Kombersando ku Joceline Clemencia

Jermain Ostiana: Kon ta Joceline, bo ta sigiendo tur e delaster desaroyonan akibou?

Joceline Clemencia: Si mi tei. E forsa tei.

J.O.: Bo ta hasi falta ne momentunan aki, hopi falta mes. Ata e rasista Jacob Gelt Dekker ta bin papia kwenti Papiamentu ta un idioma kens di 20 piku mil palabra un lenga di katibu pa papia kosnan den sekreto i ku no ta sirbi pa diskuti asuntonan, konseptonan politiko.

J.C.: Semper ela chercha nos kultura, nos idioma. Hasi mofa di nos i pasobra e tin plaka ela kere ku nos ta asepta su koi chambonnan. Ami a pare varios bja ora ela demostra ku e no tin lei ku Korsou trapando nos dignidat pero no ta tur hende ta manera mi.

J.O.: Si mi ta korda kon dilanti di kamera di Telecuracao bo a mande su moerskont. Te gainan aki e i otro intelektualnan manera Brede Kristenen ku ta purba di bagatalisa (of) hasi mane e kommemorashon di 150 anja sklabitut ta un koi kens i ku nos (tambe) mester hasi algu kontra sklabitut moderno na Afrika i riba nos mes isla.

J.C.: Tin un grupo grandi di intelektual, akademiko (makamba i YDK) ku no ta kompronde e Yu di Korsou di desendiente Afrikano. Nan no a bai buska den profundidat, nan no a studia e region nos bisinjanan den Karibe i Amerika Latina ku ta demostrando mesun aktitutnan ku nos. Nan kiersa nan por bisa nos kon nos tin ku sinti, pensa, papia i aktua tokante sklabitut, kolonialismo. Nan ke dikta kon nos tin ku konmemora 150 anja abolishon di sklabitut. Tin di nan den un forma brutu ta provoka, insulta i paso nan tin sierto poder ekonomiko nan ta kere ku sosiedat ta guli manda bou nan abusu. Nan ta gran kibuka!

J.O.: Tin un hipokresia tambe si bo wak kon un miyonario no ke pa pueblo keda pega den pasado pero te mes kada ratu ta menshone, ta skibi i pio ainda a bin Korsou anjanan nobenta no ku e idea pa kuminsa un hotel pero pa konstrui un museo ku e tema sentral di sklabitut.

J.C.: Sigur no! I hasta nan tin un supuesto sentro di estudio tokante diaspora Afrikano, imaginabu. Nunka ela publika niun estudio, investigashon sientifiko sosial. Nunka nos yunan di tera a wordu ofrese un beka mane ela gestiona pa hasi pa studia temanan ku ta toka Yu di Korsou pretu i use pa adelanto. Ya einan bo ta mira ku e ta un chatiger miyonario. E tin un agenda.

J.O.: Sin duda, strukturalmente via su kolumnonan i ekspreshonnan den media e ta bati e yu di Korsou pretu su karakteristikanan. E no ta mishi ku esun hudiew, portuges, protestant blanku. E komunidat ulandes ku nunka e sa analisa ku tantu opseshon manera nos anto mas mahos ta ku e tribu ulandes riba nos isla no ta denunsia sistematikamente e atakanan dirigi di parti di shon miyonario. Kedando ketu nan i media ulandes ta aproba i partisipa den e konspirashon di rasismo blanku.

JC: Dia ma entrega e proklamashon di un Korsou independiente na Balkenende na 2005 hende no por a kompronde dikon un persona lo a drenta den palasio di gobernado durante un resepshon i proklama independensha. Den e referendum estatal entre Si ku NO na 2009 net un dia prome ma bai St. Kits and Nevis kaminda ta tin un reunion, un seminario dje komishon ku ta asigna pa dekolonisashon dje teritorionan kolonisa ku a keda riba lista di Nashonnan Uni. E dia ei tampoko hende no a mira ku bo tin ku kana sierto pasonan pa fortifika bo posishon.

J.O.: Seh mi ta korda e koi kla kla, den tur e kayente dje elekshon pa skohe sea pa Si of NO abo komo vishonario a subi avion i bai lobi, purba di hanja atenshon pa e kousa di Korsou ku tabata na punta di wordu rekolonisa. Mara nos partidonan politiko e tempu ei por a kapta bo pasonan i dunabu tur sosten pa hanja apoyo regional.
Esaki nos lidernan na 2013 tin ku sinja. E forsa ta serka nos bisinjanan.

JC: I traha huntu, unifika mas tantu posibel. Laga diferenshanan chikitu atras. Konsentra riba e grandesa di kada ken i usa esei pa harma bo ehersito di independensha.

J.O.: Danki pe entrevista aki Joceline.

J.C.: Tabata un plaser.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s