Boutismo

diostamor 2020 kuaresma resurekshon rebelde

Santifika ta un pueblo rebelde ku ta silensia bokanan dje profetanan falsu hambra pa diesmo i ofrenda. Nan liña direkt ku dios semper tabata un ilushon. Den un soño letargiko ora madame corona a yega pa suta. Awo ta nan ku sa miho ku tur hende kon e futuro lo bai bira.

Disipulonan di diabel bisti komo lamchi. Bo paketenan di kuminda mester tabata kuentanan di banko pe pobernan por biba felis. Nan iglesianan mester ta luganan p’esnan sin kas. Ketu bai den henter e katasrofe aki bosnan ta puntrando ekspertonan ekonomiko finansiero i politikonan kon pa re-imagina mundu.

No tabata bosnan ku tabatin e bol di kristal kristian den bosnan poder? Ta ki a pasa ku tur bosnan palabranan di profesia. Porfin a rekonose ku bosnan rol di aktor kristian a kaba? E Nazireño a ordena un mandato pa saka nos feu kautiverio di kolonialismo i kapitalismo krioyo. Sigui disobedese pa e katesashi di kastigu koño lo baha abou feu shelu.

Un beki bosnan tin ku paga OB riba e ganashi di gara almanan inosente.

Bati bosnan sanka ku repchi di Eva. Redenshon di un rebelion tesei e sufridonan ta glorifika. Boutismo den lagrimanan di Santa Evana. 5 pan kipashi i 2 dradu pa 5000 den makutunan i kalbasnan yena ku aw’i koko te den siglo di tur siglonan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s