Legumai Selebra Anja La Reina

Pintura (c)-Jose Maria Capricorne

Na vispera di un otro 30 di Aprel, anja di reina Beatrix, un dia liber ku henter Ulanda ta selebra sea konsiente ku respekt i karino pe kabes dje estado ulandes of pasobra e abundansia di festegamentu ku tin riba e fecha ei. Kulturista Elia Isenia a trese un opservashon importante dilanti ku hopi bja ta trese resistensia, agitashon bou di un pueblo ku te ainda ta hopi pega ku e pais kolonisado Ulanda.

Donja Elia manera hopi sa yame a bisa ku enbes di selebra Anja la reina ku ta referi na e reina Juliana ku a fayese pa basta anja kaba nos tin ku kuminsa selebra dia di Tula, Dia di Doktoor. E no a nifika algu pabo? Dia di Amador Nita, Dia di Papa Godett. Un di nos hendenan i sigur no un reina defuntu.

Un dia manera 30 di Aprel di mes mayoria di nos no ta wori mes ku
reina Beatrix, Juliana of henter e
famia real. E ta un dia liber, kana
ront den bo panjanan oranjo pero
te einan e kos ta keda. Pa di berdat nos honra nos heroenan enbes di
un reina ku no ta wori ni ta sinti responsabilidat pe islanan aki ta depende kon fuerte nos ta bai
traha riba un sistema di renoba
nos pensamentunan i akshonnan kolonial.

E gobiernu ku vishon, seriedat pa forma un nashon despues di
10-10-10 aki por a organisa un diskushon nashonal riba e tema
aki di selebra un imagen kolonial
of honra nos hende pa asina fortifika nos nashon. Pakiko esaki no a sosode ta pasobra nan mes tin e miedu pa dekolonisa nan manego.

Uniko persona den gobiernu ku ta trata di hasi un kambio ta minister Monk. Tempu lo bisa kon serio, su manego ta pa kita e rais kolonisado
for di kurason di hende.
Te ainda e koalishon aki i manera abogado Eldon ‘Peppie’ Sulveran korekto ta bisa a hanja chens pa
sinta pasobra votadonan di ‘NO’
a buta nan den gobiernu.
Ta nifika ku e vibrashon anti-kolonial di ‘NO’ mester hanja su refleho den gobernashon na un manera drechi.

Medionan di komunikashon mester wordu usa optimal tur dia pa trese
un debate kontinuo dilanti ku ta konsientisa e nashon riba tur e kayanan ku ta kore yega na un
Korsou ku suidadanonan kritiko
liber sin tantu rasgonan kolonial.
Ora konsientemente bo sa ku bo
ta den un fase di dekolonisa
e toleransia pa fayonan, ekseso i
hasta ridikules politiko ta hopi mas
grandi ku ora bo no ta kapta na kwa
krusada bo ta para.

»» 17 anja largu gobiernu no kier a usa su outoridat pa komunika ku su pueblo dikon e manego frakasa ta sigi te ainda?

»» Tin ku hasi un telethon pa Elia Isenia por presenta su programa ‘Den Adrei’ tres bja pa siman?

»» Dikon no tin mas hende ta papia riba kultura di Korsou den media, nos a perde balor pa nos mes historia?

»» Di berdat YDK ta manera Wiels ta bisa: “Trupial Kacho” tur na oranjo ridikulo riba anja la reina?

»» Si bo yu ta den koma pa semper ta kiko bo ta selebra anto komo reina? Of ta negoshi no tin kunes ku koma?

»» Ta kwa heroe nos por buta pa remplasa reina 30 di Aprel?

»» Dikon nos no ta evalua tur 5 anja e funkshonamentu di reina Beatrix? Kiko mester ta e kriterianan pa responsabilisa e senjora aki?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s