Siglo di Mamai

quilt muhenn

Riewnan di rabia ta basha
for di su wowonan,
ineksplikabel kon
disipulonan di diabel ta hubila
kaida di un arkangel.
Violento, frieu tabata e bos
pa un mama mester a
skucha bisando su yu a bai
dwalu den shelunan tragiko.
Yuyua a kumpra heru serka Pana,
krusa kaya drenta MCB,
skupi 3 kayente den kabes
pal’i maishi di Chicu Capriles
bentè na San Pedro, rabia, rabia.
Si bo ta pari pobresa,
bengansa
ta hasi hende

un tiki felis, si djis un tiki felis Mama ta awoki

Subiendo Brug Emma, kab’i stiwa su Buggy batì
ku fruta i berdura di barku
Madam ta saka su dia den hanchi di Otrobanda
ku fe di Cecile Fatiman e ta manda sen pa su
famia na Haiti, orguyo ta radià for di su kara
preimu skur, sabiendo k’e ta mesun poderoso ku
e dios ku ta lanta morto for di santana.

Skalo ta suku, un kurpa flaku ta chèrcha
sombra di hombresa ku ta rigi den dia i
aboli anochi p’e reina di akrobasia karnal
Mama no ke yora mas, fielmente kristian
pero su orashon no por a saka e sneif
trapa den un triángulo di odio, konfushon
i amor, e sintì maternal no ta dirti.
Ta su yu, no importa kiko nan bisa
bendishonamentu tin stret, felismente
nan ta brasa otro, lapimentu di otro
su gana di biba tin

Advertisements

2 thoughts on “Siglo di Mamai

  1. asytlje says:

    E sede nan mester tab. habri pa- maske ta un buket di trinitaria ku un tissue pa ora tene e flornan – a regala esunnan mamanan. O tene conferenshia di kwantu violensha tatin e anja aki kaba kaminda mamanan a sinti nan ofendi I despues brinda ku e biaha aki si nan lo produndisa nan akshon ??nan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s