Kima of Muha n’e Borchi Bus

Presidente di Parlamentu Sr. Ivar Asjes a anunsia ku e initiativa ‘Parlementario Den Bo Bario’ pa skucha kurason di pueblo ront Korsou a konklui den varios prekupashon di nos suidadanonan. Esun ku ta resalta mas tabata number unu: Kayanan ta hodidu, mester drecha hanchinan di tera. E number dos ku sorpresivamente pero ku tur rason di mundu tabata ku paradanan di bus no tin banki pa sinta, no tin dak pa skonde or solo ta kima of awaseru ta muha suidadanonan wardando riba bus of konvoi.

Hasiendo un rekorido di Banda Bou pa Banda Riba lo bo saka bo som ku mandatarionan, politikonan pa dekadanan largu a neglisha e pueblo di entrada abou ku no tin moda pa kumpra nan mes outo. E kantidat di borchi bus ku un banki i dak ta skars i esnan ku tin awoki mayoria di nan no ta sirbi ora yobida bin. (Wak potret ariba)
Siman pasa bo por a tende kon direktor di Reda Sosial Sr. Herman George tabata broma kon nan a inberti mas ku 90 miyon florin yudando drecha barionan atrabes di anjos. Un bario kaminda un mama ku su yuchi, muchanan di skol, penshonado, trahado humilde tin ku sufri wardando den un igra di solo of awaseru ta un falta di respet, un abusu di poder politiko i ekonomiko.

Tin sierto kaminda hopi pasahero ta trafika i bo mester buta parada di bus. Sikiera temporal te ora e servisio D.O.W. dje minister di trafiko i transporte publiko Sr. Charles Cooper bini ku un manego figo pa un disenjo ku ta kwida e usario dje rutanan publiko. Na rou mes nos mester ta si e mangasina dje rei politiko i su parlementarionan no por presupuesta i produsi 100 parada di bus pa anja pa su pueblo pagado di impuesto.

[>] Si bo tin outo bo por traha na D.O.W. e servisio enkarga ku trahamentu di parada di bus anto pa mas ku mitar siglo bo no por bin bei ku mester bin mas parada na drechi ora hende ta para warda bus?

[>] E paradanan di bus na Otrobanda i Punda ta un desaster, ora awa kai bo ta muha tog, masha bunita buta pero nan no ta sirbi, meldumi si mi ta robes.

[>] E hefe di D.O.W. no ta biba na Korsou? Mandatarionan, gobiernunan di turno tabata bula den helikopter ku nan nunka a mira hende ta dirti den solo, muha papa papa muha ora un pali awa kai?

[>] Dikon mi ta korda riba e slogan di kampanja di Nashonal: “Abo Ta Konta”?

[>] Kiko a pasa ku sindikato di shofurnan di bus nunka a bringa pa drecha e situashon teribel aki?

[>] Nan lo drei riba politika bjeew putri i warda net un pari siman prome ku elekshonnan di 2014?

[>] Ba yeg’i duna hende kabe’i boto oro awa tabata lastra of solo tabata hasa?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s