Papiamentu Sangrando

‘Eigenlijk’, ta un ‘feit’ ku pa e prome diesdos anjanan e esensia di un ‘beleid’ visibel origina riba un vishon ‘aangepast’ ne situashon finansiero. Nos tin ku duna minister Mochin di e gobiernu anterior rason ora e ta argumenta ku mester ‘voerre door’ e medidadan pa nos por ‘vergelijk’ of ‘lokke uit’ un sentensia dje pueblo riba e asuntu aki. E ‘inkomsten’ di ‘gewone dienst’ a wordu ‘begroot’ i esei ta nifika ku ensenjansa lo por ‘passe aan’. E ‘opbrengstenan’ por keda usa pa drecha skol si parlamentu kambia e ‘wetgevingstructuur’ pa ‘stuurre aan’ i ‘werkke door’ un ‘begroting’ nobo. Si ‘kapitaalmarkt draagge bij’ na un ‘toezicht’ kolektivo, e ‘raad van minister’ lo ‘stelle voor’ pa konsehero Panky.

Un ‘ekonomische opleving’ ta posibel si nos ‘zette op’ un logika di inberti den hende. Mester ‘heffe op’ e leinan antikwa ku ta forsa ‘begroot’ un sen pa ‘algemene middelen’. Hende ta ‘vraag’ su mes ‘af’ pakiko ta aplika ‘te pas i onpas’ sierto regla pa sierto kasonan. Parse ku muchu bja e ta un bewuste keuze ku detenidonan no por ‘lucht’ i esaki ta kuminsa na skol kaminda ‘vormingskeuze’ ta kumbini pa bira drop out. Ta papia di un ‘bedrag’ ku no a wordu ‘opgenomen’ pa soru ku alumno no ta bai perdi.
E parlamentario Rosinchi a bisa ku si no ta bin for di ‘lengte’ e ta bin for di ‘breedte’. Dilanti televishon minpres Rotte a pinta e futuro hopi ‘rooskleurig’ si.
Pa spar sen nos tin ku wak ta kiko ta hasi ku e ‘ligdagen’ di yatenan na haf? Nos tin ku ‘kere e tij’ garantisa e depchi keda paga na tempu. Pero e ‘hoofd van dienst’ tin ku para ‘verantwoordelijk’ si. ‘Voor de rest’ trahado tin ku move, e ta robes ku ta manda 200.000.000 kuub di awa laman. Ki dia ta ‘vange op’ e awa ‘in plaats van’ tire afo.

Te ainda ami komo minister no a ‘maakke mee’ ku pueblo ta dispuesto pa ‘pakke aan’ e probleman na un forma korekto. Pero tampoko gobiernu no a ‘doe mee’ pa pensa huntu un ‘plan van aanpak’. Realidat ta ku hopi di nos no ta ‘sta bij stil’ ku union di akshon lo mehora nos sirkumstansia. A la fin a la fan nos no por tuma kos ‘klakkeloos’ ofer, no mester ‘vinde uit het wiel’ di nobo.

[Nota: E nomber dje personanan a wordu kambia pa propio protekshon di nan bida kontra outoridatnan supversivo Papiamentista.]

6 thoughts on “Papiamentu Sangrando

  1. Kaitano Sarah says:

    Hopi tristu swa! Awo…ta kik’e ta?! Pakiko?! Ta flohera? Asuntu di pensa na ulandes? Falta di literatura na Papiamentu? Muchu ”Versgeperst” i den pasado ”Radio Nederland Wereldomroep ”??

    • Jermain Ostiana says:

      Hahaaaha si Versgeperst of RNW, floho, kustumber no. Ma skibi esaki paso mandatarionan, akademiko, intelektual i otronan ta hasie hopi den media mes. Mi no ke hunga pa Papiamentu polis pero mi ta asumi ta falta di un movementu di Papiamentu paso kada bes bo Ulandisa of Spanjolisa palabra bo ta boltu nos lenga den un werfano. Kwantu palabra nobo nos a krea na Papiamentu den 2012? E kos aki no ta un wega si di berdat nos ke emansipa…

      • Kaitano Sarah says:

        Jermain, mi a splika mi mes robes, loke mi ke bisa: Pakiko esaki ta sali fo’i hende su boka, pasó nan ta muchu orientá riba media na ulandes, kiko ta e psikologia tras di tur esaki?! Tambe mi a ripará ku asta hende bon na tinu di idioma Krioyo (Sr. Helmin Wiels p.e.), hopi biá ora nan tin ku splika algu den media, nan ta ripití e kos na ulandes, otro kos ku ta mal ankrá, dip den konsiensha di nos ku a wòrdu kolonisá podisé…Bo ta papia di un movementu di Papiamentu…Awó, abo ta biba na Kòrsou, kiko a sosodé ku e Instituto Alsa Papiamentu di Sra. Dijkhof ku kier a kuminsá ku tantu fanfare?! Diferente pais ta konsiente di nan idioma, manera bo ta skibi, tin komishonnan pa salbaguardiá nan lenga, ta inventá palabra pa kosnan moderno ku ta bin di afó, èts. Ku kiko nos ta bezeg (no kulpa mi p’e último palabra, fo’i dikshonario)?!M’a inventá un na ingles: I am Kòrsoulese….(mi ta spera un ”smile” riba bo kara). Sin wega: kiko awó..konkreto? Bo (nos) no por mobilisá tur e papiamentistanan na Kòrsou?! KS

      • Jermain Ostiana says:

        Hahaa si esei nan sa yama ‘Papialands’. No bo’n prekupa, mi no ta husga pueblo komun nos tur ta hasie ratu ratu pero si e hendenan ku posishon influensial. Pero no e kousa ta of estudio/bida na NL of aki of skol/universidat, trabao ku bo ta hanja tantu matrial di ensenjansa of terminologia,kolega,advisor na ulandes.

        Korekto Wiels ta kampion den e koi, dal e prome na NL paso e no por bin riba e palabra i despues ta tradusie na Papiamentu. Pero sikiera e ta purba di tradusie bek pero e ta den e personanan su shirishiri psikologiko berdat paso tur tin hopi mas efektonan ‘negativo’ di e forsanan kolonial. Por ehempel religion pero esei ta un henteremente otro blog ku mester wordu skibi un dia…

        Sra. Martha Dijkhoff tei i aktivo pero nan mester bira hopi mas agresivo buska formanan kreativo mane un kampanja den media pa kombati ku Papiamentu ta wordu mina i ‘holle uit’ (joke pero kos ku hende a yegi di bisa).

        Lo ta bunita si nan por a graba pari ekspreshon dje mandatarionan i otro i traha un kampanja di propaganda ku ta spierta hende. Mester bin mas programa riba Papiamentu (awoki tin unu so) den tambe un forma atraktivo asina bo ta lanta e konsenshi i hende sinti nan mes parti dje lucha.
        Loke por hasi ta mande e sugerensia pa Dijkhoff, Richard ‘Yerba Seku’ Hooi i tur otro konserni. E kosnan aki no ta kosta hopi sen uniko kos bo tin ku usa ta e taktika komersial pero boluntat ta keda sentral tanten esei no tei tur kos lo ta en bano.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s