Orashon Katoliko, Tras di Krus Tin Diabel

Den tempunan di sklabitut i kolonialismo iglesia katoliko tabata un instituto poderoso ku tenglanan largu den formashon edukativo i desaroyo sosial, laboral. Trabaonan ku sigur merese murayanan yen ku krusnan di merito, sin embargo e malchi pa un yu di Korsou spiritualmente fuerte nunka a hanja e chens di mira lus di dia.

Monseigneur Amado Romer e delaster i uniko persona den siglo 21 ku a karga e antorcha di liderasgo katoliko spiritualmente ilumina a formula esaki hopi kla: “Ta un gran lástima ku e trabounan akí a toma tantu esfuerso i tantu tempu, ku apénas a sobra tempu pa e formashon manera a pidi mons. Verriet, esta di organisá “lidernan” di nos pueblo, hende ku vishon i espíritu evangéliko ku lo por a toma e partí di desishon i organisashon tambe huntu ku e lidernan religioso.”

For di e optika di un opservante di media e anunsio di pastor Morrison di Misa di la Birgen di Fatima, Suffisant pa tene un santu sakrifisio di misa kombina ku orashon 23 di ougustus pa ilumina tur lider politiko i kandidatonan ku ta den kontienda pa elekshon 19 di oktober a desepshona hopi hende. Huntu ku pastor Curtis i Raul den su banda sin obispu Secco a purba di bende pueblo bon spierta e idea ku iglesia katoliko ainda tin e poder religioso, e forsa moral pa instrui lidernan di politiek Willemstad ku beibel den man mane Ulanda a purba di hasi via leinan di reino ku artikulonan di Statut.

Un misa di 7’or pa 9’or di anochi ku niun media a transmiti bibu ku eksepshon di TDS. Ni un emisora mane Direct ku su direktora Jasmin Pinedo ku semper tin Dios riba su lenga tur mainta of un Deltha ku na kabes dr. Aishel Isenia un predikador ku tur santu dia ta intenta pa trese palabra di Senor den kas di hende.
Mas repudiabel ta ku e emisoranan aki ne momentu divino no por ni ta ke komparti e esfuerso di e pastornan pa lusa kaminda dje politikonan via nan radio pa pueblo henter por a skucha.

Haragan pa tin e primisianan politiko pa sembra broyo dia aden dia afo, kla pa transmiti kalke protesta anti gobiernu pero oportunidadnan pa ungi pueblo su orea ku orashon i sabiduria bibliko ta keda rechasa sin ningun klase di bergwensa.

Telecuracao tei bibu bibu ora gobiernu ta sek’i kai of ora tin reunionnan kontroversial den parlamentu e ora ei no tin kwenti “wak si por hanja sponsor”. Si di berde e idea pa ilumina politikonan tabata risibi ku brasa habri pe komunidat anto e ora ei un gran kandidat di empresarionan lo a duna nan granito pa sostone e transmishon. Sensashonalismo ta bende i spiritualidat no ta rende ta nan gritu di kampanja pesei a pasa kos di Dios via kabel. Negoshi ku Hesus ku plaka di pueblo pero e hende klase trahado ku no tin moda pa kumpra un box no por wak koi Dios ku a keda finansia ku nan mes plaka di impuesto. Wegi boezoelanga e koi.

+ Un misa santu sakrefisio pa media ku ta plega, plantando divishon den kurason?
+ Kon iglesia ke ilumina politiko si ni nan mes tempel nan por ilumina pa dekadanan largu?

+ Deltha su base ta Atventista i nan nunka a skonde ku nan ta mira iglesia katoliko komo e dragon ku 7 kabes.

+ Kon Deltha anto ke pa tin pas politiko kaminda nan mes no por uni ku iglesia katoliko?

+ Ba mira kon Schotte a duna Emily un man?

+ Schotte su ‘pikanan’ a wordu pordona mane beibel ta bisa of hipokresia religioso lo reina oposishon ku media i sigi kalumnia?

+ Dikon e artikulonan riba e misa di orashon tabata un relato di miseria? Niun hende por skibi of relata eventonan na drechi mas?

+ Papi Esprit a hanja beef ku HZ, pasobra e no a hanja ku bo tin mag di bisa ku e koi misa tabta un hipokresia?

+ Henter nos sosiedat a degenera, ta ki falta iglesia katoliko pa atmiti nan tambe a bai hopi atras? Mea culpa no ta konta pa nan anto?

+ Lidernan politiko ta marioneta tog? Dus pastor + obispu sinsero tin ku hasi orashon pe sponsornan di partido ku ta e origen di nos situashon of no?

+ Bo ta kere birgen di Fatima a yora?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s