Trinti Mei; Boltu Audi i Kia kolo’i oro

Shelu i tera a hasi huramentu ku nada di mundu no ta keda skondi. Tur kos ta sali na kla na su debido tempu pero wardando 44 anja despues ku un pueblo a sende e mecha dje bom rasial-laboral durante 30 di Mei 1969 ta di mas si. Sobadje e yunan dje revolushon Anthony i Mirna Godett ta bringa otro invita un popchi dje kapitalista ku a hanja ordu pa asesina e karakter di Anthony durante su tempu di gloria komo orado riba plenchi di Papa Godett na Punda. Di ayabanda e rumannan di Wiels ta pega pleitu despues dje desaparishon di Helmin Wiels. Tur dos drama ta buta e dia mas historiko di Korsou, 30 di Mei 1969 mane e titulo dje buki ta skibi pa Edward de Jongh. Te dia djawe no tin un buki of dokumentario visual of oudio ku splika na plaka chiki di tur angulo kiko e historia aki ta bal pa nos konta pa hende ku ta tei of esnan ku a tende di esnan ku no tei mas. Anto e holoshi ta sigi bati i mas hende ku por konta kiko nan a pasa den tin un edat basta avansa kaba.

Si bin un trint’i mei awoki lo ta difisil pa kere ku trahadonan ku awendia na anja 2013 ketu bai ta pasando ratunan duru yena ku abusu laboral lo welga i pega Punda, Otrobanda i sobra negoshi ku a kansa nan na kaminda na kandela. Pakusnan di Indio i Arabir lo no hole na kandela. Makambanan lo no mester tin muchu miedu ku si nan diskrimina, aktua den nan malchi rasista brutu of fini ku lo tin retaliashon di parti dje poblashon pretu. Yunan di tera ku ta eksplota otro yu di Korsou klase trahado lo no mester kana ront ku seguridat arma. Despues di 1969 e klase trahado a avansa si pero e mentalidat pa hustisia sosial den anjanan 1990 pa 2000 e lucha sindikal, e bataya pa derechinan laboral a wordu hala un kantu pa kumpli ku e evangelio di medidanan impone pa IMF i Ulanda. Kortamentu den presepuesto di gobiernu a laga Korsou kome hopi sla ekonomiko-finansiero. E trahado no a sigi hanja e edukashon laboral pa sigura su mes un bida na nivel lokwal e tin derechi riba dje.
No a sigi bedei, no a harma un struktura pe kaminda e tambe por bai un kurso pa subi den posishon na trabao. A hinka den su kabes ku bo si bo reklama muchu bo ta perde bo trabao dus miho kos ta pa keda ketu i kome lunch riba un pida karton bou di un palu of den sombra. 44 anja despues e sindikatonan no por wak nan mes den spil i bisa ku nan a harma e trahado ku herment pa e sali for di e sklabitut di un salario minimo. Awe e misa ku Anthony Godett a organisa pe okashon tabata mitar yen. Lidernan sindikal tiki, i nan miembronan of sigidonan di Frente Obrero no ta koi papia mes. E konsenshi di progreso laboral no tei mas strukturalmente i si tin ku tene hende responsable ta esnan dje hierarkia laboral, e donjonan di trabou, e sindikalistanan i gobiernu. Iglesia no mester menshona mes pasobra kitando un senjora direktor Martis ku tabata na kabes di St. Albertus college ta duna hende sufisiente prueba pa argumenta ku e direkshon ku obispu Secco ta kanando ta unu di dwalmentu.

Bankero Lio Capriles tin un buki di tur su speechnan, 400 pagina. Direktor di banko a dokumenta su historia pero unda e invershon ta pa dokumenta diskursonan di Ewald Ong-A-Kwie, historia di sindikalistanan mane Hubert ‘Bebe’ Rojer, Mac Alberto ku awoki ta den Ricardus tehuis? Oscar Semerel ku ketu bai ta laga su bos zona den media e no merese un biografia oudio-visual, skibi? Kiko e liderasgo sindikal awoki ta hasiendo pa salba e historia sindikal, unda tin ku bai si bo ta interesa den historia di luchanan laboral den pasado? Te ki dia ta warda, eksusa mane e mantra bjeew di tur tempu “No Tin Sen” no ta konta, no por tin balides nunka, e teknologia di awe ta duna tur chens pa dokumenta bida, eksperiensia di un historia riku sin muchu molester finansiero.

Laga hubentut i poblashon trahado sinti e sabor di resistensia, rebolishi di abusu laboral, sosial rasial pa nan fortifika nan kana den bida ku e sabiduria di pasado tesei te mishon ku mester inisia pero tin ku move si, mishi ku nan kurason pa nan hanja e kurashi pa defende nan mes. Te ainda ta masha normal ku bo ta traha pa un kompania pa 7 anja anto bo ta drei riba mesun salario ku ba kuminsa kune. Te ainda ta nada stranjo ku ora dunado di trabou purba di pasa man riba un trahado feminino e tin ku guli manda abou of si e reklama of denunsia e ta pafo mesora.
Sindikatonan ta usa e ekskus ku trahadonan no ta miembro di nan organisashon pesei no por defende nan pero bo kasa of abo mes si ta bai kalke tienda, supermerkado kumpra kos bo ta mira ku bo mes wowo e abusu, bo a train bo mes, bo sa lei laboral pero bo ta hasi net net nada.
Lider sindikal no ta kana rekluta talento den establisamentunan komersial pa nan sindikato, nan no ta traha strukturanan ku ta fasilita kalke empleado pa djoin un sindikato of sikiera hanja e kurashi pa interesa nan mes den kurso di leinan laboral. Tin un kaminda mei mei ku semper por wordu kana.

E desaroyonan aki ta presis lokwal a pasa despues di trinti mei. Gezaghebber pretu, gobernador, den negoshi hende di kolo por traha dilanti awo. E poder ekonomiko un parti ta den man di hende di desendensia Afrikano pero tog nan tambe a kopia e abusunan di nan opresor ekonomiko.
Kapitalismo a laga nan kere ku e bida di un hende no bal mas ku 1300 florin pa luna. Ku esei e tin ku wak numa kon ta sobrebibi. No tin niun estudio hasi kwantu hende mester pe biba un bida na drechi ku bista riba progreso sosial. Banko Sentral i CBS no ta tribi di hasi investigashon, gobiernu di e ta bai hasie pero esei ta speransa falsu. Niun por hasie tampoko paso si bo kalkula e minimo di eksistensia di bida pa hende e lo tin konsekwensia politiko mara na dje ankra den lei ku na e momentunan aki supuestamente no por karga niun oumentu di salario segun nan modelo kapitalista putri.

Adriaan Moen komo un dje tiki ku ta keda konsistente ta alerta ku bos duru ku niun hende ke papia riba ripartishon dje kapital i propiedat. Media, sindikalismo, sektor priva i gobiernu, politika, religion no ke hasi estudio riba kon e koriente dje plakanan di e komunidat aki ta reparti i ken tin kwantu propiedat. Tanten esaki no ta riba un agenda nashonal tur hende por rep kiko nan ke, romantisa e fecha aki, sinta komo lider politiko, intelektual, akademiko den iglesianan bashi

Na kas di burduga no sa falta strop, nomber largu di un grip ku mayoria di nos inkonsientemente ta sufri bou di dje pesei un dia nashonal pa 30 di Mei 1969 ta den un futuro leew aya pero no mag di stop di pusha promove e sonjo aki. Tanten no tin kambio bo por tin yen deseo riba ekonomia, turismo, produktividat pero mayoria di nos bida ta sigi mane e banda Goldy Locks a kante: “No tin kwenti nada, no tin kwenti di un kos, 30 di mei ’69 Korsou ta na kandela anto brantwer no tin awa pa page…. Nos a bira zonder berouw, seh swa, zonder berouw, si mi mati zonder berouw…”

Helmin Wiels Den Gloria

Bo no por buta un homber bon abou….pa semper. [c]Ced Ride

Balanan skupi for di un skopet no por mata e lucha pa un Korsou mas hustu kaminda amor pa un pueblo den su esensia ta nifika ku klase i rasa no por determina bo destino. Sanger ku a drama riba playa di Marie Pampoen no por mancha e vishon pa emansipa mentalmente. Lagriman ku a kai pa Helmin Wiels no por hoga e boluntat pa bira un miho hende ku ta karga su responsabilitat mei mei di tur e retonan ku bida ta ofrese.

7 dia yena ku tur sorti spekulashon riba e asesinato di lider maksimo di pais kaminda bida a sigi normal. Riba e djadumingu atardi i anochi diferente emisora i tv despues di e anunsio fatal no a interesa nan mes pa adapta nan programashon. Obispu no a bin tv/radio trese kalmu den pueblo. Prome minister Hodge no a sa di tira un diskurso nashonal ni deklara un luto nashonal.

Hubilo sutil pa un lider karismatiko ku a sa di boltu e manera di hasi politika i kria un sed i hamber pa politika bou di e pueblo trahado pa 9 anja largu? Si su boka tabata brutu, onbeskop ta pasombra e inventornan di pobresa i inhustisia sosial ta onbeskop i brutu kamufla den un bachi i dashi of un shimis ku kadena di perla. Wiels a representa un mayoria ku ta produkto humano di un sistema ku no ta kwida esnan lubida. Esun ku ta bon of ta drei riba potmoni di esnan bon para semper lo bisabu: “Pero su style kiko kiko”. Lio Capriles den bista di hopi hende tabata un Dios bankero ku semper a papia desente, nechi pero tras dje maskara ei e tabata instrumental pa nunka demokratisa e sistema bankero kaminda pueblo pober tambe por a probecha di nan mes sen ku otro ta bin disidi ariba ki ora por fia pa kwantu interes. Anto despues traha bustu pe tambe na bida. Onbeskop. Bulgar.

Djabierne ultimo Pueblo Soberano a organisa un marcha di lus, saliendo for di katedral Pietermaai kaminda djadumingu lastu e tabata presensia te patras aya na un sirbishi lidera pa obispu Secco. Un ehempel kon kontrali hopi bja su boka por tabata si bo wak kon ela fustiga kontra iglesia katoliko i nan historial di hipokresia. Pero esei ta bida di politika i despues di 5 di mei tur su fayonan a wordu pordona manera pastor Curtis Meris mes a bisa den su predikashi kortiku: “Semper ela lucha ku un afang ku un forsa den su paden pa esun ku no tin un bos por a risibi un bos den su stem. Awe mi ta para komo simbolo di pordon i laga pas di Kristu biba den bo kurason, pa semper. Amen, amen, amen.” Esaki a chispa keinta kurason dje publiko presente na yegada di e marcha na Marie Pompoen pa despues pastor Tuitt sende na kandela kompletu bisando ku na 2010 ela bisa Helmin: “Senor a bisa abo lo ta e piedra ku a tira riba Goliath, pero bo dolo lo no ta Goliath pero e netwerk ku tabata patras di Goliath. Helmin no tei awe paso e netwerk a vense….temporalmente.” Tuitt a sigi bisa ku poko tabata e politikonan den historia ku a dedika di buta su pueblo dilanti manera Helmin Wiels. Bo por skrutina pero mayoria a bai bon paso pesei nan a bin. E no tei mas pero su legasia su herensia tei i esun ku ke por tume over.

Na final e rumanmuhe Marvelyne di Helmin Wiels a bedei e realidat for di profundidat di su alma bisando: “Mi ruman no tei mas su alma su spiritu su kousa ta na bida danki na kada un di boso ku ta akinan. Mi ruman tabata prepara ela bisa ami “Nan lo no por sera mi boka si nan tin ku matami nan matami numa pero mi ta papia.” Mi ke pa bosnan sa un kos tin un lei universal: Ora un malechor burdugu kobarde tuma bida di un yu di Hesus anto e kai abou boka abou, boka abou! No tin awa pa laba! Bo por kore bo por skonde bo por skonde pa belasting bo por skonde pa CIA pero no pa ira di Senor! Osea mi ruman ta wardabu! Hasi pura paso e ta wardabu! No lubida esei!

Palabranan di su ruman opviamente por wordu konsidera un tahamentu ofisial pa Robby Dos Santos, e elemento di CIA no a hanja aklarashon ainda. Remarkabel si ta ku prensa skibi niun a tribi di sita kompletu e hint di e rumanmuhe pa Dos Santos. Hopi a laga e pida ei afo of no a menshona mes ku tin un hende ku a skonde pa belasting i CIA. Sigur Vigilante ku ta titula su mes komo korant investigativo a neglisha e pida importante ei. Ni un artikulo tampoko na drechi e korant di Lilo Sulveran a traha tokante e marcha di lus, nan portada di djasabra tabata un kaso di hinkamentu ku sanger na Zuikertuintje. CBA si a pasa e deklarashon di Marvelyne Wiels pero hipokritamente Telecuracao a mustra un pida di pastor Curtis i nada mas. Media na momentunan krusial pa informa pueblo ta manipula i proteha nan interesnan finansiero.

Winnie Raveneau lo bira esun ku ta bai remplasa e asiento di Wiels den Parlamentu i su mensahe ta ku awo a bira tempu ku nos tin ku stoi skonde i sigi e trabao. Semper nos a para tras di Wiels, e ta trek e ta avansa e kambio sosial awoki ta nos burt pa sigi kune. Ela tuma sla pa nos di tur huki awoki nos tin ku demostra ku nos a kapta su mensahe.

Media na Korsou (ku algun eksepshon) i na Ulanda a drei e pelikula mediatiko mane ku Wiels tabata kombati kana ront ta kombati korupshon so. Ta bon si ku den e ultimo entrevista ku NRC ta tin kune ku a sali den Amigoe Napa di djasabra 11 di mei ela bedei ku emfasis korupshon di banko, accountant, desaroyado di proyekto tambe.
Pero bandi korupshon su merito mas grandi tabata e edukashon via su programanan di radio 9 anja largu.
Esaki ni lokal ni na Ulanda of prensa internashonal no a bin dilanti. E ta sa ku edukashon lo aselera e proseso di igualisa e oportunidatnan sosial. Kambio di un sistema inhustu ta rekeri un masa ku ta kapta bo vishon.

E dicho despues di su morto mi bunitesa a hanja un dimenshon nobo ora durante siman na sede Pueblo Soberano hende konosi i menos konosi for di tur skina a konta nan eksperiensia ku Helmin Wiels. Tur e kosnan aki ta tene e spiritu di lucha bibu danki na e vishon ku Wiels ta tin pa usa teknologia moderno pa yega te den kas di hende.

Gelt dekker rasista miyonario den un programa di NTR De Halve Maan a trese su vershon riba nubianan di mentira ku Wiels ta un rasista, fasista ku kier a komete purifikashon rasial na Korsou, net kontrali na Hans Vaders ku antes kasi semper a cherche pero den sekreto a atmire despues di 2012 ora tragikamente e lider Soberano a disidi di brasa un koalishon di neoliberalismo. E ta hasta den su kolumna den Amigoe di 11 mei ta sita Wiels na Papiamentu algu ku e no sa hasi mes. Impreshona pe ku e ta nombre e Leopold Senghor di Korsou.
Un remitido di Andres Casimiri ta romantisa e teoria ku Wiels lo ta di akuerdo ku kita Isla/PDVSA i buta na su luga e proyekto Greentown di un elite blanku. Wiels nunki su bida lo riska di laga trahado di refineria bira katibu laboral atrobe kaminda e oportunidat tei pa bira donjo di e luga kaminda nan ta traha, esei un emansipado ta hasi. Di mes oportunista mane Casimiri i grupo di Greentown ta ketu bai ta kere ku hende pretu ta bon pa tuma hasi kens, usanan pa ta kabai di trabao, e buriku di karga pa nan bagamunderia kapitalista. Sklabitut moderno bisti den un bachi berde.

Na e momentu historiko aki atrobe nos a hanja un oportunidat di oro pa kambia e sistema kapitalista ku a krea hende mane Wiels pa bringe. Si nos sigi baila bebe fiesta mane semper nos no ta bai yega leew. Wiels a laga un mapa atras, un konstitushon traha huntu ku otro hende manera Erich Zielinski, Mario Kleinmoedig ku si di berdat Pueblo Soberano kompronde e senjalnan universal mester tume e intelektual aktivista bek pa fortifika e partido.

Choria ku hende kanti playa na Marie pompoen si tur fin di siman of kalke kousa por bin huntu asina esei te les mayo ku nos mester sinja for di e suseso aki. E union ei di kompronde e sistema kapitalista ta krea inhustisia sosial ku asina so den un multitut manera djabierne so por bringe ku ko trese e kambio desea, e distribushon di bienestar di berde riba tur nivel. For di media, edukashon, merkado finansiero, manego di kultura, ekonomia i gobernashon. Pueblo Soberano tin e sosten elektoral pa hasi e kambionan realidat, e momentu di oro ta awoki no lage bai perdi.

The Miseducation of Neoliberalism, Who Murdered Helmin Wiels [?]

For over 10 years Curacao had a friend in Helmin Wiels. The social worker, hood anthropologist was the most influential politician with his peoples champ charisma and folkloric creole confrontational politics revealing the power elite’s power structures that conquered the hearts of many living the low income, working class and even middle/upper class life.

The political assassination plot that could have been prevented if Wiels decided not to cross over from a semi-socialist coalition to a neoliberal political constellation after the 2012 october elections is one of the various speculative scenarios people take into consideration. Power hungry capitalist ruffians take no prisoners when their financial interests are endangered by determined minds like Wiels that vowed to fight corruption to redistribute the ill-gotten riches among his beloved struggle class.

Even though Wiels his reputation for the last 2,5 years has been clouded by his ideological missteps his untimely death has made people that cursed, prayed to see him beaten up wail and weep. His family and supporters are mourning the transitioning of a powerful Afro-Curacaoan leader that dignified the downtrodden bottom people, on a mission to equalize the socio-economic fortunes and uplift them out of Black self-hate to become critical shining citizens in an independent Curacao.

Just like exactly 2 months ago March 5 when Chavez died in Venezuela the message to the people is to continue fighting for a social transformation eradicating the played out neoliberal state of mind. Get active, read up on things, debate, reform the media to your benefits, organize stand up for your rights. Untame your heart from Dutch and Creole colonization. Get familiar with your region, build connect. Show the financial overlords who run things now. Give Wiels his dreams a chance, give love a chance by any means necessary.

“Serka Dios i na Korsou Tur Kos Ta Posibel”; Dia di Labor, Sindikalismo Enkadena

Un dia di labor sin menshona e palabra ‘koperativa’ ku a salba bida di hopi hende ta un krueldat pa baluartenan manera Amado Romer. Sindikatonan por buta krans na ACU i pa Felix Chakutoe pero e lucha sindikal no ta vibrante pa dekadanan.

Mas ku 10 anja bo ta traha fielmente pa bo donjo di trabao i te ainda e no ke ni pensa pa hisa bo salario pa bo kwida bo famia.

Sinta kome pafo na un supermerkado, pakus grandi durante lunch paso no tin kantine of e ta muchu chiki. Ora awa kai bo asuntu.

Riba stengel den haltu ta konstrui, sin protekshon na drechi. Si bo kai kibra bo atras, bo kwenta paso kompania no a segurabu na drechi.

Serka Dios tur kos ta posibel

Serka Dios tur kos ta posibel

Serka Dios tur kos ta posibel

Pero kos ta bon, sindikato ta bisa: “E trahado ta satisfecho” sin niun investigashon, niun sifras di 2010, 2011, 2012. Kwantu trahado ta afilia na un sindikato? Kon e konfiansia ta di berdat? Kiko e trahado ke mira wordu mehora? Kwa sindikato tin e persentahe mas haltu ku trahado ku bon seguro, bon kondishon di labor, bon penshun?

Serka Dios tur kos ta posibel

Serka Dios tur kos ta posibel

Serka Dios tur kos ta posibel

No e preguntanan aki no a wordu kontesta. Un parada di pantomina den Kaya Grandi kaminda e brassband ta kasi mas grandi ku e manifestashon sindikal ku karanan ‘kontentu’.

Serka Dios tur kos ta posibel

Serka Dios tur kos ta posibel

Serka Dios tur kos ta posibel

Buskando un solidaridat entre sindikato tabata e palabra di magia e anja aki. Movementunan pa skeins e realidat di 2013: Kwantu miembro a wordu di entrena pa tuma posishon di liderasgo? Kwantu kurso sindikal ta tin e anja aki pa miembro i mas importante pa no-miembro? Dikon te awoki lidernan sindikal no ta komunika via programanan tv, radio ne pueblo trahado ku karese hopi informashon riba derechinan laboral?
Kiko ta e kantidat di hende ku a studia derechinan laboral i kwantu nos mester pa ataka e abusu laboral ku nos tin riba e pais aki?
Kon nos ta kalifika nos forsa di negosashon ku donjonan di trabao: e ta bon, mediokre, malu?

Serka Dios tur kos ta posibel

Serka Dios tur kos ta posibel

Serka Dios tur kos ta posibel

Dia di labor na Telecuracao no a hanja mas ku 4,5 minut di atenshon pero e game show ‘Rei e’ kaminda por a gana un Kia Serato nobo a wordu premia ku un ora largu di transmishon. Ta stranjo ku nan ta uso plaka di pagado di impuesto pa promove weganan komersial i ta neglisha di promove e konsenshi di derechi laboral ku lo oumenta konsekuentemente salario di hende ku ta bon pa ekonomia di un forma mas duradero. Kos ku e bon yu di Korsou aya na Ser’i Ararat no ta kompronde podise ainda?

Serka Dios i Korsou tur kos ta posibel

VBC, Kvk, Iglesia, Politika no ta dialoga ku trahado pa hisa nan kalidat di trabao. Keriendo ku produktividat lo subi ku e mesun kondishonnan defisiente na nan boka di trabao.

Trahadonan di supermerkadonan, KFC, Burger King, Mc Donald, Pizza Hut, Subway tin miedu pa bira miembro di un sindikato pa defende nan derechinan. Media ta ketu atrobe bira kara lepia, ketu bai pega riba raporta ken a guli, ken a horta, ken a dal outo.

Medidanan a sker saku di hende, 1000 pa 1500 por perde nan trabao segun investigashon ministerial pero sindikatonan ta boka sera, lenga guli. E sindikalismo ku ta tene kwenta ku ekonomia enbes di sindikalismo ku ta trata di adapta e regimen di ekonomia ne derechinan i deseonan dje trahado ku ta e produktor maksimo dje ekonomia. Un sindikalismo sklabisa.

Pero serka Dios i Korsou tur kos ta posibel.

Myth Busting queen Beatrix the Royal Saviour of an Impoverished Dutch Caribbean

Queen Beatrix Dutch royalty ratchedness. No aid to equip or university to advance education wise.
Look at for example University of the West indies and ours. We stuck in a time machine that’s our queen B.
No credit line thrown to rescue our art academy that got killed by the neoliberal budget guillotine in the beginning of the 21st century. She a patron saint of Dutch kingdom art but this highly informed lady of all local developments watched how Curacao’s artistis soul was butchered by a local and Dutch government and never gave a fuck. Why is our art industry underdeveloped? Why we have to beg for funds literally? Queen Beatrix was never busy protecting our rights.
Many more examples but these two are prime models of the Dutch monarchy fairytale that protects and ensures the rights and advancement of their citizens.
Check how 15 million euro is granted to Dutch professors for archeological research on the colonization of the Americas from a Caribbean-Indian historical perspective. See how our scholars can’t even get 100.000 euro to evaluate the Dutch failed decolonization process since 1954 from our Afro-Curacaoan angle.

Where can the public catch this glimpse of greatness of her majestic self? What she done? The constant myth creation that queen Beatrix ‘helped us and intervened’ many times during drama on her (ex) colonized territorries is debunked by the historical proof that 2013 human rights are violated; our prisons, our pensioners, our youth, our labour class rights are trampled by an elite ceconomic and Curacaoan, Dutch governmental forces. Her reign has never been evaluated from 1980 when she ascended the throne until 2013 on emancipatory progress. A historical morally aware queen would never allow the out of proportion blown Dutch commercial, political and cultural dominance on the islands. What’s the status? Where are the official decolonization reports after the slick lobbying efforts that made UN throw Neth Antilles off of the list of non self governance territories?

Compared to the British, Spanish, French how do we grade, calibrate the Dutch decolonization process? Where do we stand compared to the British that also have a monarch supervising?
No studies on this constant influx of
Dutch Corporate conquestadors unwilling to implement economic decolonization principles.

But for the sake of entertaining the fantasy that she meant so much to us, where can one find her quotes on the islands, her valuable imput, the royal fruits of her labor?

Out of all the trade missions during her 33 throne hustling career which one in 3 decades has benefitted the Caribbean parts? Which mission had delegates from the Caribbean islands? Where are the economic studies to confirm that these state visits threw dollars in the treasury box of Curacao?

Since 2010 this Dutch queen Beatrix could not protect the rights of the BES (Bonaire, Statia, Saba) islands of 21.000, that are being tormented by Dutch constitutional Apartheid. What you expect from her son Willem-Alexander?

But yo it took a Dutch health inspector a few months to cause ruckus in the elite health sector weeding out fraud and malpractices that left deadly victims what a Dutch queen couldn’t take care of in 33 years.

Long live the struggling people of Curacao.

Rei Nobo, Wantomba Wilmu riba Trono

Droga pe diosnan di famia oranjo
Hipnotisa, lanta 4or marduga pa wak Beatrix su sanka baha for di su trono ku pa 33 anja no a hasi 1 konjo pa nos aki bou den kolonianan Karibe.
Awaseru kuminsa kai, gai di 4.30 ta grita. Rei Willem-Alexander su kar’i bom saludando su katibunan makamba feu balkon. Reina Maxima ta hari un bja paso e ta kontentu di yega asina leew, otro hari ta pe echo ku ela kaka riba miles i miles di morto dje diktatura di Videla. Si e dama sushi Argentina mester a pasa screening aki na Korsou nunka e por a pase, pero nos
ta
Sigi
ALABA
hendenan riku FALSU
Sin por ARGUMENTA kiko presis nan a logra pa nos mester adora nan sin skrutina.
Programa mucha chikitu ku ‘Lareina’ ta un Birgen Salbado. Hinke den su kabes ku danki ne bo por bai skol sinja papia skibi Ulandes.
Bai studia Ulanda
despues nunka
mas
bin bek.

Beatrix mester ta hopi gradisi ku pa tantu anja no ta tin niun duda di suidadano den Karibe den su podernan divino.
Ki krouw ela hasi
niun no sa pero
e tabata bon
pa Korsou si.

Rei Wilmu a hura ku e ta kwida proteha derechinan di tur hende den reino Ulandes.
Huntu ku su peiki genosida Argentina sigur? Inosensia di un pueblo bisti na oranjo hostigando e progreso emansipativo pero despues si yora puntrando su mes pakiko kos ta stanka pakiko tin tantu problema. Siega pa patronchinan di un katibu di kas pesei semper bo ta keda domina i difisil pa hanja salida si bo ke komplase bo kolonisado stret bai. Un kantika pa un rei, un sonjo pa un persona fantasma ku nunka lo hasi ni un lolo pabo.

Pone bandera ulandes na bo kas, lage wapa sin puntra bo mes unda e sifranan ta di estudio ku ta mustra kwantu dje persentahe di e mishonan komersial di Kasa Real a bini bek ne kolonianan den Karibe. Korsou kwantu bes a partisipa huntu ku e mishonan di negoshi den ekstorior? Kwida ken su saku anto?

E ‘W’ di
Wantomba konstitushonal
Spanta e spiritu di libertat den bo
for di 1863.