Prugashi Nashonal i Patruli Nobo

Despues di un luna purbando di hendel e tristesa di transishon di Helmin Wiels e dia 5 di Mei mester tabata e momentu ku nos ta boltu nos bisionan e hiba komo persona i grupo nos pensamentu i aktitut na un nivel mas haltu ku prome dje suseso sangriente ku tabata fatal pe lider mas influential sosiopolitikamente.

E partido Pueblo Soberano ta trata di aklimatisa su mes ne realidat nobo sin e presensia di nan maestro politiko pero meskos kune ta kai hopi bja tog den e mesun patronchi di politikeria. Bunita si ta ku boshi hende nobo ta yama den Konsenshi Sivil, kantando, deklamando, tokando kwarta i supla harmonika dunando e programa un toko nobo ku niun sobra partido por imita te ainda. E werewere ku e rumannan Wiels i direktiva a yena e sede di PS despues di basta luna. Esaki no mester tasina, vishon Soberano ta nifika ku sede mester ta yena tur siman no paso hende lo ferwagtu drama pero paso hende ta interesa di debati, skucha idea strategia nobo i bute den akshon pa resosialisa Korsou. Mane na Venezuela nan lo bisa: Hasiendo Patria.

Sektor priva, sindikato, media, religioso tampoko a kompronde ku nan tin ku eleva nan forma di duna nan kontrubishon pa Korsou briya di berdat. Ketu bai nan ta ninga di eherse kritika riba nan mes. Muchu kani mi pa mi kani bo. Falta di seriedat. Si bo wak prensa un faktor iritante i skandaloso ta kon Telecuracao i su ruman radial TCFM 93.3 ta pretende di nos kanalnan nashonal pero mayoria di nan programashon ta mas komersial kaminda plaka di pueblo via e kompania mama UTS ta drenta den e planta di tv i emisora nashonal. Tur esaki sin niun outorisashon politiko ku por gasta plaka di pueblo den un manego mal bruha kaminda defakto e programashon mester ta informativo, edukativo den kombinashon di un tiki entrenementu. Den pasado direktor Paul de Geus a bisa ku Wiels ta un abusado pero pa un hende riba un style diktorial malbat ta venena su radiovidentenan ku programashon sin balor sin nutrishon edukashonal informativo ta un akto kriminal sabiendo ku abo komo plataforma nashonal no por ta mesun kos mane sobra 27 emisora i 1 a 2 kanal di televishon.

Si bo ke politika serio bo mester tin un media na serio, investigativo, independiente ku ta positivamente instiga pueblo pa lanta i krea strukturanan nobo pa nan bida avansa. Periodismo no a eleva despues di 5 di Mei. Donjonan di media no a lanta for di sonjo i kiersa ganashi ta bon paso e ta buta pan riba mesa i yuda gobiernu ku kobramentu impuesto. Sensashon i politika ganganaso ketu bai ta domina nan agenda. Nelson Pierre a bisa ku mester bin un dialogo nashonal, i stop di keda pega den patronchinan bjeew di siglo 20. Kiko nos ke un prensa ku ta buta: ‘Na Banda Bou Harta, Ladron a Horta 3 Kabritu’?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s