Pierre Lauffer 22 di ougustus 1920

PL

Pierre Lauffer dekolonisando historia: ” Agt kiko, bosnan manera di diskribi historia ta solamente djis pa bisa nos ku bosnan tabata bon pa nos. Bosnan solamente ke tende nos bisa: ‘Danki, danki, ki bon misanan bosnan a traha pa nos, bunita hospitalnan, nechi skolnan, amabel zusternan ku a bin kuida nos bon.’ Semper bai tin ku bisa: ‘Danki, danki’. No, esei no mester mas. Awoki t’aki nos a yega. Nos ta krea nos destino den nos tempu.”

Papiamentu Sangrando [2]

sede di Papiamentu 88

Oreanan ku ta morde di tende e bombardamentu di palabranan hulandes machika ku Papiamentu den medionan di komunikashon. Bula nan ke bula kabes di hende, normalisando e hasi di figuranan ku un funkshon publiko. Fini fini e kolonisado ta gatia ketu bai den sesunan i kurason di hende plamando su viro:

Jasmin Pinedo propetario i moderado-komentarista di radio Direct 107.1: “Emily [eks minister presidente] lo ta glunder si e mira ku e saneamentu di debe a yuda. Ricardo Isebia [kolumnista di korant NOBO] no tin un blad voor su mond.

Arthur Con direktor di FKP [Fundashon Kas Popular]: “Nos ta wardando ketu bai, e fondonan ta pega un kaminda, tin hende den e departamentu ku ta stroba, e kos ta keda un gebed zonder einde.

Yves Cooper reportero: “E kos ei dat zet geen zoden aan de dijk mi amigu. Pero nos no tin un solushon kant en klaar.

Amerigo Thode parlamentario partido MFK: “E parlamentu tin un wassen neus…Nunka mi ta tin bodyguard, mi ta kana vrij den pueblo.”

Eduard Joseph presidente di direktiva di Pueblo Soberano: “Anto a tildami di un strafbare feit mi ta bai entrega un kort geding pa laster.”

Minister di hustisia Nelson Navarro: “Desnoods e persona den e opleiding ta biba den Banda Bou i no mester keda e stiefkind di Korsou.”

Hefe di polis Mauricio Sambo: “Nos no tin un vooringenomen standpunt.”

“Nos ta bai Pizza Hut ku henter nos gezin.” – presentado di un programa na Telecuracao

Nicole Maduro periodista-presentado na Telecuracao: “Alsnog bo por bise, si bo wak e verschil na Aruba bo ta mira kon na ta selebra nan outonomia. Si bo sa dikon, graag bisa nos.”

Miembro di partido PNP: “Un lider no ta saka vuile was pafo.”

Lider politiko MFK Gerrit Schotte: “Komo miembro di parlamentu mi ta hanami ta verdiep in e materia i den reses tur hende ta riba un lijntje. A hale terug e landsbesluit ku e minsternan a stelle op. Danki na mi persona ku a trek de bel. Mi n’sa mes pakiko uberhaupt ta tin un reunion.

Henny Reinilla presidente di direktiva di PNP: “Nos a papia diferente topiko ku e dagelijks bestuur.”

Abvo sindikalista Kenneth Bremer : “Nos a manda gelijk un karta pa minister di ekonomia. Bo tin ku bin ku prueba, bo tin ku maak e hard.”

Dwight Rudolfina komunikado sosial na MAS99: “Wes, fiskal, ministerio publiko no ta kijk door de vingers segun bo?

Aviso na Telecuracao di un kresh: “Nos tin un kuido pre-eskolar, nos ta yuda hasi bu yu zinderlijk i zelfstandig.”

Glen Sulvaran parlamentario independiente: “Komo persona den politika bo sa ku bo por wordu aangevallen.”

Minister-president Asjes: “Porta e periodista a sintie op zijn teentjes getrapt. Anteriormente e tabata proteha e mininster plenipotensario ku e mantel der liefde. Anto e asuntu di outo nos a keur esei af.

Minister di finanas Jose Jardim: “Nos tin na Ontvanger 15 mil bezwaarschriften den behandeling i eigenlijk tin kompanianan ku a disparse i nos tin ku schone op e atministrashon.

Minister di trafiko i telekomunikashon Suzy Camelia-Romer: “Don a bisa ku tur hoben politiko bo tin ku sostone, te awe mi kurpa ta kwe kippevel ora mi korda esei, anto korda bon nos partidonan tabata bots ku otro.”

Roberto Cuales kolumnista-periodista di Ultimo Noticia: “Asjes ta “deel de lakens uit” i niun hende no por parele. Tur kos lo bai den e “vergeet pot”, i “geen haan die ernaar kraait…”

Alfonso Trona direktor di departamentu di impuesto: “Ami ta eindverantwoordelijk pa e parti aki i sr Jardim ta politiek verantwoordelijk.”

Javier Hernandez direktor di hospital St. Elizabeth: ” Technisch nos ta falliet, kada huki tin un koelkast. Nos mester di un saneringsplan. E operatiekamer bo tin ku planifika i bisa nos 7 dia van te voren. Nos ta hopi krap, e wachtlijst ta largu i e pashent ta sufri.

1795, Vensiendo sin Muri – 220 Aña

Slayana 1795

1791 Haiti a baster, 14 di ougustus e Bwa Kayiman seremonia di Vodou kaminda Haitianonan a hura i inisia di lucha i vense riba e sistema di sklabitut. Bombanan sutado i vitonan a konspira kontra nan shon, invoka un matansa pa demostra nan lealtat na nan rumannan sklabisa pa logra gradonan di libertat na e isla antes yama Saint Dominque. Notisia a plama ront Karibe i ku na mesun momentu mas i mas sanger a keda sakrifika pa anunsia e fin di genesidio pretu. Esaki tabata e som total di tur e rebelionnan organisa ku a kuminsa prome i despues di 1791. Cuba, Dominica, Puerto Rico, Martinique, Guadeloupe, Jamaica, Brazil, Colombia, Venezuela, Guyana, Barbados, Antigua, Nevis, Virgin islands, St. Vincent & Grenadines, Grenada, Trinidad & Tobago, Anguila, St. Lucia, Aruba, Boneiru, St. Maarten, Statia i Saba.

Apenas un luna despues na Jamaica nan tabata kanta kantikanan dje revolushon Haitiano. 12.864 hende pretu sklabisa, 3,564 hende blanku, 3.714 hende pretu liber segun senso di 1789 na Korsou ta mustra ku ni maske e populashon di desendensia Afrikano tabata e mayoria nan no tabata sa di domina e minoria blanku den karni i spiritu. Varios rebolishi for di Afrika prome ku nan a keda buta den e barku i durante e biahe Transatlantiko pa Karibe i despues a keda registra den e historianan oral di rebeldia ku a sirkula tur e islanan rekargando e energia di e almanan pretu pa libera nan mes na kada oportunidat ku nan por a krea ku sodo, sanger i strategianan spiritual.

Ampliamente e historia den Napa 1983 di Amigoe ta keda splika di sorpresa e tempu ei na Papiamentu. 17 di ougustus un fecha karga pa sintimentunan di odio propio den un mosaiko di mentalidat kolonial.

Awe Ulanda mester a bin dilanti e komite kontra diskriminashon rasial na Vienna, Suisa kaminda e organo di Nashonnan Uni a duna di konose den palabranan fini i brutu kla ku e gobiernu Ulandes ta eherse manegonan i aktonan rasista kontra su suidadanonan den reino di desendensia Afrikano. Manan e representante di gobiernu na Den Haag por kontesta e komentario i preguntanan ku e reportero speshal a hasi. Remarkabel tabata ku islanan BES no tin representante pasobra awoki nan ta parti di Ulanda i ni maske tur e werewere kolonial ku Ulanda ta kousando na Aruba i St.Maarten nan representantenan a papia mane no tin opreshon rasial for di man di gobiernu di Den Haag i internamente riba e islanan mes.

E cheri riba e bolo pruimu tabata ku Korsou no a wori mes pa manda un representante di gobiernu i sosiedat sivil pa keha, komenta i testigua dilante e komite kon ta para ku e eksperiensia rasial den e konteksto neokolonial, kapitalista.

Rif lo respu sanger ketu bai te ora seriedat tei bira e norma pa drei e pais aki segun e huramentu bou di sterki i polbu 220 ana pasa.