San Wichi

E wa’i morto a yega
Un yora di dwele
di un pueblo
a keda di los
na Marie Pompoen.
Barba di Yonkuman
ta testigua
ku batimentu
di su bonchi
den repudio.
Laman ta skupi
ku desgusto
Un weis hostina
largu ta zona,
hoben i bjeew tur
awa na wowo.
Grunjamentu di djente
pe sinta hel hala den
forma di un kosmograma
di misterio wardando
pa su revelashon.

Nubianan ku kara
tristu shinishi
maldishonando
te den 7 genenerashon
tur KIA kolo’i oro i
esnan ku a buta botin
pa kinipi e gai.
Surnan den monesterio
strangulando ku boka
retando Dios pa para
nan koro di konjo bo mama
pe asension inespera di
un hombu stima.

Ora e wai morto kuminsa sali
kurasonnan di luto kantando kantikanan di liberashon i leu aya bo ta tende pastor Tuitt ta grita: “Te netwerknannnnnn!”

Ora e wai morto yega
Soberano city
Un Korsou liber ta
hanja su santu deboshon.
Ata Wiels ta bedei:
“Lesa, lesa hopi.
Buska konesementu
pa poder,
pa kambio.”
Niun por ganjabu mas
No niun por lagabu kushi
den nan mentiranan.
Asina bo ta hunta
29 ganchu na boka di Mamon.

Di bulpes pa bala
Hala, sin bo’n por
yuda bo ta stroba.

E wai morto a pasa i
a batise ku awa na
Palu Blanku.
Un poeta
ta pregona
revolushonariamente
ne krusada.
Kada frase un pakete
pa dera miedu di
papia berdat.
Derando kompleho
keriendo ku plaka
i puesto haltu ta
hasibu mas hende
pa disidi kiko tin ku
pasa den nos pais.

Ora e wai morto lora
nan a mira un
Korsou Limpi

Ata e bombanan burdugu.
Karpachinan kolonisa hawa
den sanger
Burda pa florin.
Seba den un
Sinbergwenseria.
No kupa e zumbi puye
nan lo kologe na
su rabu rufian.

Ora e wai morto a pasa
Bringamosanan ta grita:
“San Wichi ba lanta
nos konsenshi kritiko
te na fin di mundu
ku forsa di Paraguiri i
e spiritu pretu di 1795!”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s