1 aña Jasmin Salbahe TV, Pabien Direct

charmone natural direct

Bon:
– Germone de Lima ku su kabei natural ta un imagen ku ta yuda oumenta e muhe pretu YDK di stima su mes tur dia di nobo ora e ta riba pantaya.Hobennan talentoso a hana un oportunidat di nan bida pa kuminsa mesora den grandi produsi notisia. Ratu ratu tin notisia mas agresivo mas amplio mas profundidat riba topikonan di momentu.

Malu:
– hopi sensashon, notisia di momentu (breaking news) pa loko, muchu hambra pa sanger   i destrukshon, bomboshi. Falta di notisia importante di islanan Aruba, Boneiru i islanan   ariba. No tin notisia di region Karibe i Latino Amerika i Merka.

– Programashon debil ku ta depende riba eksito di Kabei Boto, no tin nada pa mucha, hende grandi. No tin debate, foro, diskushon riba topikonan ku ta na ordu di dia. Siegu pa plaka pesei no ta mira ku Korsou mester un planta di televishon ku ta yuda eleva e YDK for di su situashon sosial ferfelu ku e ta aden.

– Novela venezolano ta un abominashon pa mente i wowo di YDK pretu. Kompanianan ku ta sponsor programa na televishon tambe mesora ta risibi e poder di manipula berdat den notisia na tv i radio. (Vanddis/MFK)

Pabien Jasmin Salbahe pero mane e disku ta bisa Tula te ainda no ta wak paso tin hopi koi drecha.

Advertisements

Jandi Paula – Shon i Katibu

Alejandro Jandi Paula

Aki nan solamente pa lei ta tin abolishon di sklabitut. Niun kaminda den historia di e pais aki bo por a lokalisa un kiebro den e relashon original di shon i katibu. t’asina ta ku te dia di awe e ydk pretu a keda un ser dependiente. — Alejandro ‘Jandi’ Paula

100 Aña MCB

mcb100_radio__1450793089

Bo banku amigu no por selebra ku nan a duna bekanan na YDK pretu pa bai studia periodismo finansiero inbestigativo. Den un siglo di historia bankario MCB nunka a mira e balor pa krea pilarnan di prensa ku por kontrola, kuestiona i akshona riba e weganan di bankonan na Korsou. Kens nan ta anto, muchu okupa ku partimentu di karchi n’e muchanan pa LITO film festival ..[?]

Referendum Reparashonnan pa Genosidio, Sklabitut i Kolonialismo

Reparashonnan-2016

Referendum riba e tema transedental di rekobra e dignidat di YDK pretu na Korsou pa medio di reparashonnan na Korsou pa e genesidio di komunidat Kaketieu i sklabitut i kolonialismo ku hende di desendensia Afrikano a pasa aden for di 1634 te ku awe.

E pregunta den e referendum ta un aklarashon riba e manera ku e YDK pretu mester risibi su pago finansiero pa e krimen inhumano ku Ulanda komo estado a komete kontra di dje:

  1. Pago kesh pa 777 generashon largu
  2. Un fondo finansiero ku ta inberti e plaka den e bida di e YDK pretu riba tur nivel pa 777 generashon largu sistematikamente

 

 

Elia Isenia

Elia-2016

Elia Isenia riba e periodo despues di abolishon di sklabisa hende di desendensia Afrikano na Korsou: “Nan a bati bel pa libertat pero tabata un libertat wisiwasa. Un libertat ku no tabata un libertat di berdat. Paso tabatatin tur kos ku tabata sosode den temporada di sklabitut den 17 piku’nei, tur kos a keda sosode despues di 1863.”

Tur Mucha Ta Sabi!

st.vincentius-college-Curacao

Resultadonan di pruebanan di EFO inspira pa Apartheid edukashonal: 61% ta bai Vsbo i 21 % ta risibi e privilegio di drenta den e koriente di Havo-Vwo. Joceline Clemencia a bisa “Tur Mucha Ta Sabi!”. Kada yu di hende tin un nivel haltu di inteligensia, ta boso skolnan ta den e profeshon di buska un hodementu ku futuro di yunan pretu lagando sierto mucha pasa kai den e trektu di terorismo di ensenansa. Bosnan a krea un sistema ku nunka den bo bida mas ku 25% por pasa bai pa ensenansa pre-universitario. Bosnan ta laga hende kome pan ku diabel a mansa.