Kueru Kurasoleño, Maskara Makamba

wp-mask

 

Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba

E bentaha di kolonialismo ulandes ta ku ela produsi hende ku ta bai studia lei, gradua komo hurista, abogado, agita kontra atrosidatnan kolonial pero semper ninga di defende e pueblo aki pa medio di nan konesementu huridiko estatal i hiba estado NL dilanti mesa berde.

Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba

Boutisa den sinberguenseria Amparo i su ruman multi-mionario Robbie Dos Santos no por habri band’i Coshel un supermerkado koperativa ku ta ofrese produktonan barata pa pueblo por alimenta nan mes. Kombiertiendo 5% di su ofisinanan di number den koperativa ku lo duna e ganashi bek na e bario tampoko lo mira lus di dia.

Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba

E ira di imposibilidat ta halando rosea den presidente di Banko Sentral, den su reinado di un kwart siglo e no a interesa su mes pa inberti den un programa eskolar di edukashon finansiero. Regimen di asosashon di bankonan no ta permiti pa eksisti un nashon di hende pretu ku ta kuida nan saku.

Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba

Ni maske sigi hinka rudia pa Gregory Elias e no ta bai revela kon pa drai e negoshi di offshore pa muchanan di Ser’i Papaya tambe por gara miones, niun tayer agendà pa komparti konesementu kon ta krea fortuna.

Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba

Palasio di gobernado pesta ku spokinan supmiso di tempunan aya suplando den su orea pa legumai e tentashon di bira soberbe i supversivo kontra korona i kasnan santu.

Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba
Kueru Kurasoleño, Maskara Makamba

Advertisements

Siman di Santidatnan

“Despues di e Santu Evangelio, Pader Aguirre S.J., Presidente di e Seminario kaminda e hoben pader a studia, a subi pulpito pa splika, den un diskurso ku a kana masha trankil, nifikashon di e fiesta saserdotal aki. Na prome luga pader Aguirre a mustra riba e selekshon ku ta un grasia di Dios. A skohe unu for di pueblo pa bira mediaado entre Dios i hende i entre hende i Dios. A yama unu for di pueblo pa bira un otro Kristu meimei di su pueblo. Djei e orado a splika grandesa di Saserdosio ku donnan maravioso, duna pornada. El a mustra kon un Pader mester ta salu di tera i lus di mundu. I meta di tur esaki no ta pa hana un paraiso na mundu, pero pa hiba un humanidat den lucha serka Dios, pa lag’e konkista reino di shelunan. Pa hasi e mundu aki habitabel i pa krea posibilidat pa salba almanan. E saserdote mester traha den un mundu di hustisia, amor i pas i semper mester bataya dilanti puueblo. E ta un luchado den e reino di Dios kontra e reino di Satanas.” – Amado Romer su prome Santu Sakrifisio di Misa 29 Yuni, 1946

Ta den un pos di degenerashon Korsou ta ora un direktor di un medio di komunikashon popular ku ta drenta den miles di hende su orea por sali mainta tempran ku un orguyo gigante gabando su mes anunsiando tras di su mikrofono ku su planta di televishon te uniko ku a transmiti bibu misa Ourora den kalidat HD (definishon haltu). Un bromamentu bashi di otro mundu a kuminsa ku no tin un balor ekstra pa e persona ku ke sa ki sorto di predikashi e pastor a trese. Natural e propetario di radio i televishon Direct ta purba di bende su produkto komo e mana mediatiko ku a kai feu shelu pero e esensia di un persona ku ke komersialisa palabra di dios den e siman santu mester ekspresa e humildat i honestidat modera pa resumi tur dia e mensahe katoliko ku por kaptiva i rekarga e kurason religioso di e publiko skuchado den su mishon pa ta un miho hende.

— Tin skibi den Beibel ku 60% di bo poblashon mester biba ku un salario di mizeria?—

Esaki no ta konta solamente pa Direct, pero tambe pa tur sobra emisora i planta di televishon ku ta transmiti kalke evento religioso (kristian). Nunka sa tin un reportahe, entrevista ku e lider religioso, tampoko ta aserka e publiko pa puntra kwa pasashi, palabra tabata mas profundo, memorabel pa nan. Ta e mesun media ta analisa, hasi pregunta di tur skina ora un aksidente, insidente sensashonal pasa. E fervor analitiko pa kos di mundu ta ousente pa asuntunan religioso-spiritual. Ta na e liderasgo kristian di tur denominashon ku te ainda domina pa e fe katoliko pa atende ku prensa i enfoka riba nan e importansia di relata e kontenido kristian pa nan publiko henter dia durante momentunan oportuno ora e masa ta lesa, wak i skucha.

— Lanta ariba katibu kristian, Hesus e Kristu a muri pa boso pikanan pa boso por bai club Spoonz, Campo i hiba sobrai potmoni serka Chinu. —

Poder pastoral a korumpi e kristianismo di liberashon, den Latino-Amerika tin un historial di saserdotenan ku mester a keda mata pasobra nan a bringa kontra opreshon institushonalisa. Na Korsou e siglo aki no esaki te ainda ni un menasa a kai kontra e lidernan religioso di parti di e sektor empresial. Obispu Secco a bin roga plaka serka su sigidonan katoliko pa kaba rekonstrui Santa Famia na Otrobanda pero esei no mester tabata e kaso mes si ela sigi e skrituranan santu ku ta ordene pa lucha kontra e strukturanan di inhustisia for di e prome dia ku ela buta pia na Korsou.

— E matrimonio di Forti, VBC i misa kristian ta un pesebre kaminda pobresa a nanse. —

Lidernan kristian ta mira tur kos bai robes pa drechi pero nan silensio lo bira un pasashi pa santana si nan kontinua e tapamentu di kara.
Sinansa di Hesus ta pusha bosnan pa utiliza e ora di predikashi na un radio pa influensia e gerensia i e retnan di poder komersial. Partiendo paketenan di kuminda ta djis un pleister pa un sistema ku mester empobresa un pueblo pe sobrebibi.

Preguntanan Bou Dje Pal’i Pasku

1. Bob Pinedo por keda honra na momentu e hospital nobo ta kla i nombre na dje pero pa integridat mediko lo ta mas perfekto si ora Bob bedei i ekspone e kompanianan den e ekonomia di kome i bebe ku (segun fondo prinses Wilhemina) ta kousa 8 pashentnan di kanser pa luna o no?

2. Lio Capriles mes a kontribui na e eksploshon di e industria di kuminda i bebida komo bankero, destrukshon di agrikultura. Pakiko tantu alabamentu pa un baron finansiero ku a yuda di hinka nos dieta nashonal den kuido intensivo motiva pa kriminologia kapitalista?

3. Ripara kon e notisia di WHO(World Health Organization) ku a deklara ku karni kora i karni prosesa ta kanseroso pero prensa no a interoga kompanianan di import, industria di kuminda?

4. Pakiko no ta tin e inteligensia emansipatorio sinematografiko pa hinka e asuntu di reparashonnan den e pelikula Doubleplay honrando Frank Martinus Arion su vishon pa kobra NL pa sklabisa kolonisa Korsou i sinkronisando CARICOM su mishon di 10 punto pa hustisia reparativo?

5. Filantropo Jacob gelt Dekker nunka mas a bai buska studiantenan di Harvard mane ela hasi na 2009 pa manipula referendum? E no ke pa YDK papia riba sklabitut pero e ta propaganda su museo ketu bai ront mundu komo un di esnan mas grandi den region riba e historial di sklabisa hende Afrikano?

6. Dick Drayer no por a menshona den su NOS artikulo ku NL ta obliga pa finansieramente yuda Boneiru segun prosesonan di dekolonisashon di Nashonnan Uni, strano no kon periodismo blancha ta opera pa mantene un publiko blanku den nan bobedat rasial ku ta alimenta partidonan politiko na Den Haag pa mantene e mesun posishon kolonial frusa.

7. Tin un ordu den media NL na Korsou pa nan no hasi periodismo inbestigativo riba e matris di e 100 makamba ku poder finansiero riba e isla aki?

8. Propetario di Vigilante Lilo Sulvaran por a uza e siman di referendum pa Boneiru pa kuminsa lansa un proyekto pa Korsou evalua via su korant inbestigativo si nan ta di akuerdo ku e leinan di konsenso ku e semper ta kritika. Ta abnormal ku e no ta praktika loke e ta predika den su korant, 2 pagina dedika na notisia di Ulanda, 2 pagina pa Aruba, 0 artikulo, pagina djaluna pa Boneiru, un hende di: “sin karakter e ora ei?”

9. Pa medio di parasita riba dolo pretu, hendenan ku a keda importa kontra nan boluntat for di Afrika un kolonia di hudieu por a krese paso nan sobrebibensia tabata pa vampirisa riba hende pretu, sigi dehumanisa nan te ora nan poder finansiero por a keda konsolida den un banko Maduro & Curiel ku awoki ta selebra 99 ana di eksistensia. Hipokresia nunka mester di un forlestu paso ku e hendenan aki e lo no muri nunka, den silensio ta rekonfirma ku karanan skur no tin mag di ta hefe ehekutivo di un banko ku ta drai riba plaka pretu. Bo banko di amigu berdat?

Deklarashonnan Domferstan (1)

“Ta hende ku mente rasista ta bin ku e kosnan ei. Nan ta hinka odio den pueblo. Zwarte Piet tur ten a sali feu chimenea pesei e ta pretu. E mesun hendenan, ta nan ta straight nan kabei. Bo no mester tin kompleho.” – Jasmin Pinedo, direktor di Direct 107.1 FM a lanta ku un frustrashon ku e no por a skonde mas 9 dia despues di 5 di desember. Manera korektamente Jason Fullinck ko-organisado dje protesta kontra e spoki rasista a splika ku ni maske Nashonnan Uni, sientifikonan sosial i hopi otro mas a inbestiga i konstata ku Zwarte Piet ta tirania rasial hende ku ta propetario di un emisora ta sigui sapatia maledukando nan publiko skuchado.

“Ami no ta bai kana den un marcha kontra violensia kontra hendemuhe. Mi no ta di akuerdo ku esei. Mi lo bai un marcha ora ta protesta kontra violensia di tur hende.” – Juny Joseph moderado di programa di opinion na MAS99 strukturalmente no ta kompronde kiko ta nifika un proseso pa hendemuhe emansipa su mes. Na Merka hende blanku konservativo ta puntra “pakiko Black Lives Matter? Ta All Lives Matter tog? Sr. Joseph ta hasi mesun kos, silensiando e bos dje hendemuhe, su agensia, su poder pa yega na derechinan igual, pa por biba kome ser humano i no un opheto karnal pa sirbi hendehomber.

“Mi tin sentimentunan sosial pero mi no ta un sosialista…” – Marilyn Moses parlamentario independiente a rementa un gobiernu pasobra ela konstanta ku su eks partido PAIS no ta tin un kurason sosial pe pueblo i reporteronan di Direct a puntrale ki sorto karakter politiko e ta tin. Un gagamentu a kuminsa, skohendo su palabra ku koutela ekstremo pa nan no yame un Chavista den futuro lokual por herida su karera, ela bira, trose lenga purbando di tapa su solo sosial ku un dede politiko.

Hombernan ta baiendo Campo Alegre pasobra e muhenan YDK segun bosero, direktor Marlon Regales no ta dje avansa den desaroyo seksual ku e muhenan Latino. Institushonalisando un preferensia pa muhenan Latino, menospresiando muhenan YDK ta un akto di genesidio pero podise esei Sr. Regales no a sina ainda den su lesnan komo agente di lus na Kas di Kultura.

“For di dia a kambia e nomber den HWB e aksidente a oumenta, of tin ku purifika? – Kita e nomber, laga pastor obipu bendishona e kaya ei.” Mariano Heyden periodista Z86 tambe tin difikultat ekstremo pa okulta su odio pa Wiels, un erupshon diaboliko a terorisa su oudiensa na momentu ku ela uza disaparishon lamenta di Aisha Quirindongo komo arma mediatiko pa asesina lider di Pueblo Soberano di nobo.

“Hende ku ta bai jazz festival ta hende drechi, hende nechi pero e hende ku ta bai wak futbol den stadion ta hende porko papiando palabra malu. Ta porkeria nan ta..” Etienne Rosario i Yves Cooper deshogando nan mes despues di Curacao North Sea Jazz festival den e programa di opinion Tribuna Popular na Hoyer kaminda e hendenan ku nan ta yama porko ta e hendenan nan tin ku gradesi ku nan bida si por keda biba den un forma ‘drechi, desente.’ Ta e falta di konesementu sosio-politiko, historiko ku ta laga hende ku komplehonan di superioridat kere ku e klase trahado pretu nunka tabata un konstrukshon di e podernan elite i kolonial.

“Ora nos hende tin ku duna servisio , ya kaba esei ta sklabitut. Mi ke bai asina leu ku ya ora hende lanta feu kama ku tin ku bai traha, ya esei ta un sklabitut pa nan.” Joel da Silva Gois gerente di Goisco despues di un kontrol rigoroso i no-faborabel mediatisa pa depertamentu di labor den un ‘entrevista kani mi pa mi kani bo’ sostene pa Yves Cooper na CBA television. Un otro ehempel kon kapitalismo krioyo a krea situashonnan sosial i kon eksplotashon laboral, pobresa pretu, Apartheid edukashonal no tin prioridat pasobra esei lo afekta negativamente e kresementu ekonomiko di 0.277 %.

Periodismo Dekolonial, Deboshon Na Esnan Empobresa

“Na Korsou no tin asuntu di pretu ku blanku.” – Angelo Virginie komunikado sosial na radio Hoyer reakshonando riba e protesta kontra Zwarte Piet

“No hinka Tula aden” – Orlando Cuales den Tertulia na Z86 reakshonando riba e protesta kontra Zwarte Piet

“Kwa medida ku bo mester a tuma bo ta mas orguyoso di dje?” – Anneke Polak periodista ulandes na Paradise FM den un entrevista ku minister di finansas Jose Jardim

Semper bai e speransa ta keda karga ku entidatnan i personalidatnan den media lo hiba e fishi di produsi notisia na un nivel haltu ku lo akompana un pueblo na kaminda ku inkonsientemente ta enbolbi den batayanan diario pa deshasi di e pispis di sklabitut i kolonisashon. E kouchi kolonial di awendia ta bin den diferente forma, un di nan ta e manera kon komunikadonan den media ta suministra notisia adapta na e realidatnan di e interesnan finansiero ku ta patronisa nan dunado di trabao. E Tambu ku keda toka pa tur hende skucha i baila riba dje ta esun ku kapital ta aproba su letranan i koro. Den un momentu eksepshonal por desvia i ekspresa sierto berdatnan ku lo spierta e publiko pero esei por keda kalifika komo aktonan suisidio laboral.

Ayera den e programa di notisia na Paradise FM e titular di finansas a keda entrevista. E periodista hoben feminino en kuestion ku a bin for di Ulanda establese su mes na Korsou opviamente no a lesa e raport di ECLAC un entidat di Nashonan Uni riba nivel di ekonomia-finansas ku a bedei ku e islanan den teritorio ulandes mester fleksibilisa e akseso na e merkado finansiero pa mehora e nivel di bida pa esnan ku entrada abou i e negoshinan chiki i mediano. Falta di e konesementu spesifiko aki ta lanta ora no tin sufisiente interes pa bringa pa balora bidanan pretu empobresa. Mester ta di naturalesa ku un periodista ta puntra un mininster di finansas ki dia ta bai implementa e hermentnan gobernamental pa adapta e manego bankario pa hende ku entrada abou? Medidanan ku a viktimisa gran parti di e populashon ta tin un impakto pero keda sin interoga e punto aki lo kai den e kategoria di komplase e manegonan neoliberal ku a mortifika bida sosial na Korsou. Ehempelnan di un muestra di empatia pa e klase trahado pretu lo tabata si a konfronta e minister ribaa e fabula ekonomiko-finansiero ku mester fleksibilisa leinan laboral pa klima di invershon drecha. I kon por hinka hopi mas plaka den ensenansa pa garantisa un futuro fortifika pa alumno nan ku awoki ta kai den e abismo di drop out, krimen of e bida di salario minimo paso nan no tin sufisiente pampel eskolar pa subi den sosiedat. E pashon pa informa solamente e interesnan di e komunidat ulandes i YDK klase medio ta opreshon mediatiko, e ta un kouchi kolonial ku ta mantene e strukturanan di poder den mes un posishon dominante i ta laga esnan desempodera pa nan kuenta. E alternativa ta pa demokratisa notisia, tumando responsbilidat rasial, rekonosiendo privilegio blanku periodistiko i kria un kultura di un konsenshi pa protega e klase trahado ku ta kargando e sosiedat ku nan sodo i sanidat.

Periodismo emansipatorio ta nifika ku un komunikado sosial mester ta na altura di e historia di sklabitut, kolonialismo i kapitalismo karibense i e maneranan ku esei ta manifesta na Korsou. Ta un imposibilidat ignorante ku na un emisora di mas ku tei mas ku un mitar siglo den kasnan di hende ta sali un ekspreshon falsu ku na Korsou e problematika di rasismo no ta eksisti. E mesun mentira mediatiko ta keda ripiti na un otro frekuensia radial ku ta manipula mente di e skuchado ku Tula nunka tin un konekshon ku un protesta kontra e figura rasista Zwarte Piet.

Periodistanan no tin e komprenshon, ni ke buska konesementu kon rasa, klase, genero i kapital a krusa den otro i laga e sosiedat aki drai. Disendente nan no ke ta paso esei lo trosa nan zona di komfort den kapitalismo krioyo. UNESCO ku mester tabata instrumental den honra e dekada pa hendenan afrodesendiente ku ta kana di 2015-2024 no ta sinti e nesesidat pa asuma su responsabilidat pa eleva e kalidat di periodismo pa lokual e ta risibi fondo di Nashonnan Uni.

Zonidonan ku na 2016 un otro koro lo kanta no ta na horizonte ainda. Podernan den prensa lo no stop laba man tanten pueblo no sali pa salba su mes.