Bikkel Slavery Curaçao
Un dios blanku ta kana riba aw’i beerput na Fleur de Marie.
Testigunan ta bisa ta
minpres Rutte di NL.
Ela anunsia ku
no tin kolonialismo mas.
Zatanas-86 a puntra:
“Nos por ta independiente,
shon donjo di katibu,
lo bo permiti shon
independentista na
Forti pa traha plaka ku
bo shon donjo di katibu?”
Nos por sera nos wowo
pa e rasismo kuru di e lei
di trafikashon di VVD djis
pa keda bon ku donj’i katibu
paso nos tei traha plaka
mi bon shon?
Ta strategia e koi?
Nos Yu di Korsou mester
bisti un strea hudiew ora
nos yega Schiphol shon Rutte?
Suidadano di reino di terser klase
hanjando nan regalo di rasismo ulandes den e anja di 150 anja abolishon sklabitut.
Negoshi
Ekonomia
Kapitalismo
Makamba tei salba nos
Ulanda stima nos
Trampolin of kolchon
Zumbi-86 ta sigi roga:
“Bo no ta bai los niun
pida sen mas pa nos
shon donji katibu?
Niun euro mas?
Ni un depchi?
Lo bo sigi yuda nos?
Kiko Ulanda por nifika pa Korsou?
Nos por limpi nos atras nos mes
shon Rutte?
Korsou ta un kaos shon Rutte bo ta kere nos por shon Rutte?
Refineria Isla por keda habri?
Shon Rutte e gas ku petroli den
nos awa teritorial, nos por keda
ku 25% i abo NL ku 75%?
Shon Rutte porfabor
Ulanda
no
mag
di
bandona
nos!”
Un prensa kolonisa
ta e miho forma pa
bo barku di katibu
keda nabega, prospera.
