30 di Mei: Oportunidatnan Perdi of Speransa pa Futuro?

Artikulo skibi pa historiado Franklin ‘Max’ Elstak publika den Extra 24 di mei 2014

Den ananan 60 di siglo 20 Korsou tin un deterioro sosial-ekonomiko ku a afekta un gran mayoria di e poblashon. Na ana 1965 kasi un kuart di poblashon tabata desemplea. Klase sosial i oportunidat sosial-ekonomiko ainda tabata mara na grupo etniko, a konsekuensha di e herensha historiko-kolonial di sklabitut, funda riba e relashonnan sosial di desigualdat. E klase trahado den su mayoria tabata konsisti di Afrodesendiente. E entrada promedio di poblashon entre ananan 1958 pa 1965 a baha di 1078 doler pa 961 doler pa ana.

Entre e ananan 1958 pa 1968 kosto di bida a subi ku 10%. Den ananan ’60 kasi 75% di poblashon tabata depende pa su sobrebibensha di un persona ku un entrada di menos di 5000 florin pa ana. Pues kasi un terser parti di poblashon di Korsou tabata balansa algu riba e indise di pobresa.

Tur esaki a konsekuensia di ekonomisashon den e sistema di produkshon denter di e sektor petrolero. Retirunan masal a kondusi na oumento di desempleo na Korsou.

Di aya banda un individuo pertenesiente na e grupo elite pudiente tabata tin un entrada ku tabata 80 biaha mas haltu ku un persona ku un entrada bou di indise di pobresa. E desigualdat aki no a mengua, pero a perdura dekadanan despues di ananan ’60.

Sifranan di senso 2011 ta indika ku di e 121.000 habitante di nos pais riba 15 ana, kasi 99.000 tin un entrada. Alrededor di 22.000 no tin un entrada. 15% di e 99.000 persona ku un entrada ta gana mitar di e promedio di entrada bruto bruto mensual.

Ta mas ku ku opvio ku hopi famia den un unidat domestiko no por kumpli ku e nesesidatnan basiko elemental manera kuminda, pana, kas i edukashon. E entradanan di yudansa sosial ku gobiernu ta duna no ta yega pa kontraresta pobresa. Mamanan soltero desemplea, mamanan kabes di famia, personanan ku un hendikep(deshabilidat) fisiko, hobennan desemplea, kobradonan di ‘onderstand’ , penshonado i adultonan mayo ta konfronta problemanan serio pa sobrebibi.
Un estudio di OECD (organisashon pa koperashon di desaroyo ekonomiko) 2013 a formula kriterionan di desigualdat di entrada den paisnan industrialisa. “Benchmark” den e paisnan aki ta ku e parti di poblashon ku ta gana menos ku mitar di e entrada nashonal ta 11%. Naturalmente Korsou no ta un pais industrialisa, pero na numeroso okashon nos ta posishona nos mes komo tal. Den e kuadro ei un komparashon kisas ta hustifika. Na Korsou 43% ta gana menos di e promedio di entrada bruto mensual di 2830 florin.

E susesonan di 30 di mei tabata ekspreshon di frustrashonnan akumula atraves di generashonan di eksplotashon i tresaso sosial-ekonomiko di e grupo mayoritario di Korsou.

E ananan direktamente despues di 30 di mei a konose te na sierto altura un rekonosimentu di e grupo mayoritario di pueblo di Korsou. E klase trahado a disfruta di benefisionan sosial ku a keda inkorpora den leinan laboral i provishonan sosial. Riba tereno sosial politiko tambe a bini algun kambio no muchu fundamental: Antias a konose su prome gobernado i minister president pretu i Korsou a hana su prome ‘gezaghebber’ pretu. E kambionan aki tabata mas bien kosmetiko, pasobra nan no a trese kambio fundamental den e relashonnan di poder na Korsou. E klasenan dominante a mantene nan posishon privilegia denter e sosiedat. Denter di e proseso di emansipashon a surgi un ruptura sosial di e persepshon historiko kultural di inferioridat di e mayoria di e poblashon Afrodesendiente. E ruptura sosial a influensia i fortalese e proseso di buskeda i formashon di un identidat propio i genuino di e Afrokurasoleno.

Lamentablemente no a stabilisa i fortifika e proseso aki ku un maneho/politika edukashonal struktura denter di nos institushonnan di ensenansa, edukashon i formashon. Manera nos a indika no tin masha hopi kambio riba e tereno ekonomiko. No a bin kambionan signifikativo den e situashon ekonomiko di un gran parti di nos pueblo. Fuera di esei politika di rekolonisashon hulandes i e posishon asumi pa gruponan ekonomiko poderoso ku ta sali solamente na defensa di nan interes komersial spesifiko sin tene kuenta ku interes general a afekta i influensha e proseso di emansipashon politiko i ekonomiko di e mayoria di nos pueblo.

E ekspreshon “pan i rekonosimentu” ta ilustra e 2 faktornan mas importante ku a kondusi na 30 di mei esta un distribushon inhusto di entradanan ekonomiko i diskriminashon rasial ku ta kondusi na un posishon i status sosial inferior di prinsipalmente e mayoria Afrodesendiente na e elite blanku denter di e sosiedat di Korsou.

E faktor sosial-rasial a hunga un papel importante. E ekspreshonnan: “e Bon Yu-di-Korsou” i “e Yu di tera” ta ilustra e diferenshanan eksistente entre e gruponan minoritario pudiente blanku i e grupo mayoritario de desendensha Afrikano. Ta di lamenta ku e tendensha di 30 di mei den direkshon di krea un identidat propio fuerte, mas patriotismo i formashon di un nashon solido no a keda kristalisa. Gobernashonnan susesivo no a institui un maneho di ensenansa pa lanta un sentido di orguyo rondo di e konosementu i saber di kultura i historia di Korsou bou di hubentut.

For di ananan 90 estado hulandes pa motibunan strategiko, geo-politiko i geo-ekonomiko a desaroya un konsepto di kambionan huridiko-estatal den Reino Hulandes. Pa logra e ophetivo aki estado hulandes a presenta limitashonnan den outonomia di Korsou impone un direkshon di mas koperashon obligatorio i supervishon di Reino, lesa Hulanda. E kambio di direkshon di mas koperashon obligatorio i supervishon di Reino, lesa Hulanda. E kambio di direkshon aki a keda hustifika pa e supuesto mal gobernashon ku ta eksisti na Korsou, prinsipalmente riba tereno finansiero ku defisitnan presupuestario struktural i un debe nashonal haltu. Tambe e oumento grandi di kriminalidat ku alaves a traspasa frontera di Korsou i yega Hulanda tabata un otro motibu pa estado hulandes interveni den nos asuntu.

Preshon desproposhonal di estado hulandes riba gobernashon di Korsou despues di ana 2010 pa balansa presepuestonan a sigui afekta e mayoria di nos poblashon i a kondusi na un oumento di pobresa den barionan manera Seru Fortuna, Marchena, Wishi, Buena Vista, Koral Specht i areanan grandi di Banda Bou. E maneho politiko di ultimo ananan no a logra di solushona e problema grandi di desempleo. Tin tur indikashon ku e politika aki a trese bienestar pa un grupo priveligia. E politika di desaroyo ekonomiko a hasi dano na union i solidarismo bou di e klase trahado. Medidanan fiskal pa subi entrada di gobiernu a krea desunion, desempleo i mas individualismo pa por sobrebibi. A surgi un oumento desproposhonal di kriminalidat i korupshon.

Esaki ta kontrali na e perspektiva di mehoransa sosial ku 30 di mei a krea pa mayoria di nos sosiedat. E esperitu di mas bienestar pa un i tur i rekonosimentu pa mayoria di nos poblashon ta eksistente. Solamente gobernashonnan di ultimo dekadanan no a fungi komo katalisador di e pensamentu aki. Manera ya a manifesta, gobiernunan a opta pa desaroyo ekonomiko i saneamentu di finansa publiko pa por a indika kresementu kuantitativo i material. Sinembargo desaroyo ekonomiko riba su so no a logra trese bienestar sosial pa pueblonan na mundu. Esaki ta resalta den e vishon ku mayoria gobiernu a aplika e ultimo dekadanan den mundu i e resultadonan ku esaki a genera. Aplikashon di e konsepto antikua di desaroyo ekonomiko komo uniko sektor pa logra bienestar sosial lo sigui okashona empobresimentu aselera.
Mester bini un kambio di paridigma ku enfasis riba un desaroyo sostenibel ku ta hasi uzo di tur rekurso humano i natural pa subi kalidat di bida di tur siudadano irespekto desendensha, genero, kredo i posishon sosial-ekonomiko i sigura alaves bienestar i eksistensha pa futuro generashonnan.

Testifying the Greatness of Joceline Clemencia

(A translated version of the letter written by historian Jeanne Henriquez to newspaper Amigoe)

Joceline has passed away but here legacy stays strongly alive, Jeanne Henriquez, Saturday June 4, 2011

This is the heritage that Joceline has left for us to learn from: Joceline’s love for her maternal tongue, history and culture of her country was enormous.

In a consequently and consistently manner Joceline defended her soil with her acts, discussions and dialogues. Joceline was a first class independentista.

It needs to be indicated very clear that in our political history she was the first person that took the initiative trying to form a strong politically allied opposition group to combat the attacks on Curaçao’s autonomy during elections.

Sadly a majority of the political opposition groups were not yet ready for that. According to Joceline an alliance was a way to fight to become boss in our house.

History proved this.

Joceline was a woman who ensured to apply the philosophy of political independence in her daily life.
What other name could she give her company than Cultural Institute Independence.

Joceline managed to combine care, education and raising up of her kids and sustain her family
wither her political ambition.
The combination of all these tasks didn’t frighten her, it didn’t hinder her nor stop her from executing projects dedicated to information and formation of youth and adults.

She always expressed her opinion with a loud voice and never allowed people to shut her mouth. She didn’t care what consequence that might have for her. Joceline was a woman that attacked sexism in a systematic manner in the political arena of Curaçao. To Joceline a woman had all the rights to express her opinion even though its not a common thing.
Joceline didn’t worry about what people would think or say about her. She would give her unsalted opinion if you want to listen or not.

Joceline was a political feminist convinced that if we wanted to create a just world, the politics of care should reflect in our way of thinking, our acts and our attitude.

Joceline was a woman on a excellent level of language dominion. In an eloquent form she would express her thoughts and convictions. Joceline would dominate the art of imitation very good and would use this to bring humor and joy in thoughts that she would bring forth.

Joceline would use her creativity in everything that she would do and would infect others with her enthusiasm for her projects. To Joceline a stadium was the only appropriate place to teach in a massive way orthography of Papiamentu for those interested with assistance of a batallion of volunteers.

Joceline also was a Caribbean and internationalist and that’s why she solidarized herself with struggles around the world.

Historical was the action led by Joceline to demonstrate our repudiation against the invasion of Iraq.

Joceline would emphasize on the importance of knowledge about our African roots and to be aware of the history of great civilizations that Africa knew but also the African contemporary history.

She would emphasize the importance of analyzing and understanding the systems of oppression and the manifestations of political intrigue.
In that aspect Joceline visited among others the republic of South africa and spoke to Winnie Mandela, a woman fighter. Joceline fought against Afrophobia.

I’m glad we made peace with each other before su left. I’m grateful to Joceline for all the sweet moments, for all the moments of profound formation and the bitter moments from which we both learned our lessons.

Joceline Clemencia: PRESENTE!

JEANNE HENRIQUEZ
Curaçao

Testimonio di e Bida Bondadoso di Joceline Clemencia

(via Amigoe)
Joceline a bai sosegá, pero su herensha ta keda bibu bibu, JEANNE HENRIQUEZ djasabra, 04 juni 2011

ESAKI TA e herensha ku Joceline a laga atras pa nos siña di dje: Joceline ta tin un amor grandi pa su lenga materno i pa historia i kultura di su pais.
Joceline a defendé di forma konsekuente I konsistente su tera ku su aktonan, su diskushon I diálogonan. Joceline tabata un independentista di taye. Mester
indiká bon kla den nos historia polítiko ku e ta e promé persona ku a tuma e inisiativa pa purba agrupá tur esnan di oposishon pa forma un aliansa
polítiko fuerte pa bai elekshon pa kombatí e atake riba outonomia di Kòrsou. Lástima ta ku un mayoria
di e gruponan polítiko di oposishon ainda no tabata asina leu. Aliansa tabata segun Joceline e manera
pa lucha pa logra pa bira doño den nos mes kas.

Historia a prueba esaki.

Joceline tabata un muhé ku a sòru di apliká e filosofia di independensha polítiko den su bida diario.
Ki otro nòmber e por a duna su empresa ku no ta Instituto Kultural Independensha. Joceline a logra di kombiná kuido, edukashon i
formashon di su yunan i sosten na su famia ku su karera i su ambishon polítiko. E kombinashon di tareanan aki no a spant’é, no a strob’é ni a par’é di ehekutá proyektonan dediká na informashon i formashon di hende hóben i adulto.

Su opinion e tabata ekspresá na bos haltu i nunka a permití hende pa tapa su boka. No tabata import’é ki
konsekuensia esaki lo por tin p’é.
Joceline tabata un muhé ku a ataká seksismo di forma sistemátiko den e arena polítiko di Kòrsou. Pa Joceline hende muhé tin tur derechi di ekspresá nan opinion anke esaki no ta komun i koriente.

Joceline no tabata preokupá su mes ku loke hende por pensa ni bisa di dje. E tabata duna su opinion na un manera skèrpi si bo ke tende òf no.
Joceline tabata un feminista polítiko konvensí ku si nos ke krea un mundu hustu, e polítika di kuido mester keda reflehá den nos manera di pensa, nos
akto i nos aktitut.

Joceline tabata un muhé ku un dominio di idioma riba nivel di ekselensha. Di forma elokuente e tabata sa di ekspresá su pensamentu i konvikshonnan. Joceline tabata dominá e arte di imitashon masha
bon mes i tabata usa esaki pa trese humor i zjeitu den pensamentu ku e tabata ke trese dilanti. Joceline tabata usa su kreatividat den tur loke e
tabata hasi i tabata sa di entusiasmá otro pa suproyektonan. Pa Joceline un stadion tabata e úniko lugá apropiá pa di forma masal duna lès di ortografia di Papiamentu pa tur esnan interesá ku asistensha di un batayon di boluntario.

Joceline tabata tambe un Karibense i un internashonalista i ta p’esei e a solidarisa su mes ku lucha di pueblonan rònt mundu. Históriko tabata e akshon aki na Kòrsou bou di guia di Joceline pa demonstrá nos repudio kontra e invashon di Irak.

Joceline tabata enfatisá e importansia di konosementu di nos rais Afrikano, i di ta na altura di e historia di sivilisashonnan grandi ku Afrika a
konosé pero tambe di historia kontemporáneo di Afrika. E tabata enfatisá e importansia di sa di
analisá i di komprondé e sistemanan di opreshon i di manifestashonnan di intriga polítiko. Den e kuadro akí Joceline a bishitá entre otro Repúblika di Suráfrika i a papia ku Winnie Mandela, muhé luchadó. Joceline a lucha kontra di Afrofobia.

Mi ta kontentu ku nos por a hasi pas ku otro promé ku Joceline a bai. Mi ta agradesido na Joceline pa tur e momentunan dushi, pa tur e momentunan di formashon profundo i tambe pa e momentunan amargo di kual nos tur dos a siña nos lès.

Joceline Clemencia: PRESENTE!
JEANNE HENRIQUEZ
Kòrsou

Koroto di Airu

Koperando den programanan di kontra-inteligensia pa konfundi opinion publiko i alabes proteha tentakulonan di poder.

Koroto di airu, eiden olarkia ta fiesta

Provokando selektivamente sierto politiko protehando bankeronan, personanan klave ku a inventa sostene e sistema finansiero ku ta chupa sanger di pueblo.

Ninga di eherse periodismo investigativo pa prueba ku doñonan di media ta eherse sierto gradonan di un diktadura riba nan komunikadonan sosial i pueblo en general a base di interes finansiero.

Koroto di airu kaminda spokinan ta flota bai bin gritando den suku.

Keda sin inberti den kreashon di un konsenshi periodistiko ku eksepshon den perta politiko of pa gloria personal.

Ku konsistensia apstene di organisa riba dia di prensa un dialogo nashonal pa oumenta kalidat i integridat di suministrashon di informashon mientras e akseso na tur netwerk, media pa hasi esaki ta un realidat faktibel.

Un koro komersial ta sali for di e koroto di airu

Sosteniendo den e referendum di 2009 e opshon Si un pakete neo-kolonial, sin hasi periodismo investigativo den e konsekuensianan dje restrukturashon estatal. Agonisa despues di kuater aña ku pueblo ta sufri di hamber pa e mesun medidanan neo-kolonial ku mayoria a vota pe pa keda ehekuta.

Fasilitando zonanan di komfort pa sierto mandatarionan, institutonan finansiero, hefenan di servisio, kapitannan di industria.

Koroto di airu un sanktuario pa orden establesi, supremasia blanku, rasismo internalisa, hustisia di klase.

Asimilando un diktador notisiero ku ta disidi ki ora si algu ta keda publika komo notisia pa publiko.

Desvia interes pa no splika i siña pueblo na plaka chiki kiko ta ensera libertat di prensa ku fundeshi huridiko nashonal internashonal.

Periodismo chupa lenga merkadea
diabelnan disfrasa komo pannan di dios.

Den e koroto di airu enemigunan ta boltu bira amigunan di lucha pa elimina enemigunan nobo

Hasi servisionan klandestino pa un oligarkia hungando defensor di un klase trahado enkarsela den un depreshon ekonomiko.

Korotonan di airu
Ei e periodista-reportero den tur trankilidat ta konstrui su heroismo.
Korotonan di airu
Ei e ta imagina su mes komo salbado
Korotonan di airu
Ei e popchinan di meya ta haña su krus di merito.

Fugitivo Finansiero

Willemstad – Djaweps 15 di mei, alrededor di 10.24’or, Sentral di Polis a risibí notifikashon ku kuater detenido a hui for di Sentro di Detenshon I Korekshon Kòrsou.
E kuater detenidonan Chikoe Capriles, 51 aña di edat, Billie Jonckheer, 53 aña di edat, Leo Rigeaud 52 aña di edat, Hermen Behr 63 aña di edat, tabata huntu ku otro detenidonan den e tayer kaminda presunan ta ehersé diferente tipo di trabou. Diripiente e kuater detenidonan ariba menshoná a dominá un wardado di presu pa despues dominá e hefe di e tayer.
Nan a choka un di nan te na momentu ku e la pèrdè su konosementu i a mara e otro. Seguidamente e kuater detenidonan a usa un balki pa asina por a pasa diferente stap i despues bula bai pafó di e tereno di prizon. Mesora trahadónan di Sentro di Detenshon i Korekshon Kòrsou a
kuminsá ku un búskeda paden i tambe pafó den área di prizon. Polis ku koperashon di Warda Kosta
ku nan helikòpter ku den laria i boto riba laman, tambe a duna nan sosten i ayudo den e búskeda. Te na e
momentunan aki un búskeda intenso ta kontinuá pa asina mas pronto posibel por bolbe detené e
kuater detenido nan ku awe den oranan di mainta a
hui for di prizon.

E personanan aki ta sumamente peligroso arma ku un vokabulario di manipulashon finansiero. E deskripshon di nan ta:

NÒMBER : Chikoe Capriles

EDAT : 51

SENTENSIA PA: Konspirashon finansiero na Banko Maduro kontra pueblo di Korsou. Falsifikashon di Torah i Kabalah. Instigashon pa mantene institutonan finansiero den un estado di dikatadura kaminda pueblo no tin nada di bisa kiko ta pasa ku nan plaka.

AKTUAL HUIDA : 15 di mei 2014

HALTURA : 1.78 m

POSTURA. : normal

KOLÓ DI KUTIS : blanku

KOLÓ DI KABEI : shinishi

PAÑA : kaki

NÒMBER : Billie Jonckheer

EDAT : 53

SENTENSIA PA : Konspirashon ekonomiko na Kamera di Komersio kontra pueblo di Korsou, manteniendo un sistema di ekonomia domina i na benefisio di un elite blanku. Intenshonalmente neglishando di tene su tata Chicho responsabel pa fomenta un guera mediatiko den su korant Ultimo Noticia.

AKTUAL HUIDA : 15 di mei 2014

HALTURA : 1.68 m

POSTURA. : chiki

KOLÓ DI KUTIS : blanku

KOLÓ DI KABEI : blont/blanku

PAÑA : kaki

NÒMBER : Lio Rigeaud

EDAT : 52

SENTENSIA PA : Opstakulashon di demokratisa e asosashon di bankeronan di Korsou. Sabotahe di e demokratisashon popular na tur bankonan pa empodera pueblo den e proseso di tuma desishon riba nan plaka.

AKTUAL HUIDA : 15 di mei 2014

HALTURA : 1.80 m

POSTURA. : chiki

KOLÓ DI KUTIS : blanku

KOLÓ DI KABEI : pretu

PAÑA : kaki

NOMBER : Hermen Behr

EDAT : 63

SENTENSIA PA : Konspirashon kontra un pueblo ku un maneho di VBC pa komersio ekstorshona gobiernunan di turno ku un modelo ekonomiko bieu neo-liberal ku ta akumula rikesa di un pueblo i ta abuza trahadonan violando derechinan laboral ku e meta pa semper keda mendiga pa un salario minimo miserabel.

AKTUAL HUIDA : 15 di mei 2014

HALTURA : 1.65 m

POSTURA. : chiki

KOLÓ DI KUTIS : blanku

KOLÓ DI KABEI : kora/blanku

PAÑA : kaki

Polis ta supliká tur persona ku ta kere ku nan tin informashon riba e kaso aki, pa pasa e informashon pa polis. Por yama na 917 durante
24 ora òf e number anónimo 108.

Tambe por konekta via Twitter @sablikatriumph ku e hashtag #FugitivoFinansiero

Fridi Martina Su Anhelo

FRIDI Martina

Kòrsou habri bo brasa
Laga bo yu muhé fuerte bula bai
Ela grita, no yora!
Ki’saki ta para bira!
Awoki no!
Laga kurashi kishiki bo boka
Papia pa nan tende bo bos kritiko
Skibi boso obra di bida
Ku sodo i sanger
Ami,
Mi ta eksigi mi respet
i nami mi plaka, meresidamente
ARTISTA MI TA
Oro ta dirti den mi sombra

Ta kiko anto, kai sinta den sala di espera di dokter dilanti un
sanger yòn ku pluma di warawara den su kabei patras pega den un flektu. Su popchi wowo kurioso a kremp, saludando un spiritu liber. Un amor perdi a bolbe.

Arte ta libra
Arte tin ku yanga
den fashinan renoba
E tin ku konfronta
inhustisia den rin di rebeldiá.
Sakudi bo tinu

Unda nos instituto di arte ta?
Dikon politika i doñonan di nos plaka no ta balorisa? Kura di bosnan dolónan pa kaba.
Dramatisando domferstant
Arte ta un
santu salbado mahestral.
E anhelo tei,
e anhelo no ta bai
niun santana.
Giuambo ku kadushi
Bon huntá
Atami ta bisabu
Malora no por gara
Nos tin bo ganá

Pas i lus di maraviya riba Fridi Martina
15 yanuari 1950 ~ 11 mei 2014

The Christ of Curaçao, Mgr. dr. Amado Römer

Loved by everyday people, disfavored and obstructed by the upper-class toting the desire to stagnate any kind of progress of the working-class, hindering their social lives and making their emancipation episodes troublesome of all sorts protagonized by the dependence of the financial-economic elite system, a simple but luminescent, Mgr. dr. Amado Römer seized his future destined as one of the first roman catholic priest of color.

“You aint nothing, you can’t do nothing, you don’t know nothing”, the Dutch catholic educational dictum taken as an unquestionable truth in the 20th century after the abolition of slavery followed by a 91 year stretch of colonialism. The church’s civilizing enterprise to raid the minds of the proletariat with catholic doctrine always encountered a troop of individuals creating an escape from the social engineering of the clergy. One of them was Amado Römer who as a young kid felt uncomfortable from only seeing blond haired, blue-eyed, Dutch speaking priests. His early social justness conciousness made him wonder if God would understand him if he spoke in his own creole language papiamentu? From that moment on the decision was made to become a man of the cloth aided and initiated by bishop Verriet, an advocate for local priests, on the notable date of June 29, 1946.

Curaçao witnessed the advent of a profound spiritual disciplined being seeking betterment of the impoverished underclass, a man armed with the extramundane rootical teachings of Jesus the Christ fighting against the unjustness of Dutch creole capitalism. The virtuous works of Römer are abundant. In the book ‘Mgr. dr. Amado Römer: indefatigable social justice fighter'(Mgr. dr. Amado Römer: luchado inkansabel pa hustisia sosial) Valdemar Marcha unravels the man of faith criticizing and distancing from the normalized way of practising politics and economy. The stance he took was against modern day capitalist economists who neglect people and express human relations in monetary values. He realizes the impoverished working class needs socio-political leadership, an urgency for stable households that economically can hold their own heads up. Therefore consequently Römer embarks on a emancipatory quest founding a credit cooperative in 1958. Economic democracy as an effort to bring a downturn to the societal inequality, making people aware that they are not objects of business owners and politicians. These black owned cooperatives gives the people an understanding to unite, to realize that interdependency will benefit everyone reaching economic goals by participating together while at the same time functioning as a learning space where leaders get formed.

Shortly after Alcoholic Anonymous (AA) sees the light of day and as the cooperatives boom surges a central credit union league is founded and contacts in the Caribbean, United states and Latin America are established to strengthen the cooperative movement.

1959 Römer founds CBH the Christian Union of Dock Workers, Horecaf the hospitality union in 1964, Boneco the union for commerce employees in 1969, CCV the Central for Christian Trade Unions in 1969, BEBA the union for bank and assurance employees in 1970 and also a bakers union and a taxi chauffeur union.

INFORSIC the institute to form christian union leadership becomes a reality in 1966 thickly influencing the union movements of that period.

1976 FESSKA commences a superior and scientific catholic studies institute for philosophical formation on the areas of moral and ethics based on catholic teachings aimed at university students.

“As a priest the well-being of the common woman and man was paramount, that was always misunderstood, then and even now”. Römer had his struggles with the social stiffness of the catholic hierarchy. “The church is debilitating. They are not helping out the needy, the working poor. They say hallelujah and sing amen but that’s not the church I need. My church is honest and doesn’t slack. That walks the path of righteousness.” A far cry from countless priests, Römer possessed a uniqueness devoted to getting rid of that competitive system where education is anchored on capitalism creating individualistic and egotistic persons completely separated from each other. His purpose to elevate spiritually was through counter-balancing the weaker embodiment of the church or as he describes: “They want to bring the religion of water and sugar, me I just want to offer funchi and bokkel. (cornmeal and salted herring)” Implying his theology of liberation was the creole religious soul-food needed feeding spirits to rise to new heights of humanism.

When the May 30th 1969 revolt was on the verge of breaking out the Royal Dutch Shell prohibited the priest to continue his premonitious preaching of blood and fire to the oil refinery workers. Years later after the inferno of racial and labor inequity simmered down he proceeded to lecture during 1st of May, Labor Day with fiery speeches in Santa Famia church in Otrobanda his stomping ground. Classic Amado Römer moments of eloquent chastisement as he roughed up the economic elite for exploiting the working class along with union leaders, politicians who caught flak for the degeneracy of their principles as labor shepherds.

The critical voice towards his own religious institution, his inexhaustible radical activism bond to love up the black oppressed classes made him ineligible for the position of bishop.
Had he become the highest ranking within the catholic jurisdiction the ramifications would be that the breath of emancipation would have been blown into the religious aparatus, creating a Römerism sacerdotal cavalry guaranteeing a significant social humanizing makeover of the reigning capitalist system.

The university of Curaçao in 2012 installed a Amado Römer Chair of Social Justice which yet has to evolve into a scientific tool of educational knowledge and activism creating structural advances for the struggling class.

Ever since his April 17, 2010 ascension to a better universe his compassionate spirit is being missed. He left during a crucial decision making period when Curaçao had to make a political choice between Dutch recolonization or stand its ground like Römer did and continue the decolonization process on all levels in society.

His legacy is without a single doubt to be treasured and the last book he published is a must read for everyone wanting to understand the historical social, political, economic, religious context of the impoverished working class: ‘Curaçao in the 20th century, Development for the People or a Tragedy?’ (Kòrsou Den Siglo
XX, Desaroyo di Un Pueblo
òf Tragedia?). A brilliant piece of papiamentu written work triumphantly produced without the usual help from banks or other financial institutions. His investigative study illustrates why social injustice is the cause of poverty and why people with money don’t mean a thing unless people do acts of benevolence with that money to fundamentally uplift the masses. Clarifying the situation at hand in 1999 this easily is still valid in 2014, Römer breaks it down: “What will be the future of these islands is the great question nobody can answer with some precision. Difficulties in economics and otherwise are mounting, materialism and the easy money(drugtraffic and lotteries) keep the population occupied with little attention to self-sufficient
initiative. Crime as a logical consequence of the situation
becomes a menace to the ordinary
homes, with no solution in sight.
This somehow sad picture of the situation make some people cry out: what is it this century
brought to us: development or tragedy?”

Fading out from the vicious spiral of tragic capitalism is essential according to Römer’s vision. Emancipated working class minds need to occupy a wide variety of strategic influential positions in the higher divisions of society to structurally stir up institutional change for the everyday people down below. A true guarantee of a continuous liberating human reservoir, developing the spirit, mind and heart, manifesting a genuine know thyself and love up your community movement in honor of the heritage he left behind.

12 Luna Balorando Helmin Wiels

E skarsedat di plaka den man i saku di e pueblo komun ku ta biba den barionan lubida mane Helmin Wiels a bisa no a origina pasobra nan tabata pretu i floho i ke bebe baila hunga domino bou di un palu indju enbes di traha duru pa buta kipashi Ipiranga riba mesa. E genesis di e empobresementu tabata segun e lider maksimo di e partido soberano ku tin un matris for di tempunan kolonial ku a krea un apartheid kaminda. Djeinan a bin hende bisti na kol ku dashi ku ta hunga hende drechi pero en realidat ta ladron profeshonal ku ta horta plaka for di e pais aki den nan disfras di personanan ku reputashon desente. E hendenan bon bisti, palabranan deftu ku a profesa ku nan ta duna un man aki pero djayabanda nan ta sekuestra nos rikesanan pa nan propio uso. Miembronan dje movementu ‘grapsologia’ popular.

Anunsio di un era nobo a yega na kumienso di siglo 21 ora e aktivista nanse na Westpunt lanta den Steenrijk tabata hiba su predikashi sosiopolitiko na radio/tv 100.3 HitFM di tin derechi igual na akseso di tur entrada i propiedat di e pais aki ku un 64% a produsi pa un minoria chiki Fortifika ku e vishon ku politikamente bo tin ku evangelisa hende pa nan kuminsa habri nan mente pa tuma ku brasa habri e konsepto di un kambio sosial i aktiva nan mes pa konkista e puestonan politiko, komersial i krea tur otro forma di dominio di vital importansia pa drei un pais.

Kantando e serenada sosial e doñonan di kapital a kuminsa nervia i rekonose e forsa di un regimen di rebolishi den pueblo na kaminda si Wiels lo a sigi riba e ruta emansipatorio krioyo pretu.
E embargo kontra su libertat di ekspreshon politiko tabata inevitabel. Radio i korantnan ku sierto interesnan a ni aster su persona, invisibilisando e bosnan di miles ku tabata sintonisa su programanan i pasonan pa reinventa e infrastruktura di podernan elite ku konesementu i kurashi. Te mesun malchi ku ta keda usa di silensia, manera a pasa i ta pasando ku Freddy Antersijn i varios otro suidadanonan radikalmente opina.

Freddy Antersijn ku a nombra su partido Korsow Soberano hopi mas prome ku Wiels tabata parti pamflet ku e sigiente kontenido pa lusa konsenshi politiko di hende den un temporada di konfushon organisa:
“5-Mei-2013, DERECHO DIGNIDAT BALOR: Korsowenyonan, Dos krimen feros a tuma luga riba Korsow ultimo 380 anja. 1. Hasimentu di nos Patrija Korsow kolonia di Ulanda i 2. Asesinato dje politiko patriota Helmin Magno Wiels.

Tur dos krimen a viola nos Derecho Humano, nos dignidat politiko i nos balor humano…. Pa ningun di dos lo tin pordon ningun kaminda na mundu; ni riba e mundu aki, ni riba ningun otro mundu den universo. Un kastigu violento lo persigi esnan ku a komete e krimennan aki, nan kompinchinan i e gobernashon kolonial i Ulanda ku tambe ta responsabel…. Nos mes mester kita e mancha di 380 anja pasa. Prome ku e tempu ei, nunka Korsow tabata un kolonia, pero un pais riba su mes.

Nos mester bolbe bira un pais basa riba kuarter pila: 1. Libertat 2. Soberanija 3. Independensia 4. Demokrasia partisipativo i kontributivo… Awor den siglo 21, 380 anja despues, nos tei ku tur kapasidat nesesario pa goberna nos propio isla,… Nos mester kita mas lihe posibel di ta kolonia di Ulanda… Ora nos ta un pais riba nos mes, nos ta bai traha duru pa drecha tur kos ku a bai robes ultimo tempu. E ora ei Helmin Magno Wiels lo hanja su luga den nos historia.”

Despues di un ana, 5 di mei 2013 ta trese mil i un rekuerdo. Un pueblo hansha pa keda aklara riba e matansa di Helmin Wiels mes por solushona e kaso di asesinato di berdat ora nan debilita kapitalismo krioyo hulandes ku ta e rais di tur e sinberguenseria.

Ora Malcolm X a keda asesina na 1965 na Merka un reportero blanku di Inglatera a puntra hende pretu den Harlem, New York ken a mate. Un señora pretu aksento karibense-merikano a bedei: “te matris di poder blanku”, butando enfasis riba e strukturanan blanku rasista ku a domina hende pretu na merka ekonomikamente, kulturalmente, politikamente.

Pa basha abou e supremasia blanku ta un proseso largu, difisil pero no imposibel. E bandera tei pa tur hende gare i sigi kana kune. No tin niun ku por keda eksklui for di dje, e no ta konta eksklusivamente pa politika so. Periodismo tin ku disiplina su mes i bira suministrado di notisia konsiente independiente, disparse e mente kolonisa di doñonan di media. Komersio tin ku solidarisa ku e konsumido, uni ku otro krea ekonomianan demokratiko nobo ku yuda pueblo goberna nan mes bida. Religion ku mester eleva e spiritu, iglesianan ku portanan habri pa tur hende den un ferfelu, dunando guia i vosifera nan vishon tur ora. Sindikalismo tin ku kuida e derechinan dje trahado, duna nan herment organisatorio, edukashon sindikal, laga e bos di kritika zona riba tur kos ku ta influensia e trahado. Den skol forma un sindikato pa studiantenan, garantisa fondonan pa futuro, partisipa den tumamentu di desishon na skol i institutonan edukashonal, dosentenan krea sistemanan pa duna les ku ta balorisa e historia dje hende pretu karibense fortelesendo su identidat. Skol, trabao, iglesia, bario tur ta espasionan pa forma un unidat pa tofer Korsou di un sosio-ekonomia sklabisa den un komunidat di solidaridat kaminda egoismo, materialismo no tin luga pa bona, florese destrui un nashon. Mester tira un krans di trinitaria eterno ront di e garganta di kapitalismo krea pa elite krioyo i ulandes. T’esei te forma mas digno di rindi tributo na Helmin Wiels i sobra ansestronan luchado dje tera den gloria aki.

E poeta Diana Marquez a deklama e obra poetiko ‘Helmin Wiels’ ayera na sede di Pueblo Soberano ku un bos maternal di forsa magiko i e ta un testigo di un futuro serkano: “KRUELMENTE FOR di nos ranká sin sikiera un palabra di despedida
lagando atras un pueblo yorando
lagando atras un isla kibrá
Pero nos ta hurabu ruman stimá
ku bo lucha no tabata pornada
bo palabranan lo sigui penetrá
asta den e kurasonnan duru será
Nos lo lanta para ku kara na laria
i un dia, un pa un, liber nos lo ta
Ruman, hamas nos ta lubidabu.”

E anochi tabata hoben ainda ora Werner a kanalisa su ruman Helmin revitalisa ora ela basha un oratorio ku segun e ruman mayo no tabata unu di pena i lamento: “E mensahe no ta trese tristesa. Hopi kos a pasa. Tin sorpresa na kaminda.” Sanguina pa periodismo putri ku ketu bai pa plaka risibi ta bruha tera pa konfundi e kaso di asesinato. Alertando e publiko na Palu blanku ela nota sierto hende ku: “tantu bja ta bai bin Miami. Hopi hende nervioso. Nos no ta papia di bengansa pero tampoko nos ta bai keda bon ku hende.” Finalisando su diskurso di desmaskarada: “ Ora nos ta kla, independensia tei. Esei ela (Helmin) bisami prome ku ela muri.”
Ku un aplouso grandi karga ku emoshonnan di alegria nan speransa lo vense pa saboria soberania ne momentu ku Magno ta laga su man baha.

Mundu, Kòrsou i Su Libertat Di Prensa

Korant Vigilante di 3 di mei 2014 ta pone ku leternan grandi, kubriendo e mitar pagina abou: “PLAN PA DETENE DOS EKS MINISTER I UN KOMERSIANTE”. Na momentu ku e lesado saka FL1,50 pa sasia su kuriosidat e ta ripara ku te na pagina 12 e artikulo ta aparese konsistiendo di tres frase chikitu miserabel ku bo ta kaba di lesa den menos ku 20 sekonde. Un triki barata a keda di komete pa manipula atenshon di e konsumido pa gasta su sen aportando na e garantia ku periodismo di sensashonalismo ta keda na bida pa un tempu largu.

E kaso no ta unu normal sin mas pasobra pa prome e doño di e korant ta Merril ‘Lilo’ Sulvaran fundado di Curacao Media Organization(CMO) ku ta para pa hisa kalidat di periodismo en general atrabes di e organisashon i na di dos luga tres di mei ta dia internashonal di libertat di prensa un dia ankra den artikulo 19 di derechinan humano universal ku ta para ketu na libertat di kada hende pa opina i ekspresa sin keda stroba i pa buska, hana i parti informashon via media sin frontera.
E vishon ta ku libertat di media i e akseso na informashon ta yuda desaroya e meta pa empodera pueblo ku medionan di komunikashon serio ku ta alimenta pueblo ku sufisiente material informativo pa por opina i partisipa den tur proseso di su komunidat pe por ta doño di su mes destino usando e informashon i konesementu di kalidat haltu.

Ironia di bida ta ku aña pasa na mei CMO huntu ku UNESCO di Korsou a hana e oportunidat pa organisa un konferensia Karibense di tres dia den kuadro di Dia Mundial di Libertat di Prensa. Notisia360 ta raporta: ” Lilo Sulvaran tambe di CMO, a reiterá e importansha pa prensa traha
riba kalidat, esaki pa mitigá e krítikanan ku sa tin riba prensa lokal. Ta importante pa hisa nivel di
nos komunikadonan, tantu na radio, televishon komo korant. E vishon di Unesco i CMO ta pa tin un kontinuidat den konsientisashon dje komunikado i sigui ku e proseso di kalidat.”
Presidente di CMO Stanley Ignacio i trahado pa Extra i miembro ko-organisado dje konferensia na 2013 Valeska Diaz komo hefe redaktor na korant Extra huntu ku Sulvaran na Vigilante den nan korantnan di djasabra 3 di mei no a duna ni un artikulo chikirititu di sikiera dos frase na e dia speshal ku ta salbaguardia e derechinan di nan mes fishi di komunikashon.

—Prensa ku no ta papia, analisa riba nan mes dia di libertat di ekspreshon den media ta mane obispo Secco ku enbes di duna predikashi den katedral di Pietermaai ta bai bishita Campo riba un djadumingu.—

Mariano Heyden aña pasa a deklara ku e si no ta interesa pa konekta ku su koleganan Karibense i no mester bai na e konferensia regional di prensa organisa pa CMO den Renaissance hotel pasobra ta “tin nada ku nan por a sine einan” ku e ya sa kaba.
Un testimonio di ignoransia lokal di marka mayo ku a haña su reperkushon 2 di mei riba un djabierne ora e periodista ku mas di 30piku ana di eksperiensia a invita den su programa Perspektiva na Z86
reportero/periodista Yves Cooper huntu ku Reina Joe eks periodista kaminda na a elabora den un forma desorganisa riba dia di libertat di prensa i a ekspresa un prekupashon kolektivo pa e forma kon medionan di komunikashon ta den un estado di degenerashon.
Heyden i Cooper a laga nan bosnan kritiko resona den e studio radial den kurason di Otrobanda, e problema si ta ku ora bo pretende di ta un outoridat den mundu di periodismo i konstantemente tin algu di bisa riba bo koleganan i medionan di komunikashon ku nan ta representa ta yega un dia ku nan tin ku manifesta nan outoridat. E skuma tin ku komberti den chukulati. Heyden, Joe, Cooper tur tres tin akseso na tur doñonan di media i nan finansiadonan i un publiko ku ta adora e tera ku nan ta kana ariba. Prensa a kai hopi, e kalidat ta bai atras dia pa dia pa años kaba pero kada bes ora un dia manera 3 di mei of 1 di september Dia di Prensa presenta no tin niun esfuerso for di na skina pa organisa un konferensia, un debate, un foro transmiti na radio/televishon huntu ku tur miembronan i doñonan di media pa analisa, diskuti e problemanan den mundu di medionan di komunikashon i ofrese solushonnan huntu ku e representantenan di komunidat ku a profundisa den e materia di prensa.

E wikent aki tambe e notisia a yega den Amigoe (djabierne) ku TeleCuracao i TeleCuracaoFM lo separa for di nan kompania mama UTS i lo kai bou di gobiernu representa via komesarionan. E desishon a kai fin di mart pero a keda skondi ya un luna kaba pa publiko pa e propio TeleCuracao te dia di awe. E relato den e korant hulandes ta bisa ku e desishon a kai pa preveni ku influensia politiko (opositor) por (sigi) domina na e planta nashonal.
Si di berdat Korsou tin un prensa liber pero a prefera di tapa e notisia aki e ora ei e siman ku ta bin e liderasgo den prensa mester revindika su mes i mustra publiko kiko ta e origen di e kaso na TeleCuracao ku a kaba na un futuro separashon ku UTS.
E mesun koleganan ku aña pasa a partisipa for di Jamaica den e konferensia di UNESCO i CMO rondo e tema Libertat di Prensa ta tuma e dia hopi na serio i a kana un marcha dia 3 di mei den kayanan di Kingston pa laga sa ku nan tin un kompromiso ku e lucha pa ta i keda ku un grado haltu di libertat di prensa.
Reporters Without Borders a publika ku 2014 Jamaica ta okupa posishon 17 den e indise pa paisnan ku libertat di prensa. Hulanda ta na 4, Merka ta na luga 46, Haiti na 47. Ki luga Korsou tin, ken tin e liderato pa hasi un investigashon sientifiko den e espasionan di medionan di komunikashon pa hana sa na unda nos ta situa ku nos derechinan di buska, parti i risibi informashon di kalidat?

Mentesidio

Buinan mental di kolonialismo no ta dirti dilanti wowo di hende sin mas. E ta pidi un invershon kandeloso grandi di pensamentu, sensiamentu verbal, akshonnan konsentra dia pa dia kontra e sentimentu falsu di apresio pa un monarkia hulandes ku a reskata un pueblo for di un bida miserabel den mondinan di Afrika. No tin prueba, niun estudio sientifiko, niun investigashon akademiko, ni enkuesta di kaya of snek ku por konfirma ku na Korsou e dia di rei no ta un manifestashon di konkista hulandes riba mente di nos pueblo. Ni maske bo no ta selebra bida di e figura maksimo di kas real i ba bai playa, drag race, weg’i bala, bati piedra, basila den kaya wak hende bunita bai bin bisti na orano kumprando kos den un dje tantu marshenan di pruga bo ta indirektamente dunando un sosten na e idea di mantene e trosamentu di kabes di hende ku apresio inkondishonal, sin niun kriteria ni kritika pa un rei di fabula.

– Dikon numa na 2008 e konsenshi anti-kolonial a drenta den kurason di 2008 Frank Martinus Arion, Errol Cova, Jules Eisden, Pim Senior, Chin Behilia, Winston Lourens pa entrega nan dekorashon real di reina Beatrix den skochi di gobernador pa malkontentu di e proseso rekolonisado di Hulanda den e restrukturashon estatal?

– Unda e insurgensia organisa kontra kolonialismo mental ta awe un dia esensial pa bringe di parti di abogadonan Sulvaran, Eustatius, Peterson ku a grita ku mester bin un 30 di mei 1969 pa kambia e pais aki?

– Na 2009 Isora i O’Neilla Leal, Michael i Marlon Ricardo i defuntu Wilfrido Plantijn a bai baila pa famia real na Apeldoorn. Un outo manega pa Karst Tates a purba di dal den e bus kaminda reina Beatrix tabata keda. E grupo YDK aki a keda herida fisikamente i Sr. Plantijn a muri. Reina Beatrix of famia Van Oranje Nassau nunka a paga pa e danjo fisiko i mental i perdida di bida sufri na e personanan ku a sirbi komo eskudo humano pa e famia real. Ni e desensia Beatrix, Willem-Alexander, Maxima ta tin pa ofrese ticket na famia of paga gastunan pa dera Sr. Wilfrido Plantijn na Korsou.