Eskuadron di Engaño (1)

Un alabansa ekstraordinario por a keda skucha ora lidernan politiko deshumaniza hende ku no tin e preferensia seksual manera mayoria. Pal’i homber pal’i muhe nan a keda nombra pasombra nan a tuma un posishon duru kontra matrimonio di mesun sekso, transgenero. E hipokresia i lamento a yega ora kada bes makambanan bin abusa di Korsou, e firmesa, e pal’i homber i muhe ta keda asota mal kome pa komehein kolonial i nan ta dobla nan lenga i aktua manera un hende esklabisa. Esei a pasa awoki atrobe ku COHO i paketenan di pais. Esaki nan ta reforma i proyektonan ku na finan lo laga pueblo di Korsou bira mas pober ku e ta kaba i su kultura pretu lo disparse.

Temor pa ulanda, temor pa atende ku e elite riba e baranka aki no ta solamente algu ku politikonan tin, den prensae ta mesun kos. Nan ta manipula misinforma maleduka hinka temor den kurpa dje pueblo. Un bataya kontra ulanda por nifika warda riba e sen largu, esei kiermen ku bo tin ku restruktrura e plaka redistribui e fortuna habraka e struktura di podernan elite. Hasta Rene Rosalia ku ta lidera e movementu politiku Kousa Prome ta sigui papia kuenti paga bek. Pero meskos ku e ta bisa ku tur su rason ku COHO ta ilegal a base di statut, resolushonnan di nashonnan uni 73, 103 , e supuesto debe tambe ta ilegal. E debe ta un momo karnavalesko ku ulanda a yuda krea huntu ku e forsanan elitario aki na Korsou. E momo di debe mester kime ku kandela mas lihe posibel, debe odioso debe blanku kolonial ku tambe merese un reto den korte i pafo den klima di media.

E pampel ku prensa mester tin pa guia un pueblo ta di vital importansia. Ayera den e debate di direct Lilo Sulvaran a bisa Suzy Camelia-Romer ku COHO no por keda (re)negosha. Suzy a konteste ku esei si ta posibel. Lilo Sulvaran ku sa tur e reglanan i leinan di dekolonisashon a tribi di saka un mentira dilanta kamera pa pueblo kompletu mira i skucha. Komo un dono di korant Vigilante e korant di pueblo, hudisial i inbestigativo e ta prefera di hasi un pueblo lesado ignorante. Durante henter e kampana aki e no a eduka su lesadonan riba e obligashonnan di ulanda i tur e violashonnan ku e ta hasi ku COHO. Lo no ta nada strano ku e si ke keda bon ku su konekshonan makamba pa traha plaka. Ala fin ala fan si bo bin na televishon i bisa ku COHO tei pa keda i pueblo di Korsou tin ku guli manda bou bo ta bisando komo un ‘periodista’ ku bo ta pro Kamera di Komersio, VBC, makambanan chupado di sanger komersiante aki na Korsou i pro kolonialismo ulandes.

Jachmin Pinedo sikiera a laga sa ku si COHO bin Korsou lo keda goberna pa makambanan. Su fayo ta ku den su notisianan e no ta buska un eksperto huridiko pa splika pueblo ku COHO ta ilegal. Semper ta laga pueblo den un duda. Tarea di prensa mester ta pa inbestiga, Direct tambe ta mesun kulpabel ku Vigilante ku nan ta laga parese ku COHO ta legal. E motibu pakiko nan no ke desmaskara e politikonan di Korsou i ulanda ta podise pasombra nan no ta kere den e politikonan di Korsou ku e ora ei lo hana poder. Tambe posibelmente nan tin mas konfiansa den makambanan o nan no ta mira ku nan por traha plaka ku e politikonan ku ta kontra COHO.

Na final di dia e mundu di media tin ku boltu kompletu na fabor dje pueblo. Hende ku ta sufri i ku ta kapta e weganan sushi ku ta keda hunga riba nan kabes lo eksplota un dia. Trempan o lat e kuenta lo keda presenta pe periodistanan, dononan di media.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s