Pas Wisiwas Mantekabela

Payasada Politika Premedita
Lider Soberano garando e faha nashonal elektoral riba e kabai di NO
E filosofia di un Chavez krioyo
Anti kapitalista salbahe, kritiko, kla raspa, sin miedu pa lastra, kalumnia esnan ku a tormenta e bida di un pueblo menos privilegia.

Ku yudansa di un asiento horta
lubidando nan mes prinsipio i huramentu.
Forma un koalishon riba un hilu
Ekskluindo mas ku 20mil votado
Ku tabata huntu riba e supuesto vishon di un Korsou ku un kara mas sosial ku e anjanan anterior.
Kibrando e union ku semper por tabata miho, mas serio i militante pero esei ta tin durante 4 anja, lasonan krea ku por a krese bira fuerte ku e gia korekto. Esei ta buskamenti gera.

Ata bragadam den un drumi lanta sin konsulta su ‘pueblo’ Wiels a disidi pa uni ku kapitalista salbahe manera su 19mil piku votado ta mucha chikitu ku no tin derechi pa bisa kon nan ta mira e asuntu ei. Diripiente palabranan manera demokrasia partisipativa no ta konta i tur hende tin ku guli su desishon, vishon, konfie sigi su pasonan traishonero di su mes ideologia. E bandera di Che Gevarra wapando su tras tanten e ta kontradisi su mes kada minut pa skapa kara di zumbi sosial neoliberal.

E Pas Pendeew
E Pas Fantochi
E Pas Pumpulunchi
E Pas Palomba Blanku

Diskurso na VBC
Un chifla chupa festin
No ta responsabilisa dunado di trabao pa laga nan empleado bai kurso, subi e trapi sosial pa mehora nan kalidat di bida. No ta mustra nan ku nan tin ku laga representashon sindikal drenta den nan empresa.

Niun palabra riba stoi importa produktonan ku ta danja nos salud.
Niun palabra riba reforma bankario ku ta nesesario pa Korsou briya di berdat.
Ni un palabra riba Koperativa
Pero harimentu ku elite, saka djente ku nan si. Sintando na mesa ku un labado di plaka direktor di banko sentral i den mesun rosea papiando riba leinan anti korupshon.
Djente blanku no ta Pas.
Lubida John Deuss i Tromp hamas.. De los hamases…

Awoki no tin pober kontra riku mas.
No tin wakmentu bek den pasado mas. No tin heridanan di sklabitut. No tin yaganan di kolonialismo. No tin klasismo. Pretu ku blanku no ta eksisti mas. No tin lei di tregtu mas.
Tin pas. Un pas profundo di palomba blanku. Un predikashi ku ta trese trankilidat i prosperidat sin enfrenta e elite i atende su sinbergwenseria ku ta e fuente prinsipal di pobresa i kaos sosial.

Tin pas di 7 pastor ku lo dura 7 siglo. 12-12-12 un fecha magiko majan tur hende lo sunchi brasa otro. Un maraviya, nos lidernan ta asina bendishona ku si bo djis toka nan panja lo bo bai shelu sin muri. Pas mi rumannan, Pas sea ku boso.

E Pas Diktorial
E Pas Golpista
E Pas di NL
E Pas Elitario
E Pas Pendeew
E Pas Chupon
E Pas Fantochi
E Pas Pumpulunchi
E Pas Pampers
E Pas Palomba Blanku

Advertisements

2 thoughts on “Pas Wisiwas Mantekabela

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s