Theodora

Sunchi brasa pa
T h e o d o r a,
demonjo ta kore
su tras den kas ku
kuchu den man,
bida ta kuru ruman,
yunan ta para wak,
wowo ta basha
goti awa
tur di span,
kasi tur siman,
e mesun episodio,
henter plenchi ta
tende gritamentu,
kibramentu glas
pero tog niun
ta bisa un konjo.

E rij di onderstant na Giro
no a bira mas kortiku.
Futuro briyante mira ku
popchi wowo tristu,
Djadumingu reserva
pa misa di Kristu
Sobra 6 dia pa
diabel pobersitu.
Fe den balinja,
sigi briya si
mi reina t’e gritu.

Den flor di su bida,
pida sanka i cheiba
pa habri su dia.
Bai traha, hisa bloki,
boltu matrial, peon e ta,
5or bati
80 floro den su saku.
Buta 5 un banda
pa wela su plancha.
Tanchi su frei trai bara,
tur mainta sinta
na Esperamos
bende briyechi ku kala.
Bunitesa i trastorno
dje klase trahado.
Gai ku muhe sabi
a bai studia afo,
bin bek ku diploma
kiersa nan sa miho,
alpargata a hanja meya
bin ganjabu ku bo ta floho.

E rij di onderstant
na Giro no a bira
mas kortiku.
Futuro briyante
mira ku
popchi wowo tristu,
Djadumingu reserva
pa misa di Kristu
Sobra 6 dia pa
diabel pobersitu.
Fe den balinja ,
keda briya si
mi reina t’e gritu. (2x)

Ku un karta skibi
na Ulandes nan a
manda tata bai kas.
Sin trabou no tin pas.
Isha a stres e koi.
Penshunado viktima
boluntario di su
kara bunita, sonrisa,
den jeans perta,
kurason ku kayo.
Riba su kokot’i man
tin skibi “Amor i Odio”,
un situashon sosial
un tiko miho sin broyo
esei e ta envishona.
Yude ku plaka
pe hanja tiki plaka
kuminsa
su mes kompania
no mas doloi kabes
tesei e ta ambishona.

E rij di onderstant
na Giro no a bira
mas kortiku.
Futuro briyante
mira ku popchi wowo tristu,
Djadumingu reserva pa misa di Kristu
Sobra 6 dia pa diabel pobersitu.
Fe den balinja, keda briya si mi reina t’e gritu.

Advertisements

Golden Filigrana Chains

Life lessons labyrinth
Young blood squinted eyes
Extortioning reality
With tears
Daddy just died
Choirs of wailing women
Amulets round navels
White candles lit
the spirit flight
Golden Filingrana chains
swinging from the necks
of angels.

Thrown in the dungeon
Patron come crawling out
Caught in the jungle
We come swinging out
In the ghetto trapped
All of us aiming bucking
blasting, blood pouring out.

Giambo heads steady
licking heels
for social mobility
Haiti still suffering
watch them throw Vodun drones
at Obama & Hillary
Underground economies
unlike the ministers
keep the hood fed.
Demeanor be
Felix Chakutoe
port strike units
Donisio and them
still driving ’69 Buicks
That racial inferno year
we bit back at
the masters from
the land of tulips.

Thrown in the dungeon
Patron comes crawling out
Caught in the jungle
We come swinging out
In the ghetto trapped
All of us aiming bucking
blasting, blood pouring out.

Freedom fever
glowing foreheads
Self providing
communes on
spiritual war paths.
Invincible memories
on clouds.
Mama’s lips pout,
somewhere a child cries.
7.30AM school class
starts feeding kids lies.
Stuff them with
Soda pop poison,
greasy food
Listen look
Ya elders had
Decolonized diets
Before yo young
ole ass
ate the truth
…………….
And you still blindly
believe them health gangsters
they making fortunes while
our mothers dying from
all sorts of cancers….

Thrown in the dungeon
Patron comes crawling out
Caught in the jungle
We come swinging out
In the ghetto trapped
All of us aiming bucking
blasting, blood pouring out.

Street boys logic
rob Boolchenat
50-50 if caught
Still 3x a day a
meal in Piskelat
Others fade
aim their hustle
at self mastering
Tobo get coronated
by lambskin
Drug money got
reina chiki living out
her dreams while
Pedo pastors in
the tabernacle
be cackling.
White gods escape routes
Sprinkle Florida water,
3 mango’s
and bible verses
For a higher purpose
Vigil and prayer
Amado Romer
with the speed of
Goddess light
reincarnates back
into pastor Curtis.

Thrown in the dungeon
Patron comes crawling out
Caught in the jungle
We come swinging out
In the ghetto, trapped
All of us aiming bucking
blasting, blood pouring out.

CBA 1 Anja Den Airu, Pero E Lo Sigi Hala Rosea?

CBA Television a selebra su prome aniversario, direktor di Hart & Private Productions i direktor-gerente di CBA na kanal 11 a kuminsa anja pasa ku un sonrisa, ekipo di notisia harma pa sanger nobo ku na kabes e reportero tribi Yves Cooper komo hefe di redakshon i flankia pa Oscar van Dam i Rignald Maduro. Den media e bueltanan ta bula tur sort’i logika tur ora. Esaki tabata opvio ora for di kuminsamentu Sra. Hart no tabata dje inklina pa bisa ken tabata forma e forti finansiero di CBA. Si bo sa ken te donjo bo por kompronde for di kwa angulo e notisia i sobra programashon tin ku bin.

E prome lunanan un airu fresku a supla den mundu di tv i CBA a duna bon kompetensia pa Telecuracao. Yves Cooper a kima su marka mesora, notisia di dia yena ku e lokura politiko, polisial, sensashonal. Pero e toke ekstra tabata e entrevistanan ku personahenan den komunidat ku na kanal 8 lo no hanja un entrada fasil kombina ku un agresividat i spontanidat konstante pa saka primisia i aserkamentu di notisia ku wowonan alternativa.

Werewere a bati na porta di CBA forsando Sr. Cooper i Sra. Hart pa kibra nan kontrato kreativo lagando mesora un bashi den e programa ku e tabatin huntu ku Oscar van Dam anochi analisando e notisianan mas interesante di dia. Rignald Maduro pa un tempu chiki a tuma Cooper su programa ‘Unu Unu’ over merdia pero meskos ku Chacho de Castro ku ‘Kontakto’ e konsistensia pa motibunan deskonosi no tabata deja. Programanan manera ‘Pro-Info’, ‘Konklushon’, ‘New Day’ Last Call i e entrevistanan di Germaine Hart mes si a keda pasa sin muchu problema.

Falta mas forsa si: mester di programanan nobo pa hoben, adulto mayor, hende muhe. Programa di debate riba topikonan lokal, regional, internashonal. Trese inovashon, laga Facebook, Twitter bira un media sosial interaktivo pa yuda demokratisa CBA su notisia i programashon. Legumai kopia e formato bjeew di laga dos hende presenta notisia. Bin ku reportahenan investigativo, no sigi e trend ku tin den prensa di laga pueblo papia solamente ora e ta kumbini pero laga televidente mes na palabra na momentunan speshal den siman enbes di ripitishon di bo programshon.
Tantu programa por wordu krea for di ekonomia, finansiero te ku arte, kultura pero boluntat te kos, un kos si wak un hende kushina na BVN sigur no te kos. Ni tampoko pelikulanan bjeew den orarionan primera, mester tin e vishon pa adapta e kustumber dje televidente pa wak pelikula so. No worry kiko bo kompetidor ta hasi paso despues di mitar siglo su wega ketu bai ta bruha.




[> Banko Maduro ta sponsor Telecuracao i CBA, esaki ta garantia pa notisia independiente sin metementu di interes finansiero berdat?

[> Un modelo nobo base riba ayudo finansiero di pueblo enbes di aviso?

[> Ta ken a traha e pinjata anto?

[> Dikon no laga Rudolf de Wit tira notisia di 7or kosnan di salud 3x pa siman?

[> Laga 2x den siman trese tur e karanan di notisia huntu i basha nan opinion?

[> Website nobo porfabor?

[> E kombinashon di Rignald, Gonzalo i Oscar lo tabata ‘kandela’ pa Tertulia CBA?

[> Chekeo di hechonan bibu direkto, balki bou di notisia pa Ping, Twitter, Fb?

[> E konopi di zonido tin mane un almasola ta harte of no?

Mea Culpa Di Mundu Sindikal i Media Mas Na Tinu. 1969 Rebiba ku Madures.

Batajon di pregunta ta skeiru ora 30 di Mei yega. Manera tur anjanan anterior e dia pa parti di media no tin masha antenshon aunke e slanan emoshonal tei ketu bai. Horecaf ta reklama ku donjonan makamba ta kansa trahado pero VBC ta keda smoel. Sektor di salubridat, konstrukshon, pakus, supermerkado, vigilansia ta pasa diariamente den abuso laboral. Departamentu di labor no ta parse di hanja e memo ku 10-10-10 mester a trese un renobashon di hendel ku kehonan di trahado pa nan dunado di trabao. Minister di labor Sr. Koeiman ta papia nechi pero su forsa ta kai chiki kontra e kapital ku tin skrement di tur e leinan laboral.

Sindikatonan konfuso no sa di respeta i homenahia e lidernan ku tabata tei prome ku nan di nan mes sindikato. Falta e vishon, seriedat pa kuminsa ku programanan di informa e klase trahado struktura via korant, televishon, radio i internet riba nan derechinan laboral. No tin linjanan habri di komunikashon pa krese un konsenshi laboral, no tin un punto sentral moderno pa hanja konseho laboral kaminda tur trahado na Korsou mesora por sinja konhuntamente kiko por hasi kon por solushona tal drama laboral.

30 di Mei 1969 solamente ta wordu konmemora pa FOL pero ‘niun’ sindikato ta organisa un foro, un debate riba e historia dje rebolishi di ’69. Tin manera un fuku pega den nan alma pa inisia un diskushon riba e progreso di sindikalismo, e bida sosial ku nos ta den. No ke bin ku sifras dilanti, no ke hasi investigashon, ku sifrasnan sientifiko pa kombati e malinformashon ku na final lo kumbini nan lucha mas ora bo ta arma ku dokumentashon laboral.

Media su rol te ainda tambe ta fofo i no por of no ta ke buska un modelo di informashon manera Vito di antes. E kreadornan di Vito ku tabata buta kos move den anjanan 60 tampoko no a mira e importansia di gia eduka lidernan nobo pa e spiritu di konsientisa, senjala, denunsia tur sorti drama riba e baranka aki. Plaka nunka por tabata e motibu ku un sistema di informashon a kai i disparse. Sigur den e mundu nobo di komunikashon ta stranjo ku te ainda niun hende ta hasi uso di media sosial kombina ku radio, korant, tv pa trese kambio real pe trahado.

Kos a mehora berdat pero asuntu ta keda ku kosmetika ta dunabu e ilushon ku nos ta riba ‘un bon kaminda’ i VBC na ’69 a perde 40 miyon pa e mentalidat malagradesi. Tur kos ta keda meskos te dia nos intelegensia spiritual kuminsa rasona. Tanten nos ta drei asinaki manera Mgr. Dr. Amado Romer a bedei: “Tur kos ta parse dirigí riba un pais desaroyá. No ta fomentá sentido di solidaridat den pueblo, no tin e atenshon pa formashon sosial. Tur kos ta bai na kon por sigurá un entrada pa mañan, ta kompetensha ta manda i no sistema di kooperashon ku otro pa huntu yega na algu. Un enseñansa liberal pues, ku ta kria hende egoista, individualista, pará riba su mes pero totalmente los for di tur otro.”

Trint’i Mei ’69, 2012 E Deseo Di Frishidel Riba Lomba, Boltu Volkswagen di Mener Ketu Bai Tei

Desvelo di un busto di Wilson ‘Papa’ Godett un dje luchadonan historiko di 30 di mei 1969 mester a pasa den un gera di identitat, rasismo elitario skondi, politika fantochi di 40 anja pa den ougustus ’09 bira un realidat. Esaki ta e herensia dje bataya sosial, rasial, laboral ku te dia djawe no a wordu gana. E partido FOL (Frente Obrero Liberashon 30 di mei) a frakasa tur e anjanan pa buta e historia di nan liderasgo komo Godett, Amador Nita den buki, riba film of audio pa kumpli ku nan mes meta di konsientisa, independisa e yu di tera, konosiendo su historia di lucha pa igualdat.

Na 2009 tambe Stanley Brown a hiba un diskurso durante konmemorashon di trint’i mei organisa pa FOL. Eiden apesar dje politikeria personal pa motibu dje referendum di struktura estatal a wordu trese varios punto balioso: “Promé ku 30 di mei 69 no tabata eksistí demokrasia ni prensa liber na Korsou. Ku volmacht tabata kumpra míles i míles di voto. Partido Demokrat tabata donjo di dos korant i misa katóliko di esun otro. Poder ekonómiko, poder polítiko i poder kultural tabata den man di hende blanku. Religion tabata obligá i dikta nos di pensa manera nan a bisa nos ku nos mester pensa. Muhé kasá no tabatin e derecho di sera kòntraktnan. Diskriminashon i rasismo tabata reina i tabata opstákulo hende pretu yega na puestonan klave. 
Hende pretu ku eksepshon di un hende pretu, hopi bes Dr.Lashley, ku tabata ser usa pa tapa e bèrdat di e rasismo, no por a bira miembro di Rotary, Lions, Klup van Engelen, Golf klup Emmastad, Kabrieten o partisipa nan nan fiestanan. Eksplotashon ekonómiko tabata normal, un mucha muhé ku tabata traha den pakus tabata gana 100 pa luna, mientrastantu un mener di skol tabata gana 1200 pa luna.= 12 bes mas tantu. Sindikalismo no tabata tin e nivel di organisashon i poder ku e tin awe. Suèldu mínimo, lei di retiro no tabata eksistí. Tambú tabata prohibí. Papiamentu tabata ser menospresiá. 
Kasnan, trabou, ònderstant, bekanan, fiansanan di banko di krédito di pueblo, tabata ser repartí bou di famia, amigunan polítiko i bysidenan. 
Di e 20.000 hendenan sin trabou ta 600 kompinchi, amiganan íntimo di e diputado tabata risibí ònderstant. 
No tabata tin ni 500 kas pa pueblo 
Korupshon tabata eksistí na gran eskala sin ningun konsekuensia. Prison tabata pa hende pretu so. 
Parlamento tabata un rùber stèmpel i gran mayoria tabata ámtenar kobarde sin muchu edukashon. Kontrolaria general no tabata funshoná . Shell, huntu ku Banko Maduro, tabata dikta manera nan ke, i paga e impuesto ku nan ke. Nan tabata un gobièrnu den nos gobièrnu. Tabata reina un diktadura di partido Demokrat i un miedu pániko pa nan represayanan . Nan tabata traha leinan di e momentu na nan interes pa protehá nan monopolio i poder. Konosí tabata e hòmber ku e buki pretu ku tabata kana rònt den tur departamentu di gobièrnu ku tabata nota tur kos pa partido i ku tabatin mas poder ku e hefe. Polis i hustisia tabata e man represivo, vengativo, di partido demokrat. Si bo no tabata Demokrat bo no por a bira polis.”………………

“Nos enemigu komun ta e polítiko elitario pretu o blanku, e donjo di trabou pretu o blanku. E prensa kumprá. E religion diktatorial . E banko. E sistema kapitalista no sivilisá.” 

Merito di un lucha semper ta keda figo i no por dirti pero despues di sefta por buta interogatorio kiko a pasa ku Stanley Brown i su kompaneronan dje era ku nan no por a kristalisa e kambionan desea durante anjanan 60/70? Kiko tabata e grado di difikultat pa skibi, graba, filma e bida di Papa Godett, Mac Alberto, Emmy Henriquez i sobra pa eduka nos mes pueblo enbes di laga e forsa kolonisado skibi buki, thesis for di su punto di bista pa despues pa falta di nos mes esfuerso hanja nos forsa pa referi na nan historia skibi?

Kiko falta nos ku ta dura 40 anja pa buta un simpel busto? Aparente manera Amado Romer a bedei hopi bes kaba ku nos tin e malehempel di ta keda desgrasia nos desaroyo: Si bo no forma bo pueblo riba nivel di edukashon, sosial, politika, ekonomia, finansas i spiritual bo tei hanjabu den un Trint’i Mei garantisa sin of ku kandela.

Den siman lider sindikal di CFW (Curaçaose Federatie voor Werknemers) Sr. Boy Spencer a remarka ku tin muchu divishon, muchu sindikato riba kada sektor i e prinsipionan, e honor sindikal a kai den otro. E ta rekorda tempunan den pasado kaminda ta tin tiki mas respet pa trahado: “No tabatin kuestion ku kahera ta keda para i tur tabata hanja un stul nechi. Awendia por mira kaheranan ta para ocho ora riba nan pia i no tin hende pa defende nan. Suveco (Asosashon pa supermerkadonan) ta wak interes dje donjonan i no dje trahadonan….Dje otro banda gobiernu tambe mester enforsa leinan na fabor dje trahado”

Despues den e artikulo den Extra di 28 di mei 2012 e ta sigi borda riba kiko antes lo a sosode ku e aktonan terorista di parti di donjonan di supermerkadonan (red. Goisco, Centrum, Cost-U-Less): “Tempu tabatin sindikato mes, ta stul haltu ku bon spons bunita fura i no tabatin kuenta di para riba pia. Ta drenta ta drenta i splika e donjo ku no por keda sin duda i kos tabata kana nechi”

Miles di hende a bai laga e mundu aki kaba sin por a pasa nan eksperensha personal di 30 di mei 1969 pa un generashon nobo. Nos tin hopi kos di sinja ainda i nan memoria lo a yuda forma nos vishon. A sobra hopi di nan si pero nan no ta bai t’aki pa hopi anja mas. Gritunan ofisial lansa pa imprimi nan historia kolektivo mester hanja e kaminda pa kana birando un kos di berde tangibel si no nos ta keda presu di forsanan djariba den piramid di bida ku kiersa nan por papia pensa pa nos.






— Bo tabata sa ku na Emmastad tin un plasa Reggie Venloo ku mester a hanja un busto anjanan pasa i no ta wordu kuida pa gobiernu ni pa CFW of habitantenan?

— Tasina difisil pa skibi biografia dje luchadornan di ’69?

— Nan a bisa ku Benny Leitoe, i Kibbelaar tabata mas makamba ku makamba despues di trinti mei, berdat?

— Benny tabata ruman di Gaachi?

— Por hiba Shell dilanti wes i kobra danjo perhuiso si adapta leinan?

— Kwantu kantika tin riba 30 di Mei?

— Bo ta korda kon yu di Amador Nita a bira Soberano i na mesun momentu tabata duna respet na George Bush?

— E programa di 30 minut na Direct di Dr. Rene Rosalia pa krea e Yu di Korsou nobo lo prospera?

— Prome ku un programa paga kuminsa Direct ta bisa ku e no mester kwadra ku nan ideologia. Dus e emisora tin un vishon?

— Bo por lesa e diskurso di Stanley Brown http://www.24ora.an/content/view/7321/10/ sin kinipi wowo?

— 2019 50 anja konmemorashon, e bja aki kon e lo ta? Kiko ta nos deseonan. Nos por klara den 7 anja?