Fugitivo Finansiero

Willemstad – Djaweps 15 di mei, alrededor di 10.24’or, Sentral di Polis a risibí notifikashon ku kuater detenido a hui for di Sentro di Detenshon I Korekshon Kòrsou.
E kuater detenidonan Chikoe Capriles, 51 aña di edat, Billie Jonckheer, 53 aña di edat, Leo Rigeaud 52 aña di edat, Hermen Behr 63 aña di edat, tabata huntu ku otro detenidonan den e tayer kaminda presunan ta ehersé diferente tipo di trabou. Diripiente e kuater detenidonan ariba menshoná a dominá un wardado di presu pa despues dominá e hefe di e tayer.
Nan a choka un di nan te na momentu ku e la pèrdè su konosementu i a mara e otro. Seguidamente e kuater detenidonan a usa un balki pa asina por a pasa diferente stap i despues bula bai pafó di e tereno di prizon. Mesora trahadónan di Sentro di Detenshon i Korekshon Kòrsou a
kuminsá ku un búskeda paden i tambe pafó den área di prizon. Polis ku koperashon di Warda Kosta
ku nan helikòpter ku den laria i boto riba laman, tambe a duna nan sosten i ayudo den e búskeda. Te na e
momentunan aki un búskeda intenso ta kontinuá pa asina mas pronto posibel por bolbe detené e
kuater detenido nan ku awe den oranan di mainta a
hui for di prizon.

E personanan aki ta sumamente peligroso arma ku un vokabulario di manipulashon finansiero. E deskripshon di nan ta:

NÒMBER : Chikoe Capriles

EDAT : 51

SENTENSIA PA: Konspirashon finansiero na Banko Maduro kontra pueblo di Korsou. Falsifikashon di Torah i Kabalah. Instigashon pa mantene institutonan finansiero den un estado di dikatadura kaminda pueblo no tin nada di bisa kiko ta pasa ku nan plaka.

AKTUAL HUIDA : 15 di mei 2014

HALTURA : 1.78 m

POSTURA. : normal

KOLÓ DI KUTIS : blanku

KOLÓ DI KABEI : shinishi

PAÑA : kaki

NÒMBER : Billie Jonckheer

EDAT : 53

SENTENSIA PA : Konspirashon ekonomiko na Kamera di Komersio kontra pueblo di Korsou, manteniendo un sistema di ekonomia domina i na benefisio di un elite blanku. Intenshonalmente neglishando di tene su tata Chicho responsabel pa fomenta un guera mediatiko den su korant Ultimo Noticia.

AKTUAL HUIDA : 15 di mei 2014

HALTURA : 1.68 m

POSTURA. : chiki

KOLÓ DI KUTIS : blanku

KOLÓ DI KABEI : blont/blanku

PAÑA : kaki

NÒMBER : Lio Rigeaud

EDAT : 52

SENTENSIA PA : Opstakulashon di demokratisa e asosashon di bankeronan di Korsou. Sabotahe di e demokratisashon popular na tur bankonan pa empodera pueblo den e proseso di tuma desishon riba nan plaka.

AKTUAL HUIDA : 15 di mei 2014

HALTURA : 1.80 m

POSTURA. : chiki

KOLÓ DI KUTIS : blanku

KOLÓ DI KABEI : pretu

PAÑA : kaki

NOMBER : Hermen Behr

EDAT : 63

SENTENSIA PA : Konspirashon kontra un pueblo ku un maneho di VBC pa komersio ekstorshona gobiernunan di turno ku un modelo ekonomiko bieu neo-liberal ku ta akumula rikesa di un pueblo i ta abuza trahadonan violando derechinan laboral ku e meta pa semper keda mendiga pa un salario minimo miserabel.

AKTUAL HUIDA : 15 di mei 2014

HALTURA : 1.65 m

POSTURA. : chiki

KOLÓ DI KUTIS : blanku

KOLÓ DI KABEI : kora/blanku

PAÑA : kaki

Polis ta supliká tur persona ku ta kere ku nan tin informashon riba e kaso aki, pa pasa e informashon pa polis. Por yama na 917 durante
24 ora òf e number anónimo 108.

Tambe por konekta via Twitter @sablikatriumph ku e hashtag #FugitivoFinansiero

Advertisements

2 thoughts on “Fugitivo Finansiero

  1. C. Avastia says:

    Fugitivo Finansiero:
    Un cordial saludo for di europa, ora kosnan asina aki pasa ta keda hopi pregunta sin kontesta. 1e kiko nos por hasi kontra di e malhuso di nos resorsa nan. 2e kon e kosnan aki ta posibel. 3e ken ta duna apobracion pa e tipo negoshi nan aki. 4e ken ta kontrola e bukinan. mi ta laga e 4 pregunta aki para pasombra si mi sigi skribi lo no tin fin. mi ta pidi dios pa tur esun nan ku bini hulanda pa sinja economia pa nan bai bek korsou pa juda nos desarojo finaciero hanja su luga i na e esun nan bieuw ku ta sinta na e posicion ey laga kai duna e joven nan un chens pa kibra e kadena di esklavo financiero ku ta den man di hendenan korupto ku ta pensa ku nos ta inkapabel pa pone un brik pa e abusonan aki. mi ta roga i tin fe den dios pero tin sierto kosnan ku a laga pa nos. asina ta laga nos kwe e lucha den nos man i pone un fin. Un bon yu di Korsou

    • Jermain Ostiana says:

      Danki pa reakshona for di tera frieu.
      Bo opservashon ta korekto, pa desaroya un demokratisashon di nos finansas un edukashon finansiero mester ta un prioridat for di skol di fundeshi te na bo boka di trabao. E mester ta konstante i media tin ku lidera pa krea un konsenshi. Ta pueblo mes tin ku organisa pa forsa e transformashon di abou bai ariba. E regimen finansiero na Korsou nunka lo hasi kaso pa fleksibilisa e plakanan di komunidat. Den awa trubel semper ta bon pa piska.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s