i sostenado di
sufrimentu sosial
e klabunan ma sake
for di man di ~~~HESUS PRETU~~~

Pila di misa
Pila di negoshi
Ate ta zuip bo sanka
for di tempel
Hombernan di poko fe
No balota e yu muhe
di e Dios Santu sinta na
Man drechi
~~~Hesus Pretu~~~
Flor di Korona de la Birgen
Den su kabei di flektu
E Redentor feminino divino
Ku su zoya di 7 gera invikto

Tin ta boltu kashaka
pa plaka
Tin ta mira plestik
pa platina
Kopper pa oro
Hoben bala den su kabes
na Seri Kandela bida ta sigi
N’tami yu tog..

Profeta di manego bankario
monetario
Hesus Pretu ke mira
nan kai sera
Den aya na Skalo
bai check ku Pincho

Si bo wak bon e ta
den hanchinan ku
holo pishi i speshi
di Karnaval na Otrobanda,
Jose Immaculato na estado
Atei ta wapa riba Seu
Chapi ku kachu e ritmo
pa invoka e spiritunan
di Gueni i Luangu
Hesus Pretu
Esnan k’a alabe
a saka kachu poei
e den su lomba
Hesus Pretu
Esnan k’a keda kere den dje
A mira tinashi yena ku awa
bira binja di tamarein
Hesus Pretu
No ta bira su kara
pa tuma sla
E no ta MANSU
Kurandero kurti
den katesashi libertado
Batisa den Ref

Skritura ta bisa
Hesus Pretu
Lo salba
e hende ku 600 punto
i mas
den ka’i tabla ku komehein
riba lista di espera FKP
Laga tanta i su subrinanan
su kara briya di alegria
di koroto pa kas digno.
Tanten mi i pari hoben
ta bebe un pinchi whiskey
paso grandinan
a bute na nos lip.
Bai puntra~~
Hesus Pretu
E birgin baldadi boli boli
sinta riba su trono
plamando oyada na uni tur
ku ta sigi teima menospresia

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s