Greta Martha

Bel a bati, kabi sali skol,
15 anja mesora
bai limpia kas
di un pareha
venezolano.
Esaki no ta
un novela di
Venevision,
pero bida real
di un damita
bayendo Vsbo
i traha den banda
pe por kria su yu.
Bendishon a keda
derama riba dje.
Ela skapa tantu
trampa karnal di
hombunan dobel
su edat.
E redenshon di
un kurason
Madona pretu
ta hanja manchi
gradisimentu.

Ayo problema,
Ayo amargura,
Ayo tristesta i envidia.
Bo ta bon kwida,
Bo ta bon kwida,
Ba yega den reino di felisidat.

Loftier Living, On Top, Dushi ‘magazine’ no ta fria e dolo dje damanan den ghetto.
Lesando revistanan bunita
pero e kontenido di adorashon kapitalista ta pa muhenan luho.
E dama di ghetto no tin nada skibi
pa nan, e paginanan i potretnan
no ta libra nan, e no ta yuda empodera nan ku teps, konseho ekonomiko-finansiero, pa konkista un bida miho yena ku maraviya sosial.

Ayo problema,
Ayo amargura,
Ayo tristesta i envidia.
Bo ta bon kwida,
Bo ta bon kwida
Ba yega den reino di felisidat.

Stichting Vrouwennetwerk Curacao ta parti premio pa empresanan ku ta trata hendemuhe bon.
Pero tur santu dia ta hasi kompras
na supermerkadonan kaminda e hendemuhe ketu bai ta keda abusa.
Donjo di Centrum a muri pero e kaheranan ta stret riba nan pia para of stuhl sin lomba. Goisco, Cost U Less. Ni esei despues di kasi 20 anja di eksistensia boso no por a kambia.
Trahado feminino komiendo den solo pafo riba pida karton. Marriott hotel a keda premia, konta ku e lombanan di tur e kamareranan? Konta ku e penshun, muhenan di klase haltu papia, eduka nan, fortifika nan netwerk of sera lip pa semper.

Ayo problema,
Ayo amargura,
Ayo tristesta i envidia.
Bo ta bon kwida,
Bo ta bon kwida,
Ba yega den reino di felisidat.

2 thoughts on “Greta Martha

  1. asyla ten holt says:

    ‘mama,mama, ten bo ta na bida, dios a dunabu balornan meresi…’Yes, Sablika, you may…bo tin mag…
    E pintura aki ta rekonose mi pasado Tapesei aki mi ta selebre lokual mi a kompronde. Foi un ‘sonjo’- ta un supuesto simbulo di animal ku kolo berde (sanashon) ku ta sinja risisti awaseru-ta soporta humiliashon-pero ta keda trata pa mira klaridat-a lo menos, si e keda persisti. E berde di ‘sanashon’ ta drenta ora e lus dal riba bo frenta anto bo bisa ‘aha’ t’asin’anto.(I’m the recognition’). Un episodio nobo na 2004 (realisashon) a kuminsa. Awe un otro episodio tei den tapara. (I’m busy peeling of the onion-layer by layer) You see, Sablika…As long there is life-search for the light.. Communications have a fine spiritual cause. Bless you. Asyla

    • Jermain Ostiana says:

      Danki Asyla semper ma gusta e pintura ei. I awoki bo splikashon ta klarami un tiki mas aunke falta hopi mas pa kompronde kon e ta hinka den otro. Pero hopi bunita pintura sin duda.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s