Dòktor ken ta rekorde ainda?

Karikaktura di Dr.Da Costa-Gomez den revista semanal Lorito 1 di oktober 1948

Karikaktura di Dr.Da Costa-Gomez den revista semanal Lorito 1 di oktober 1948

Ora nos ninga di yaya nos historia, kanta gloria di nos baluartenan, spiritunan rebelde, muhenan, hombernan, hobennan ku a briya den presensia aki nos ta defrouda nos mes pasado i futuro den un labatiba sin muchu identidat pa lanta na dje.

Mr. dr. Moises Frumencio da Costa Gomez su fecha natal tabata ayera 27 di oktober (1907-1966). Un dje figuranan politiko mas importante di siglo 20, e molina tras di e disenjo ‘negosha’ di Statuut 1954 ku a duna Aruba, Boneiru, Korsou, Statia, Saba, St. Maarten komo federashon ulandes un grado di outonomia i gobernashon propio despues di un era fastioso di kolonisashon pia abou.

Su historia, kon ela lanta, krese bai studia dal den personanan ku a influensia su karakter te pe bira un emansipado pe pueblo margina no ta muchu konosi te dia djawe. E fundashon ku ta karga e nomber di Dòktor tabata trahando riba un buki di dje i un busto ora universidat di Korsou lo keda kambia pa risibi e nomber di Dòktor. Lo ta bon si pa inspira e generashon hoben pero tambe adulto i mayor di edat ku (nunka a keda kultiva) no tin gana di lesa pa traha un dokumentario di dje.
Lider di partido PAIS Alex Rosario ku ta presidente dje fundashon i lider di partido Nashonal Humphrey Davelaar no por tin niun opstakulo finansiero riba nan kaminda pa nan informa, eduka i emansipa e pueblo tokante e personalidat di Dòktor.

No tin ‘skei trabou’ den e mundu politiko di konsientisa. No por para un proseso di emansipashon i mester tin mas linjanan stret ku prensa pa rekorda pueblo e dia aki i su nifikashon. Tin asina tantu historia pa konta pero Nashonalistanan i sigidonan di Dòktor mes ta soru ku e hombu aki su legasia ta bai perdi.

Pueblo tin ku hanja sa kon Dòktor a influensia sindikalismo, religion ku obispo i iglesia katoliko. Kon ela usa stratagia pa ‘negosha’ Statuut ku gobiernu ulandes i otro islanan i Surnam. Kon su bista tabata pa region Karibe, Latina Amerika. Den kwa forma ela atende ku elite ekonomiko. Su relashon i karakter den prensa kon por deskribi esei. Su kontaktonan ku e pueblo. Un dje kosnan ku tin debate eterno riba dje ta kisorto di vishon di independensia e ta tin? Ki sorto di vishon ekonomiko e ta tin, ki filosofia finansiero? E historia riku di Dòktor ta sklama pa keda plama mei mei di pueblo den formanan moderno di komunikashon sosial konstantemente den un malchi kreativo skibi pero mas importante oudio-visual den un lenga di pueblo.

Si nos no alsa nos mes hendenan ku nan legasia por yuda di traha un malchi fuerte di identidat pa konstrui un pais sosial disiplina ken lo hasie pa nos? E vra di un pueblo debil na balor historiko lo hera trampa pa repitie di nobo nunka.

Advertisements

Montekristu

Darwin
{Artwork by Jermain Ostiana}

Gregg su anhelo ta
pa YDK kambia su mentalidat.
Ku su programashon
24/7 fofo na radio Krioyo
esei nunka lo bira un realidat.
Pueblo split na dos yamando ‘talkshow’. Te mes a yuda bruhe. Radio Broyo Krioyo.

Chupa e boter
Sunchi e kelki
Chupa e boter
Sunchi e kelki

Stimul-IT ke science park
Makamba tei manda avion den espasio feu Hato. C-Tex e sentro di dato mas grandi den region pero
te ainda despues di 2005 no por a soru ku muchi skol tin tablet den klas.
Chupa e boter
Sunchi e kelki
Chupa e boter
Sunchi e kelki

Merkadia bo mes komo e Bob Marley di Korsou. Wiels a keda sefta 5 luna pasa i te ainda niun kantika ku mensahe sosial na Papiamentu of Ingles a sala feu su boka pa rindi homenahe na mesun meta ku nan tur dos ta tin.

Galerianan di arte broma ku artista pero no tin amor ni formula pa pega hende normal bin basila riba obranan di arte. Eksposishon di arte ku e tema 150 anja abolishon sklabitut den Pietermaai ‘Little Hipster Holland’ kaminda e pueblo mes nunka lo pasa wak.

Chupa e boter
Sunchi e kelki
Chupa e boter
Sunchi e kelki

Kampanja pa prevenshon di kanser mientrastantu bo amigunan di import elite ta yuda kousa kanser den kurpa di mucha i hende grandi ku nan produktonan insaludabel yena ku suku i vet.

Chupa e boter
Sunchi e kelki
Chupa e boter
Sunchi e kelki

Wes bo por bire fasil si bo tata of tio su fam ta De Kort, Saleh. Ku brasa habri nan ta tumabu den korte si bo ta yu di gobernado of bankero of tin e kolo i konsenshi korupto elitario desea.

Chupa e boter
Sunchi e kelki
Chupa e boter
Sunchi e kelki

Bo ke bringa pa penshonado pero
bo’n ta bedei nan kiko ta tratado di Madrid kiko ta ESOCUL mane Oscar Semerel a hasi sin kansa pa tantu anja ora ba masakra grandinan dia bo tabata mandatario.

Chupa e boter
Sunchi e kelki
Chupa e boter
Sunchi e kelki

Resistensia kontra rasismo ulandes
ku su zombi kolonial zwarte piet no ta hanja atenshon na Telecuracao nos planta nashonal pa tene pueblo bobo i kolonisa i pueblo ta sigi paga nan salario riba un trankil.

10-10-10 No ta keda no te den porti Shon Arei. Gritunan ku tin ku respeta,
tin ku komemora. Un anja nan a hanja pa prepara, unda e debate, foro di PAR ta, no tin interes pa evalua e tres anjanan ku a pasa? Unda bo estudionan sientifiko ta pa saka konklushon ku e sonjo estatal tabata un enganjo frakasa?

Chupa e boter
Sunchi e kelki
Chupa e boter
Sunchi e kelki

Anhelo di independensia pero
bo tin miedu di eksigi respet di gobiernu ulandes, rabu mei mei
pia pa demanda reparashonnan di genosidio i sklabitut bou di opresor ulandes.

Sra deftu na mando pa anjanan pa desaroya barionan. Papia ku batata kayente den boka. Papia nechi, akademiko pero su manego ta hasi mofa di hende landando den un riew di pobresa.

Sr. Ruben Suriel a traha 30piku anja na Banko Sentral, bola di kritika riba gobernashon, Aqualectra kio kio. Bo mes sektor finansiero ku bo konose mane bo planti man, bo no ke kritika remodele, renoba e manego di banko sentral i tur banko komersial pa pueblo por hanja un bida tambe
via poder finansiero popular demokratiko.

Chupa e boter
Sunchi e kelki
Chupa e boter
Sunchi e kelki

Abogadonan independentista ku nan “Sali foi reino awo!” gritunan. Puntra nan ki dia nan ta duna les di derechi, ki dia ta bringa pa pueblo tin akseso liber na konseho huridiko. Nunka ta stoi papia nunka ta empodera e pobernan i hiba podernan elite komersial korte ku ta chupa nan sanger. Kens nan ta anto.

Konsulado chines no tin edefisio kemen e konsul general tei kai sinta na hotel Venetto. Ki hansi morto chinu ta tin eh? Chinu sa kos ku pueblo no sa, trempan ta bende.

Djayabanda pa korona e hipokresia:
eks minister di finansas ku semper a predika ku “Korsou mester baha su nivel di bida, mester!” ta ganando 25.000 florin pa luna serka su primu Emsley Tromp na Banko Sentral.

E boter yena ku
‘Arkaa-Hol’ ta koi
chupa berdat.
Sunchi e kelki
Chupa e boter
Sunchi
Chupa
Sunchi e kelki
Chupa e boter.

Stitch Yo Lips

Political Willemstad brothel babies owned by
Money moguls
ulcered and angered by
100.3FM social change vocals
Bumping out ya speakers and tv screens.
Its 2003 pulling up in
A white beat up Mazda
Rastas, cleaning ladies throw their fists up. Middle class philosophers
Arm-chair revolutionaries take sips from the Lamunchi-Smirnoff
elders say in the 50s we had
Doktor Da Costa Gomez,
60s Godett, Brown, Nita
80s Don Martina, Maria
Now he popped up
A Black radical leader
Back when Gonzalo was
still a Chavista
And Priest Amado Romer would unleash his fury upon captains of industry at church Santa Famia.
Remember radio’s
used to censor Wiels
afraid to lose
corporate sponsorships,
Moribund media enslaved by
creole capitalism politics,
‘hode’ what a mess.