Elekshon Nobo 19 di Oktober e Misedukashon di Artikulo 53. Bochincha of Bendishon?

Sin eleva e konsenshi politiko, kultural e resultado di 19 di oktober lo mantene e mesun ambiente di Si i NO. Awe gobernado a firma e dekreto pa desolve Staten i kanta elekshon nobo den e penultimo luna di un anja 2012 konfliktivo.

Siman pasa dos disidente, unu di MAN i e otro di MFK pa motibunan segun nan prinsipionan a tuma e desishon pa kita e sosten pa redirigi e rumbo di gobiernu i trese trankilidat pa e pais aki.

Gabinete Schotte unanimamente a para tras dje desishon pa konvoka elekshon nobo i no duna dos hende ku huntu a hanja no mas ku 500 piku voto kambia destino di un nashon.

Un momentu un grupo ta den jubilo un pari ora despues e otro ta di fiesta hungando e movida di usa e ya infamoso artikulo 53 di Statut. Konfushon ta lanta, eks ministernan manera Pourier, Ys, Liberia-Peters purbando di remeskla mente di hende via media di oposishon kreando un opinion ku artikulo 53 lo no ta algu ku gobernado Goedgedrag lo firma sin bai Staten prome. Gritunan di violashon, atentado di demokrasia ta skeiru pero dirti atardi ora e dekreto wordu ofisialisa for di palasio di gobernado. No opstante e realidat aki emisoranan manera Z86 i Deltha a sigi desgrasia konfiansa di nan skuchado i laga nan kere ku gobernado no a firma e dekreto te ora un minister mester a yama den nan programashon di distorshon pa ofrese nan e pampel pa nan mes wak e. Dap Orlando Cuales ansha ta bisa Cooper, un ratiko, diripiente e fax for di ofisina di gobernado a drenta. Tasina ta media responsabel supuestamente integro.

Pa bo manipula un pueblo via media ta un akto masha fasil durante un situashon kaminda bo tin ku husga si aplikashon di un artikulo den Statut ta permiti si of no. Sigur ora bo lidernan politiko, edukativo, sektor priva, religioso pa mas ku 50 anja no por a produsi mas ku 2/3 ekspertonan di derechi estatal. Ni tampoko programanan pa eduka bo pueblo riba politika. Tur manka asinaki a drenta negashonan ku gobiernu ulandes tambe pero esei ta un otro kapitulo. Si no tabata pa Rufus MacWilliam, Gibi Cijntje, Helmin Wiels, Ricardo Isebia, Eldon ‘Peppie’ Sulveran e opinion publiko lo a sufri bou di man di media manipulado.

Si bo ke gana un bataya politiko bo no por tilda e grupo ku ta sinta riba e stuhl gobernamental di ta hunga falsu, diktorial anto abo mes ku ke duna e aperensia di ta limpi, lusio drechi ta usando e mesun trikinan deshonesto ku bo ta akusa e grupo ei di ta usa.

E interes ta grandi pa media den su totalidat eleva su grado di seriedat e tres lunanan aki i no komete e fayonan di tur elekshonnan dje delasternan 7 anjanan. Mester kuminsa prepara pueblo di vota konsiente, a base di informashon veridiko duna riba tur kartera di gobernashon. Debatenan riba tur topikonan sin niun eksepshon ku moderadornan imparsial. Debatenan entre hobennan, studiantenan, klase trahado, klase medio, suidadano mayor i tur otro grupo ku pa anjos ta wordu neglisia.

Tur dos banda dje panorama politiko i media riba su mes tin e tarea di figa un posishon madura pa gia e elektorado na un nivel mas haltu ku outomatikamente lo perkura pa un gobernashon un sosiedat mas trankil mas uni, union kompletu ta un fantasia pero intento pa logra mas aserkamentu di pensamentu i akshon mester wordu hasi. Si esaki no pasa nos mes ta bira un bes mas viktima i no tin Ulanda pa kulpa pero nos mes i niun otro hende.

Yves Cooper otro siman tei kuminsa su korant nobo di atardi. Un vespertino ku ke buta konfiansa bek na e negoshi di notisia. Benefisio di duda pa Sr. Cooper aunke e nomber dje korant ‘Independiente’ no ta refleha e karakter komersial ku e tin. Periodismo via aviso semper lo depende di plaka, interes pero un intento pa trese notisia balansa bek den nos komunidat ta semper di aploudi.

=•= Dikon eks wes, eks gobernado Saleh a hanja asina tantu atenshon e siman aki? Te so tin sabiduria den su balinja?

=•= Unda e vurwerk a keda ora disidente a fuga ku asiento?

=•= Skibido di Tambu lo tin skriftnan yen skibi awe

=•= Ki dia lo bin un grupo di preshon pa kontrola responsabilisa media ora nan ta riba hungada beerput?

=•= Schotte awoki lo kompronde ku pa tur asuntu ku ta impakta pueblo mester informa konsulta pueblo?

=•= Tin hende den MAN, MFK ku ta dokumenta henter e historia di e tofermentu ku asiento?

=•= Konta ku e petroli i gas, leinan lo wordu pasa durante e 3 lunanan aki?

=•= E kurashi tei pa propone pa kambia reforma media despues di elekshonnan?

=•= Wiels, Kenepa i sobra tur a hinka Dios i Beibel den nan boka, piki a piki versikulonan ku ta kai net bon den nan hanchi pa manipula

2 thoughts on “Elekshon Nobo 19 di Oktober e Misedukashon di Artikulo 53. Bochincha of Bendishon?

  1. Asyla ten Holt says:

    BULGING OUT CAPITALISTIC DEMOCRACY OF LAISSEZ FAIRE RENDERING FEW TO PROMISING LAND WAS WITHERING AND GOT A STOOL INSIDE OPPOSITION AT LAST. NAGGING HOUND OF OPPOSITION CAME TO ENDURE TILL RECENTLY, UNTIL BOTH PARTIES, COALITION AND OPPOSITION AT SAME CROSSING-POINT MADE HISTORICAL DECISIONS. THE ONE HAD UNDO COALITION AND LET THE PUBLIC OPINION GIVE ITS CHANCE WITHIN UPCOMING ELECTION AND THE OTHER (OPPOSITION) TRIED BARGING IN GOVERNMENT AFTER FINALLY CONQUER 2 MORE SEATS FROM SOME PALS OF COALITION-PARTY- NEEDY TO MAKE A LUSTROUS MOVE -AND SO COUPLED 11 SEATS, READY TO GOVERN ; THIS LATTER WAS TWISTING AND TRYING TO BREAK THE COALITION AT LARGE-(PEOPLE GOT SICK OF THEM). THE 11 OF GOLD- MASTERING SEATS-PURIFIERS, POSITIONED THEMSELVES GLADLY AT TAKING THIS GREAT PICTURE ( THEY CONQUERED, YOU SEE), CONVINCING THEMSELVES OF GOING TO RUN THE GOVERNMENT, NOT KNOWING THAT COALITION PASSED THEM BY AT TWILIGHT, UNNOTICED, HOURS EARLIER AT COLONIES BUREAU AND UNTIE THEIR POSITION UNTIL ELECTION WILL COME SO WHY DID THIS ALL HAPPEN!! FACING THE FACTS, 8 YEARS LONG, TO AUDIENCE, KONSENSHI SIVIL WITH ITS EMANCIPATING PROGRAMS WAS INVIGILATING SNEAKY ACTS- CAPITALISTIC GREED-STRATEGY, OUT- SKIRTING THEM FINALLY INTO OPPOSITION-SEAT. SO NOW, NOT HAPPY OF COURSE,THE FILTHY HOOVERING CAPITALISTIC NAUGHT, DRAGS ON AND FINALLY FOR SECOND TIME TO CONVINCE THE GOVERN, HELMIEN MAGNO WIELS OF PUEBLO SOBERANO PARTY- MENBER OF PARLIAMENT -STEPPED ON THE GAS AND ADMINISTER THE GOVERNMENT OF NAUGHTY LAST ACT OPPOSITION IS ABOUT TO MAKE. NAMELY THE FISHING OF THE 2 PRECIOUS SEATS TO THE RUSH OF 11 SEATS TO COMPLETE, IS NOT PURE CAUSE OF HANDWORK OF OF OPPOSITION, BUT DEATH FOR COALITION. SINCE GREED CAN DECIPHER UNLAWFUL ACTS TO LAWFUL TRADES, YOU CAN GUESS THE REST. SO REST ASHORE WHATS COMING NEXT. THE TRIBUNAL QUESTION OF PUBLIC AFFAIR WON’T LET THINGS GO ASTRAY.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s