Miles Jazz Cafe & malevolent dutch economic racism in Curaçao

 

Miles dutch racism cafe

 

“You have to deeply analyze the history and colonial reality. The one of dutch enslavement and domination of a Black race in order to liberate your people.” _ Helmin Wiels

 

The gospel of Wiels reminds Curaçao every time that the creole white and dutch white ruling elite systematically degrades Black political, economic, financial, social and cultural leadership. They do it slick in a camouflaged manner that destabilizes a structural power build up of Black futures on the island or straight up in your face under the guise of ‘dutch bluntness’. This time around it wasn’t from an elite corner but more so out of the serpentine depths of the dutch white hooligan economic class.

This week the co-owner of the Miles Jazz cafe Hans Andriessen enraged and financially frustrated by Covid regulations hurting his business in the dutch white gentrification district Pietermaai called Curaçao a monkey island.  A disgraceful act for a venue embraced by Black musicians on the island and named after Miles Davis a Jazz legend, who he himself endured heaps of violent US racism.

Its a sad but sobering racial reality check to see how dutch white entrepreneurs have the boldness and feel that comfortable to spew raw racist vernacular on facebook to express their natural hidden racial hatred and ill perceived white might against a people that put food in their mouths and money in their pockets that they could never make back in the netherlands.

Online media research in Curaçao reveals that discussions of Black souls by the dutch public is a pestering epidemic. A daily doses of dutch racism can be found at news site knipsel krant curacao, the prime example of digital Black character assassination. A space where the lives of Caribbean Blackness is dehumanized with full approval of the dutch community. The normalization of calling Curaçaoans of African descent on their island “apes and jungle monkeys” has been going on for years on the internet if not for decades, centuries when the dutch are within their own private circles.

However the until now digitized backlash this has caused doesn’t have its origins in this week’s specific hate speech. The root problem is that this racial denigration is an expression of a dutch white hyper plunder ideology. It’s anchored in the mind of the average dutch on the island and in the Netherlands. Black people are still enslavable to them, still seen as their property and Curaçao is their treasure island to become rich and wealthy on the backs of the people. And thankfully there’s a growing Black minority who understands the importance for a power struggle to take back the economic and financial ownership out of the hands of white thievery to design their own destiny.

The outrage forced the other co-owner(s) of Miles Jazz cafe after several days of stalling and scheming to issue a statement that they suspended their partner. The fiery pressure of Black breath made them close their facebook account and instagram. The silence and white privileged defense of the dutch community and the Chamber of Commerce and VBC (Curaçao business association) is telling and not surprising because by nature they have to stand by their racist hooligan to prevent a domino effect and maintain an injust white wealth dominance in Curaçao. Calls for boycotting  or shutting down the cafe have been send out. The ancestral normal would most obviously be to enforce a Black owned entrepreneurial takeover and bring back life in Pietermaai the way it was before it got gentrified by dutch vulture project developers. Only 8 days are left to commemorate the May 30th 1969 racial labor revolt and this dutch Corona induced racism has all the atmospheric opportunities to spark a creative liberating flame to burn down this colonial calamity that has been a genocidal catastrophe for ages. Backing up our words and sentiments is essential and transforming them into a real life moves is the ancestral normal of taking steps on the journey for Black freedom.

Dia di Obrero 2020

laga e niger koba no siñele nada sembra desunion den su kurason

Un pastor makamba den Santa Famia predikando ku hende mester ta hustu i ku Korsou tin un futuro vago i insigur pero pueblo no mester nervia i keda kalmu paso dios tei. Su gobiernu opresor na ulanda,  su klase di empresario ulandes ku ta roba poder ekonomiko i finansiero na Korsou no ta hana un palabra di skualmentu. Di berdat e tabata un predikashi ku KdK, VBC, asosashon di bankonan, supermerkadonan i otro negoshinan ku a chupa sanger dje pueblo lo mester ta orguyoso di dje.

Siguiendo ordu di satanas pa sensura e evangelio di hustisia selestial ta un berguensa pa un saserdote (makamba). Korsou a keda di skop bek na siglo 18. Esaki te resultado di un liderasgo katoliko  frakasa di un italiano blanku ya pa 20 aña ku sistematikamente ta boikotia e realidat di un liberashon pretu karibense. Obispu Secco sirbido dje diabelnan di plaka na Korsou ta laga sierto fielnan kritiko hasta pensa ki sorti dios den shelu ta aproba un koño mama pa hala rosea pa dos dekada. Religiosonan rebelde ta defende e trahado i tur ku mester di trabao pa por biba. Absensia di esaki ta un sunchi riba frente di e profetanan di plaka.

No ta tin un kambio ku pueblo sufrido por a sinti e aña aki kompara ku e delaster 5 diskursonan dje liderasgo sindikal riba prome di mei na Otrobanda. Nada di urgensia, niun tono menasante pa defende e obrero kontra e krimen organisa pe elitenan ku ta konspira pa hasi e islanan mas pober ainda di un manera pa kompeti pe regio. Nan tin hopi gana di buska mas hende djafo pa dobel e kantidat di forsa laboral barata i komo ultimo deseo makabre ku nan tin ta pa dolarisa Korsou ku lo por bira un dje delaster klabunan den e kai morto dje baranka aki.

Palabranan bashi den un misa bashi, spiritunan sindikal bashi, ku no a ilumina pueblo riba nada, nada riba ulanda i eksigi pa kansela tur debe, niun vishon kon Korsou mester bira despues di Covid-19. E otro nivel di  luchadonan trahado ‘radikal’ di parti di Solidaridat Sindikal no tabata muchu diferente ku bo ta ripara di berdat tin un krisis. Nan por tin un analisis ku te na un sierto nivel ta parse ku nan ke i ta bringando pa instala hustisia sosial pero e akshonan den e luna aki ku a pasa e hamber pa e asina angela hustisia sosial no tabata den tur hende su kara. E ta keda vago i no ta sintiendo nan presensia den kaya, den prensa. Un gritu pa para e wega di uitzendburo i kompanianan ku ta abuza di trahado tabata hasi falta. E konfrontashon ku e klase elitario ta lanta e sinti di hustisa i esei nan a skohe pa no hasie pues nan a skohe pa laga pueblo mansu.

Wim van Lamoen eks-presidente di sindikato Straf pari aña pasa a rekorda tur hende ku trahadonan di gobiernu tin e derechi sagrado di eksigi di APC (fondo di penshun general di Korsou) na ken i kon e 4 miart ku nan ta sinta riba dje por keda inberti aki na Korsou den un manera ku e ta rende i krea un ekonomia i bienestar finansiero pa e trahadonan di gobiernu i pueblo en general. Esaki mester bira un realidat den 2020-21. Kosnan asinaki ku variashon riba manego bankario i ekonomianan ku no ta den man dje trahado mester krea un manual huntu ku pueblo pa dirti e kadenanan di kapitalismo krioyo. Esei te mandato dje sindikatonan anto sin sakrifisio esaki nunka por keda logra.

Parse ku sindikato, mandatarionan, parlamentu kompletu, religiosonan i prensa huntu ku intelektualnan, movementunan sosial i komunidat di arte ainda no por rementa e konsenshi kolonial i habraka e temor pa e hirarkia di poder di plaka lokalmente i regimen kolonial na den haag. Corona ta laga tur hende kana sunu keriendo ku nan tin paña bisti. Mientrastantu manera Chin Behilia a kanta “laga e niger koba, no siñele nada, sembra desunion den su kurason” bosnan pagatinu pa e buraku ku pueblo ta kobanda no ta destina pa bosnan tur. 

rei kadaver, pagamentu bek tin awo di un debe historiko

rei kadaver awoki si bo tei paga korsou aruba boneiru saba statia st martin surnam

Te dia djawe na aña 2020 e sakiamentu kolonial no a para niun ratu so. Ulanda tin e debe historiko di paga Korsou, St. Martin, Saba. Statia, Boneiru i Aruba for di siglo 15 ora e era di sklabitut i genosidio kolonial a kuminsa.

Un robo di biones anualmente di nos fortuna i bienestar ehekuta pa Ulanda e pais supuestamente ehemplar di lei i ordu internashonal i wardado mayo di derechinan humano ront mundu. E outo-proklamadonan di iluminashon humano sinta na Den Haag a i ketu bai ta ninga humanidat Karibense pretu kousando malora i matansa sosial riba e islanan aki. Awo ta ora pa skupi moneda i biyete. Pagamentu bek tin.

Jules Eisden na Vanguardia

Jules Eisden 2019

Jules Eisden presidente di FUVAREKO (fundashon na vanguardia di rekursonan di Korsou) ta duna un historia chikitu kon e tribunan elitario di partido demokrat ku despues a bira PAR a yega na nan fortunanan ku yudansa di nan ansestronan blanku ku tabata konekta ku e kompania WIC ku a sklabisa hende pretu na Korsou i otro islanan. Un dje ehempelnan ta e tereno grandi na Oostpunt i kon esaki a yega den man di famia Maal pa medio di konkelmentu kolonial i ladronisia legalisa despues di abolishon di sklabitut.

Tribi 1795

1795 tribi 2019.jpg

Ambannima, wak kon tur hende ta murmura pero ketu bai e kadenanan ta gritando.

Kadavernan kolonial ulandes ta hole stinki. Kadavernan ku ta putri spiritu di un pueblo. Zumbinan ku ta keda adora mane santu. Kadavernan santifika ku ta plama morto i miseria.

E hendenanki no ke bringa , tin un miedu paden ta bati nos, strobando pa bringa pa libertat.

Desgustu ta hopi, e kadavernan blancha a hasi un kos ku nos sesunan, hesta un fiserei.

Nos tin ku lanta, si nos no lanta nos sanka ta keda den e fiserei.

Ki mishi nos konmemora sin soda? Sin hincha kakubein o sanger keda deramá

Ta nos mes tin ku libra nos mes niun pero niun hende lo hasie pa nos.

Ambannima pordon, Diana pordon, ya nos tin algun opresor kolonisado mas pa strangula.

Nos tin ku hala nan un kantu, tin ku bebe nan sanger si no nan lo sigui bebe esun di nos.

Sto’i Tembla p’e Regimen di Makambanan

stoi tembla pa makambanan 2019

Sto’i tembla pa e makambanan ku pa siglonan a krea un maneho kruel rasista pa sklabisa Korsou i tur otro islanan pa eternidat. Kima e temor mental ku a keda hinka den nos alma nashonal i kuminsa enfrenta e regimen di politiek Den Haag i Cft i tur otro malechor ku ta stroba nos proseso di desaroyo i enforsa un pago finansiero ku ulanda debe nos pa e ruinanan kolonial ku nan a krea segun lei i tur otro tratado internashonal ku nan mes a firma i ratifika. Man na obra i kita e maldishon kolonisa for di mapa, disparse e barbarismo blanku pa kaba.

Konbenio Ruttenaath i Luchanan Kontrali -Dwalu Kontra Kolonialismo Ulandes

BonBiniBusinessCuraçao

“Kòrsou inspirami pa mi bolbe kas, stop di bende nos awa i nos tera pa depchi awo, sera boka di tur ku ta bisa ku nos lo no por. Ai Kòrsou habri man, mi ke ta bo yu. Kurason ta bo nifikashon.” ~Fridi Martina – ‘Anhelo’

Sangrando di paden ku wowoman tur di bludu sufisiente hende na tinu a mira na februari 2018 sekretario di estado Knops i parlamento ulandes uza un lei dehumanizante pa invadi un Statia anti-kolonial rebelde luchando pa un outonomia engrandese i rekolonisa su gobernashon i pueblo. E kolonialismo venenoso for di Den Haag no a perde pa gana i a sigui skupi su venenu riba un St. Martin destrui na filingrana despues di e orkan Irma. Djei e la baha bai Boneiru konkistando un gobiernu i su populashon ku palabranan manipulativo i e notorio saku di plaka.

Mientras e aktonan sin skrement di rasismo kolonial ulandes tabata avansa den reino Karibense e degradashon di kolonialismo finansiero tampoko no a wanta di parti sla via e kolegio Cft ku ta dikta kwantu gobiernu por gasta i unda mester benta machete pa asina sigui komberti Korsou den un santana sosial.

Na tres okashon esnan vigilando e pasonan abusivo dje makambanan a alerta ku algu similar por pasa na Korsou tambe. No a dura hopi ora e speransa inosente di gabinete Rhuggenaath pa un futuro miho a boltu den agonia i frustrashon i a ‘fada’ ku e situashon ekonomiko hodidu i e eterno preshon kolonial di Cft i a ‘tira e serbete den rin’ i huntu ku Den Haag i presidente De Boer di VNO-NCW ku ta representa interesnan di komersio ulandes a traha un konbenio pa desaroya: “Ekonomia, 2) Finansia públiko i 3) Aparato gubernamental. Ròl di Ulanda den esaki no ta pa yuda ku fondo, pero pa duna sosten tékniko kaminda surgi e nesesidat (esaki entre otro den forma di rekurso humano i konosementu). ” E puntonan mas esensial ta: “Ulanda ta pone na disposishon un konsehero di transishon (transitiebegeleider) pa yuda identifiká proyekto- i inisiativanan ku tin e potensial pa aselerá e proseso i asina krea e resultadonan deseá di forma mas efektivo i efisiente. Tambe pa duna guia i teps pa di e forma aki pasa konosementu na e aparato públiko, kreando asina un impakto duradero;

  • Ulanda lo fasilitá, kaminda ta deseá i ta nesesario, ekspertonan adekuá riba tereno di gobernashon i finansas pa yuda fortifiká i pasa konosementu na e aparato públiko;
  • Ulanda lo kompartí ku Kòrsou konosementu ekstenso pa loke ta trata eksplotashon di tereno i maneho di propiedat di Gobièrnu di Kòrsou, ku ta benefisiá i yuda mehorá finansia públiko.”

Aki nan kolonialismo ulandes internalisa den e liderasgo politiko di PAR, MAN, PIN a gana i den konspirashon ku B.V. Den Haag a krea un formula pa purba sigui implementa e medidanan ordena pa Cft sin risibi un intervenshon ofisial i asina tirando un pará pa intenta akselera e proyekto di rekolonisashon ulandes na Korsou.

E kenshinan kolonial aki ta un resultado dje operashon di opreshon rasial finansiero; un sistema asepta for di 2008 i e koalishon aktual i oposishon i tur otro den pasado semper a rekonose su legitimidat.  Pesei na momentu ku a organisa e di dos kumbre Bon Bini For Business Curaçao enkabesa pa prome ministernan Rhuggenaath i Rutte no ta tin niun gritu i eskritura di rebeldia apesar di varios analisis politiko ku a spierta pueblo pa tene kuidou ku e movidanan dje makambanan basa riba e atrosidatnan kolonial komete n’e otro islanan.

Un pueblo mentalmente kontamina ku kolonialismo ulandes ta aktua kontra su naturalesa i kontra su mes ku un kurason morto spanta. Atrobe esaki por a keda mira feu ora na Ulanda no ta tin niun esfuerso hasi di parti di e komunidat YDK konsiente pa eduka, agita i organisa kontra e gobiernu ulandes ku ta ehekutando su manego di rasismo kolonial den tur trankilidat sin niun molester. No ta algu abnormal di eksigi dje diaspora mondu biba na Ulanda pa emiti kritika den Volkskrant, NRC, kalke plataforma grandi di media kaminda por kita e maskarada di gobiernu ulandes. Tambe no ta nada imposibel pa esnan konsiente aki na Korsou pa publika kritika anti-kolonial den korantnan i plataformanan grandi di komunikashon na Ulanda pa asina sikiera batayá e diabelnan sinta na Den Haag ku palabranan i influensiá e klima di polygoon periodismo ku ta nara Korsou for di un brel kolonial blanku pa komplase nan klientela i mantenshon di poder politiko na Binnenhof.

Pa Kòrsou mesun kos. Henter aña tin bola di hende ta papiando skat di kos herigando kontra gobiernu ulandes. Individuanan i gruponan ku influensia  ku a proba nan por mobilisa hende kontra inhustisia pero ora e momentu di oro yega i e kabesante di kolonialismo ulandes i su ayudante tei riba e isla aki diripiente tur e gritochinan a bai skonde. Tur partido politiko opositorio a guli nan batimentu boka anti-ulandes, dobla nan rabu i a kai sinta den skina hasiendo koi bon mucha kedando ketu ketu na momentu ku shon Rutte i Knops a yega. Sindikalismo, lidernan religioso, akademikonan, miembronan di prensa, abogadonan, studiantenan, mundu di arte, influensiadonan riba medianan sosial tur ku semper a saka zonidonan pa konsientisa kontra e agreshon kolonial di Ulanda tambe a sensura nan mes alma durante e bishita dje podernan blanku politiko na Korsou. Tur a proba di ta yen yen di skuma i tiki chukaliti i no ta tin sufisiente forsa mental i vibrashon spiritual pa desobedese e ritual di miedu kolonial i kibra e siklo visioso di sklabisa un pueblo.

Varios hende ku ta haña stuhl pa sinta na radio, televishon i korant a kalifika lokual a pasa na Statia un golpi di estado i esun na Boneiru un variante suave pero despues a sigui ku e ordu di dia mane nada a pasa. Un desepshon i fayo grave si bo ta analisa i taha ku tin un peliger grandi na kaminda pero bo ta ninga di hinka un plan di defensa den otro.

Loke por sosode na Korsou tur lo depende kon e parti dje pueblo aki lo organisa kontra e intento nobo aki empaketa den un konbenio pero mas importante kon nan lo akshona ku forsa kontra tur e atrosidatnan kolonial en general. Ounke ta lat na tur oloshi i oportunista pa aktua despues ku e bom kolonial a baster e movementu politiko Kousa Prome ku su lider Rene Rosalia a organisa un reunion di protesta ku a kulmina den reunifikashon popular laganda divishon atras harmando un moveshon nobo ku ta para pa un “Frente Amplio pa Gobernashon Propio”

E proseso emansipatorio pretu ta adelanta ora prensa, poder popular, politika, akademia, intelektualnan publiko, sindikalismo, movementunan sosial, religiosonan, artistanan aleha nan mes for di luchanan robes pa drechi. E sekuensia korekto mester ta ku antisipando yegada di kalke representante di kolonialismo ulandes bo ta organisa for di tur angulo resistensia i konfrontashon kreativo i no despues ora e kolonisadonan a bai bek Ulanda kaba. I hasta si di tur manera esei sosode minimalmente bo tin ku duna boka i plama un kontrabalanse den medionan ulandes na Ulanda pero tambe regional i internashonal manera regularmente e movementu Nos Ke Boneiru Bek sa hasi. E ora ei den bista di hende nan lo legumai di tira e etiketa di politikeria barata riba bosnan pasobra a keda demostra ku bosnan porfin ta praktika lokual bosnan ta predika. Pero awoki tin muchu kos ku ta duna pueblo deskonfiansa. Legionnan di ehempel manera:

1. Rutte ta aki i prensa ta haña oportunidat pa hasi preguntanan kardinal durante un rueda di prensa i e miembronan di prensa ‘anti-kolonial’ ku ta profila komo patriotiko i kontra kolonialismo ulandes no tabata presente. Ta un ehempel klasiko dje lucha di dwalu. Nan por a primi i kuestiona Rutte i Knops i tene nan responsabel pa nan aktonan rasista kolonial pero enbes di esei nan a fasilita un hanchi di skapatorio pa nan i despues hipokritamente sigui bati kritika djis pa bati i kritika. Vigilante ku Lilo Sulvaran na kabes, MAS99 ku Juny Joseph, Dwight Rudolfina, Tele-Curaçao ku Glen Thomas, New Song ku pastor Papi Esprit i Humphrey Zimmerman, CBA ku Sherman Antonia, Krioyo ku Darwin Gregg i Rignald Maduro nan tur konsientemente a laga e kolonisadonan sali viktorioso tolerando prensa ulandes i prensa kolonisa di Korsou sigui skibi i dominando e historia falsu na nos desbentaha.

2. Rutte ta tin un enkuentro ku miembronan di parlamento. Parlamentario Moses di Movementu Progresivo i Korsou di Nos Tur no a tribi di konfronta e prome mandatario ulandes ku nan kritika, lagando nan votado na kaya ne ora mas krusial di nan karera politiko. Cordoba di Pueblo Soberano tampoko a bisa e makambanan nada manera e ke laga hende kere. Mas bergonsoso tabata ora pueblo a mira un Pik Pisas tur djente afo riba potret ku Rutte mientras su lider di MFK ta den prison, priva di su libertat pasobra manera e partido ta alega ku konsistensia “ta Ulanda” ta tras di su enkarselashon. Mas ridikulo no por.

3. E sigiuente siman minister van Engelshoven di enseñansa i kultura tabata di bishita i huntu ku minister Zita de Jesus-Leito i Alcala Wallé nan a bai keiru den Otrobanda, Punda, Skalo, Pietermaai. Pasobra e planifikashon pa gentrifika e barionan ku ta riba lista di Unesco herensia mundial ta sigui, e deseo ta pa rekolonisa henter e sentro di suidat pa akomoda turismo di makamba ku yudansa di fondonan di ministerio ulandes. Sin niun molester e proyekto di dominio ekonomiko blanku ta sigui. Sindikatonan SITEK i PWFC representando dosentenan i e trahadonan di Kas di Kultura welgando no a sinti nan mes motiva pa topa ku e minister ulandes i bise ku su gobiernu ta e rais dje malora finansiero i eksigi asistensia sin limite den nos finansas pa enseñansa i kultura. Studiantenan i eks studiantenan/hobennan profeshonal no a uni pa manda un mensahe bon kla pe minister ulandes ku niun hende na Korsou no tin un debe di estudio di paga. Ta bosnan a kolonisa nos i konsekuentemente ta Ulanda debe nos i ta gobiernu na Den Haag tin ku paga tur gastunan di estudio.

4. ABVO un sindikato ku no a sali na defensa di su trahadonan na Boneiru i atrobe na Korsou ta hasi mesun kos. Presidente Adri Williams te ainda no a deklara nada riba e konsekuensianan ku e konbenio firma por tin.

E realidat marga ta ku tur hende ku semper tabata tin algu di bisa a enkadena nan spiritu pa baña den un speransa ku e kumbre aki makambanan lo bin abou i trese hopi negoshinan pa Korsou. Politikonan komersial ku no ta pretu i ni ta kompronde kiko ta liberashon pretu, sin niun sorto di ideologia ku a yora pa makambanan bin ku un fabrika di keshi ta simboliko dje nivel mediokre ku nos ta aden. Lider di Kousa Komun diplomatikamente a splika esaki tambe ku Korsou no mester di invershonista makamba riku pa e yu  di Korsou por biba ku kiriwichi. Ront Karibe e pruebanan tei ku dependensia ekonomiko estranhero ta stroba desaroyo berdadero di un pueblo. Un ekonomia aun mas makambiá lo hundi emansipashon pretu di Kòrsou mas.

Historia no ta suta hende su kabes, ignorando e realidatnan historiko ku a kousa e labatiba ku nos ta aden si. Na 2005 tata di prome minister Ruggenaath a publika un kritika kontra Ulanda kaminda e ta splika ku “IMF tabata e mukel di inhustisia ku Ulanda a uza pa limpia e aparato publiko i bati e esfuersonan (neoliberal maligno) di prome minister di PAR Miguel Pourier.” E resultadonan desastroso dje era di sera wowo pa e salbahe blanku ku e kreadonan di kapitalismo krioyo ta bistu. Di 2000 pa 2019 e rutinario adorashon pe makambanan no a desvia masha. Ketu bai liderasgo di tur sektor skondi o habri ta kere i anhela pa nos destino komo un pueblo lo keda kondena ku Ulanda. Bo tin un grupo kolonisa mentalmente te den nan igra i e otro ke sierto adaptashon den e relashon kolonial basta nan por yanga den un tera fertil di poder, prestigio i ganashi personal. Tur ta ingredientenan dje pan ku e diabel blanku a mansa pa nos kome.  Awo ta na nos pa kuminsa kou e wesunan dje skeleta di opreshon ulandes ku tin nos spanta i spoela nos spiritu ku aw’i huramentu pa anunsia yegada di un era rebelde nobo.