Kristianismo di Hila Fini, Ganja Ganja den Temporada di Kuaresma

E kapital di hipokresia kristian mester ta aki na Korsou. Esei te uniko konklushon ku hende kritiko, na tinu por saka afo ora bo skucha e guardia bjeew i nobo di iglesia katoliko alaba e papa nobo eligi. Luis Secco i Curtis Meris. Unu e kabes dje instituto katoliko romano pa e seis islanan aki den reino ulandes e otro e saserdote mas hoben ku bon chens den futuro di bira e prome obispu pretu di Korsou si e sigi ordu hasi koi bon mucha.

Pa konosedonan di historia Argentino i Argentinonan ku a biba i eksperiensia e diktatura militar di Jorge Videla sa ku Papa Jorge Bergoglio miho konosi awoki bou su nomber di karinjo Francisco tabata un kolaborado durante e regimen sangriente. E ‘Gera Sushi’ mane e diktatura a wordu yama tabata unu kaminda hierarkia di iglesia katoliko a duna konseho kon ta manega e situashon di tur e hendenan ku a disparse i hasta yuda demotiva famianan pa no bai buska nan miembronan di famia ku pa motibu politiko a keda sekuestra.
Suavemente bisa liderasgo di iglesia katoliko tabata net kontrali na esun di Brazil ku si a agita kontra nan diktadura esaki na Argentina a aktua komo relashonista publiko dje diktatura militar di Videla.

Papa Francisco mes tabata e piesa klave den yuda disparse dos saserdote Jesuita banda di duna e dikatura bendishon i privilegio politiko.
E periodista investigativo Horacio Verbitsky a skibi un buki tokante henter e asuntu di iglesia katoliko na Argentina ku yama: ‘El silencio’. E nomber ta bisa tur kos kaba. Awoki despues di Kuaresma nos lo tin ku warda te ora un persona balente lo skibi un pa Korsou. Hopi koi skibi tin si periodismo investigativo tabata un realidat aki riba e isla aki. Obispado Willemstad tin keldernan yen yen ku karpachi sushi ku un dia tin ku sali kaya. E dia ku djis un par di wesunan sali rementa kos lo por kambia di berdat pa yega na un relashon mas serka di e Ser Supremo.

Meskos ku e papa Francis den temporada dje diktatura komo hombu di fe tog no por a resisti di kopera ku forsanan maligno i a tapa tortura, matansa mesun kos nos lidernan religioso katoliko ta sigi tapa forsanan represivo den nos pais. Mafia religioso no ta un forma di kalumnia e ta mas un opservashon ku ta kwadra ku e sistema den kwal e gainan aki ta opera. Tapa kos, skonde kos, deskurasha aki, laga nan bobo. Nos (iglesia) ta e gran salbado, den kada parokia nos tin e kopa ku sanger di Hesus, ku ta e lus, kaminda, berdat. Pregunta kardinal ta, si lidernan katoliko tin miedu di desaproba nan lider maksmimo na Roma ku tin su man mancha ku sanger for di 1976. Ta kwa Dios nan ta sirbi? Sigur no e Dios ku ta bisa e berdat ta hasibu liber. Presu den nan mes fiernu di mentiranan huntu ku prensa lokal i ulandes ku semper ta kla pa koba kalke selashi politiko pero e bja aki ta ketu i no ta desea di trese niun limpiesa den e iglesia.

No tin niun misterio rondo e eskoho di e papa nobo. Tur informashon tei riba internet, den buki, serka e personanan ku a biba e diktadura kruel na Argentina. Nos orden religioso katoliko ta prefera di ganja un kos malu bon pa sigi gana almanan. Tapando solo ku un dede a bira un filosofia un manera di biba pa bida di hende bira sopertabel. Mentira ta relaha e ta un droga si no kos lo bira muchu komplika. Liderasgo religioso a demostra ku nan fe, nan tantu anja di studiamentu teologia i apstenensia di e mundu di fandanga i materialismo ku tentashon karnal no a komberti nan den hende ku donnan mas spiritual ku e alma komun ku ta kana dwalu ront chambukando den bida.
Obispu i pastornan a resulta mesun debil, mesun bruha sin wesi lomba pa resisti e warwaru di mentiranan i tuma un posishon ku ta kwadra ku e ensenjansanan di Kristu.

Flavia Dzodan un skibido, analista di media ku a nanse i pasa den e diktadura na Argentina a bisa riba su twitter @redlightvoices: “Papiando di Papa ku “odio”? Kon ta ku e bidanan perdi dje 30.000 desaparese, tortura, mortonan? Nan no merese algu miho?
Bo por lesa su opinion den Dissent Magazine http://www.dissentmagazine.org/blog/a-new-pope-more-old-traditions-and-shady-associations

[
[
[
[
[
[
[

— Despues ku Huan Pablo II a sunchi suela na 1990, Korsou a wordu bendishona? Bo tin prueba dokumenta?

— Unda tur e gruponan elite di preshon ta? Akshon Sivil no tei buta aviso kon Curtis Meris i Luis Secco ta ganjando manipula un pueblo kreyente?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s