The Mourning of Blackface

Its the impunity
of Dutch white foolery
The impurity of Black souls
jailed by its colonizers.
Blackface buffoons
Blackface buffoonage
Blackfaced buffoonery
The re-enslavement
of vibrant minds at the early age of two years old via Dutch white educational system in our schools.
A Zwarte Piet slave society, the innocence of self-loathing rituals
Putting yourself in a spell to fear and obey the Dutch white wo/man.
That’s why you afraid to speak up
That’s why you don’t dare to stare him in the eyes.
That’s why they still have big financial and economic power in Curacao.
Courtesy of
A three week national hypnosis of melanin mockery.

Black
Black
Black
Black
Black
BLACKFACE
Black
Black boy
Black girl
Black man
Black woman
Blacks hate
BLACKFACE

Black middle & upperclass youths
mimicking the U.S. YOLO lifestyles,
fronting, n-gga this, ni**a that but betraying US Black with their blind loyalty to a Dutch white racist kid fest.
Championing it as a benign
import Dutch tradition,
Blackface experience is insignificant not harmful to Afro-Curacaoan national identity~?~ Damn.

Black
Black
Black
Black
Black
BLACKFACE
Black
Black boy
Black girl
Black man
Black woman
Blacks hate
BLACKFACE

The Dutch don’t care that beautiful Black souls be mutilating themselves.
A WEAK race is easy to DOMINATE.
Congregation in self-hatred hells. Black consciousness huh?
Inferiority complexed people is how they hashtag us.
145.000 people worshiping Sinterkkklaas and Zwarte Piet racism in a Dutch gift wrap.

Black
Black
Black
Black
Black
BLACKFACE
Black
Black boy
Black girl
Black man
Black woman
Blacks hate
BLACKFACE

Bend that colonized energy into rebellion and it would benefit our collective fighting spirit, boost our Black economic political corporate leadership? Would it increase our GDP?
2013 is it going to be Zwarte Piet Blackface free?

Black
Black
Black
Black
Black
BLACKFACE
Black
Black boy
Black girl
Black man
Black woman
Blacks hate
BLACKFACE

Take it off
Tear it up
Take it off
Tear it up
Take it off
Take it off
Take it off

Advertisements

E Hipokresia di Tula The Revolt

Na 2010 na Ulanda, Amsterdam komo orado di honor Joceline Clemencia prome ku ela bai laga e planeta aki pa un miho mundu a emfatisa durante e komemorashon di e rebeldia di Tula i su kompaneronan di 17 di ougustus 1795 ku ta nos mes tin ku skibi, dokumenta i skibi di nobo nos historia, nos eksperiensianan.

Honra bo ansestronan, bo antepasado, henter e matris di eksperiensanan ku nan a pasa den for di sklabitut, e era di kolonialismo te ku dia djawe. Dokumenta nan via buki, radio, pelikula, dokumentario, kwenta, kantika i tur otro forma di ekspreshon. Krea un industria kreativo kaminda einan ta duna tur oportunidat pa por lusi ku nos talento.

Si bo no hasi esei i konstantemente laga otro hende for di otro paisnan bin konta bo historia na mundu bo ta keda pega den e sirkulo visosio.
Ba yega mira hudiew na Korsou laga hende pretu konta kon Shon Jojo Correa tabata biba na Skalo? No tog.
Te hasta bo ta hanjabu ku enbes di Joceline Clemencia ta un sra. makamba ta bin bedeibu ken Tula tabata den un konferensia of den korant ta skibi bin bisabu kon abo tin ku interpreta bo historia.
Basikamente e kosnan ei ya ta pasando kaba den nos mundu di media. Esei ta esensia lokwal ta pasando ku e grabashon pe pelikula di Tula The Revolt. E produktornan no tin kunes pasobra nan ta wak plaka, nan no a profundisa of laga hende konta nan kiko e proseso di emansipashon ta nifika pe Yu di Korsou di desendensia Afrikano. E produktornan tabata priveligia kaba nan no a tuma tempu pa check den komunidat kon nan idea pa traha un pelikula lo a kai.
Nan no ta i no ke kompronde e retraso sosial, ekonomiko, finansiero ku Afrodesendientenan tin. E kos ei yama supremasia blanku, keriendo ku nan ta mas miho i paso nos no tin medio finansiero i saber pa traha un pelikula nan a bula den i bin horta nos herensia paso nan lo pensa ku e pretunan lo keda bobo, pober i nunka lo por traha un arte sinematografiko dje grandura ei.
Un sorto rasismo skondi anto si nan bin pretende ku no tasina nan mester a sinta nan sanka ketu ketu laga nos mes desaroya nos mes na nos mes tempo te ora nos ta kla diskuti nos diferensianan di identidat pa filma nos historia. E koi yama desensia pero kaminda tin negoshi no tin respet pa e proseso di dekolonisashon kultural, ta di lamenta ku nos kulturistanan ku boka grandi kwenti Emansipashon i Independensia tur a guli e aktonan sinbergwensa.

E momentu ku di berdat bo kompronde ku henter bo alma ku abo ta donjo di bo herensia kultural i ku bo no por laga otro hende stranhero bin disidi kon ta dokumenta bo historia pa nan broma hanja fama i rekonesementu i ganashi finansiero sin duna algu bek ku ta yuda strukturalmente i duradero pa e pueblo e ora ei kos por kambia.

No ta hustu si bo bisa “Pasobra bosnan no ta balora historia di Tula pesei otro hende for di Ulanda i Merka mester bin ya bosnan ta kwe kurpa”.
Nos karakter a wordu kria pa pensa manera e kolonisado, “Tula ta un boef”, tur kos di sklabitut ta un pagina skur ku no merese niun atenshon. Ta kon bo ta kere e pueblo por hanja inspirashon pa traha un pelikula? Tin un infrastruktura pa sinja kon ta traha pelikula anto? Ta ken aki i na Ulanda ta tene nos abou ku nos no tin un akedemia di arte i film? Buska e kontesta i asina bo sa ku pueblo semper a sinja ku Stuyvesant tabata mas importante ku Tula. E persona ku ta bisa ku ta nos mes falta mester les di historia i stop di defende kos malu pa gloria personal.

Otro faktor importante ta ku e pelikula a wordu propaganda solamente bou di media na Ulanda i Merka i media lokal na Ulandes. Prensa na Papiamentu kasi nunka a duna atenshon ne pelikula. E produktornan den e 3 anja ku a pasa nunka a hasi un promoshon serka prensa lokal na Papiamentu.
Ta e siman numa Dwight Rudolfina un periodista di MAS99 a hanja sa kon yama e pelikula aki.

Patronchi di Apartheid ta hopi bisto pa esnan ku tin nan wowo hanchu habri. Pero parse ku un tiki promoshon turistiko pe isla anto pari minut di fama bo ta bende henter un lucha emansipativo. Despues ora e pelikula sali, kiko Korsou a gana? Nos ta hanja un skol pa sinematografia? 30% dje ganashi di e pelikula ta bini bek pa un fondo pa kuminsa un skol asina? Of pa semper nos mester warda riba hende djafo pa graba nos historia, nos bida?

*Unda e YDK ku por traha un pelikula ta?

*Ken a mata e akademia di arte na 2000?

*kombin nos tin 200 abogado, hurista pero ni 2 YDK ku por traha pelikula na drechi pa nos?

*ora GIO hasi 25 anja kasi sigur un makamba lo bin traha un dokumentario.

*bo kemen YDK no por traha pelikula pasobra nan lo no hanja finansiamentu?

Alanan Ansestral

Riba Alanan Ansestral
mi ta bula bai laga:
Hende badabada
Dos lenga i kara
Trasteria di un elite askeroso
adorashon di bida luhoso
Mal maria pa fragansia
di un herensia sklabisa,
150 barionan marginalisa.
Mama ku yu ta drei riba
1200 florin, 600 pa flet,
despues di paga awa i lus
Ki sorti futuro nan tin?
Skolnan bati, lokalnan putri
Muchanan mainta mal nutri
Renkor i Rabia
Dikon pa malu bosnan
ta laga tantu sufri?

Alanan Ansestral ta lagami
subi bai alturanan leew for di
Boso santu deboshon di lidernan politiko, komersial, religioso.
Adorashon di gobernado, obispu
Opresornan ku titulonan deftu
Almasola te forlestu pe doktor, dokterandus, ingenieur, meester
in de rechten ku ta konspira
Kapitalismo salbahe ku no por
laga hende prospera.

Mi ta despidi riba Alanan Ansestral di
Wowonan ku ta yorando sanger
2 tio i 3 tanta ku kanser
Karago
Mamon FM ku donjo i periodista domferstan.
Emisoranan ta meskla mentira ku berdat.
Kapitalista den rei ta duna nan onderstant.
Bankeronan ku bo plaka tei disidi
na ken nan ta fia nos plaka i kwantu
Diktadornan finansiero riba rol di santu
Machu
Miho nan tur hala un kantu
Hoga den boutismo di nan bochorno
Huristanan ku por buta kos kambia pero ta riba un zurdu i siegu.

Riba Alanan Ansestral mi ta aleha for di bo 4500 hektare, 10% di Korsou na Oostpunt ku bo kiersa ku bo bise-bise-tawela a hanja segun un manera hustu i limpi na 1874, 9 anja despues di abolishon di sklabitut.
Bo dialogo nashonal
Paketenan pichiri di kuminda
Envidioso hambra pa mira otro frakasa
Bo alabansa di Zwarte Piet
Bokanan rasista ku ta lastra nan mes hende di kolo ku nan rasismo internalisa.

Bou di Alananan Ansestral
Nan ta
Proteha kontra
Lombrishi lembelansa ku ke choka horka pa niun bai dilanti
Sintando na hotel Avila, Ole Ole,
Bisa ku bo ke ‘Dune Un Chens’ Duna pobernan un chens. Ora nan yamabu bo ta bisa bo ta bashi komiendo lunch na St. Tropez

Alananan Ansestral nos ta monta pa fuga di nan
Alanan Ansestral ku no por sker kibra
Alanan Ansestral ku a duna nos bida
Alanan Ansestral bou di dje nos ta tapa.
Alanan Ansestral
Ban monta nan
Ban bula skapa for di e koi boezoelanga pa kaba…

Mi tin un pari pluma
Ban harma
Bo tin un pari pluma
Ban buta huntu i sali for
di e trampa.
Ban bula bai
No mishi ku salu
Ban bula bai
Riba Alananan Ansestral
Bai HALTU.