Skupi Bek Na Shelu

katibu_Iiber

 

 

 

 

 

 

 

Katibu ta galiña, vruminga, kakalaka oh be-lo

amantenan di ñetunan di Lio Capriles

ku a degenera bo ekonomia.

Den rolstuhl den GOISCO e ta bedei ku Korsou

semper mester  ta eternamente

gradisi na e imigrante hudiew, portuges, ulandes

ku a laga e isla prospera.

Den universo di Paps e ilumnantenan  Indigeno i  Afrikano

no ta bal e rekonosementu mas grandi pa nan sodo sangrero.

 

Orashon di un  pober: Nami mi plaka lolo awo

Orashon di un riku: Dio’laga e pober pretunan no span nan

popchi wowo i hanja sa ku nos tin nan plaka, propiedat i poder

Lag’e hodeeeeeee

 

Riba rudia un pastor rogando na santu trinidat

pa protehe ora fielnan bin bei i kastiga

su lealtat na e legion di diabelnan.

Bo tambe konose nan tur

pero ba kultiva temor pa kou nan.

Den un plas di sanger ela keda tuma

den brasa di Señora

 

Kastiga e kurasonnan ku amor

Biahenan di buskeda pa enkontra

un Guillermo Rosario,

Chin Behilia,

Shon Cola,

den karni rehobenese

Un Amado Romer,

Elis Juliana,

Jandi Paula

Fridi Martina

nobo, sanger fresku.

 

E beibi di Babilon Greentown a keda aborta,

dera den santana Beth Haim.

Huma pretu ta sali fey un chimnea

seyando un belorio di boushuasi chiki.

 

Drumi riba un pida karton,

drumi den un bida chambon

Wak su Range Rover, wak mi kachipin

PERO mi trot no a frusa

 

Leinan di konsenso

Leinan di konsenshi

Leinan di Zielinski

 

November luna di problema,

Don Macario su lema

Plan bari

Man bashi

Pero ta bai sali afo si

Mester

Ounke uitzendburo no ta yama bek

Un koi hasi pa span potmoni

Algu pa fin fin kune pa kabament’i aña

Hasi kompras pa pasku

Sult di komkomber chiki

 

Zwarte piet ku san nikolas por senk

den bahia di Santa Ana.

Santana pa rasismo internalisa.

 

Swa mi’n tin lei ku bo

Sis mi no tin lei niun ku bo

Ruman mi no tin niun lei kubo

 

Awa ta kai nos ta warda bus

sin dak sin niun dondru

bo ta kana ku sapatu kueru punta

ku bretel ta modela riba un ministertje

 

Kuidou ku Jasmin  mainta trempan riba dial djamante

e ta moldea bo kabes

laga kere ku bo tin ku bira un popchi Pinedo

boroto di balora bo mes ku e imagennan moderno.

Bo pechunan mester ta den un push up braziel

ku e ta propaganda pa bo kumpre

si no, bo no ta konta komo muhe.

 

Tio ta reip subrinu

wes ta klap ku e dos enbes di 6 anja

abogadonan tabata muchu druk  wori

ku makamba.  Abuzu di mucha i muhe

no ta koi pa gana fama ni voto.

 

Awa i lus korta,

nan a

mande kas, sin pago

pretenshon k’e mester kome

Burger King bebe djus

Richmond den su boka

pa fria e trouma

un dia e lo bin bei si

Joceline a bisa : “niun ten nos tabata katibu”

 

Lei karma

Lei di polechi ta katibu

Lei di 2 kara malagradesi

Lei Mula beibi

Lei di konsenso

Lei di lechi kondens

Lei di sto’i papia koi kens

Lei di libera merkado finansiero

90-10

Un kanasta di sitanan di Helmin #Wiels. Politika pretu emansipatorio, niun hende a bisa ku e ta algu fasil.

“E lastu 15 aña a wordu krea un ambiente di hende drechi luga na kaminda a resulta ta bandidu nan ta.”

(Robo di NV-nan) “Nan ta drenta Lions,Kiwanis, Rotary i fin di anja nan ta parti kuminda bisti vest bisa hesta bon hende nan ta.”

“Nos tin un generashon mitar tira afo kaba”

“Ora bo ta sali bisa, na ta bisa bo ta bulgar. E idioma ku mi ta papia, wak mi no a bin pa ta pastor, mi ta un trahado sosial ruman..”

Mi sa kon nekdo mi hendenan ta , mi sa kwa te nesesidat. ……. Hende ku ta drei riba aros ku lechi

mi tin un pueblo ku nan a tuma hasi chambon pa mas ku 50 anja, un pueblo no, ku bo ta spanta kon ignorante nan a tene e peublo aki

“Dikon mi pueblo a keda atras tur e anjanan, pasobra (e radionan) a keda papia nechi so.”

“Tin anjanan kaba ku muchanan chines ta wordu uza den prostistushon, den night klupnan klandistino……tur hende sa na unda tambe.

“Anto tatanan na final porta bo’n ta bon ke mama porta bosnan a kibra ku otro pa un miyon motibu ta kos ku por pasa pero for di bo yu bo’n por divisorsia. Bai wak bo yu i pe mamanan no stroba e tata pa wak su yu..”

“Den e bochincha di ‘Bientu’ fiskalnan ta pidiendo 1 miyon , ami ku 2 miyon…Ba laba tantu kiko ..ami (Ministerio Publiko) ke tantu…”

“E pober ta bai sinti e dolo, ma mire na ’83 Berenschot, ’96 raport Van Lennep, 3 Wijze Mannen, Hoe het op de Antillen wel heeft gewerkt (ku Ys a skibi pa Pechtold)

#Wiels on budget cuts: “I don’t believe in a national dialogue, it ends always in a capitalist monologue.”

“Un monologo kapitalista paso doñonan di kapital ta bai sinta ku gobiernu, sindikato bisa “mishi ku tur hende menos ku nos (plaka).”

“Si bo wak e linja den prensa, talkshow no tin kontenido….kontenido serka esnan ku tin ku organisa e debate (politiko)..

“Sponsor, banko, tienda, hardware, goyeria (ta vosifera den un debate, entrevista, foro); “kuida mi kandidato’. Ora un entrevistado hasi pregunta difisil na radio, nan ta bule.”

“Miones di e pueblo a wordu horta ku bendishon di politikonan ulandes ku ta tin mester di PAR pa bende outonomia, libertat di mi pueblo..”

“Banko MCB esun ku ta ‘brul’ a kibra Nel Ogenia su Queen Club ku kier a bin ku un karchi kredito pa hende pober….”

“Dikon e gai di Montaña Abou, Kiringdingo Abou so tin ku menshona su nomber saka su potret ora a gare, saka potret ora subi stadhuis ora baha stadhuis?”

” ..i esun ku bo ta paga 25 mil pa luna ku sen di pueblo ku ta horta nos NV-nan bo tin ku bai “soft on the man’.”

“e BOO 400 miyon a dal nos un palu, ta ken a hit nos? EMG, grupo di Mario Everts, lanta Forsa Korsou ku Gregory Elias ku a yude ku konstrukshon offshore.”

“Hubert Martha, Luis Bergman na Giro pone pa black jetset a horta 18 miyon pero niun ta bisa nada paso bo mester ta soft on the man.”

“Stoi ta hipokrita, bosnan tin ku kambia lanta foi sonjo, bosnan tin ku kambia stoi di ta sokete, habri boso wowo, habri boso boka.”

“Bosnan tin ku kambia, biba na tinu stoi laga hende habuza di bosnan.” #Wiels

Reskatando Enseñansa Liber

Indiskutibel te realidatnan di rechaso ora un pueblo tin ku maniobra den un labirint gobernamental obedesido na e leinan universal di kapitalismo ku no ta rekonose dignidat humano pa e por karga un sprinchi di speransa pe progresa den su bida.

E sistema di kapitalismo kaminda produkshon di konesementu, plaka, produkto i propiedat ta den un man chiki so i ku no ta laga un pueblo prospera. E ta diseña pa mayoria di e nashon aki keda trata komo un produkto ku aspektonan humano ora ta kumbini i kontrubui finansieramente na e sistema.

Manera tabata e prekupashon di Mgr. Dr. Amado Romer semper ku e doktrina oropeo-merikano ta pa salbaguardia e ekonomia i finansas na prome, di dos, di tres i di kuarter luga. E politika neo-liberal ku ta dirigi riba traha plaka riba un style di egoismo no ta wak hende komo un ser humano pero mas bien komo un opheto ku por keda uza mane nan ta hana ta bon pa por optene un miho ganashi posibel.
Romer ta enfatisa ku pa domina e arte di trata hende komo hende i no komo katibu moderno den siglo 21 mester keda fiel na e leinan spiritual ku ta regi: “E naturalesa dje hende no ta kambia, pero e ta domina si. Ta einan e problemanan grandi ta sinta serka nos. Nos no ta hana sufisiente edukashon i pesei nos ta sukumbi pa e parti natural, material.”

Cft (College financieel toezicht) e supervishon hulandes ku miembronan di Korsou i St.Maarten for di 2013 a inkulka den koalishon di PS, PNP, PAIS, Sulvaran pa burduga saku di pueblo pa skapa gastunan riba nan presepuesto di gobiernu kousa pa kapitalismo. Pueblo Soberano adaptando su eksperimento di sosialismo krioyo den un kompromiso huntu ku kapitalismo krioyo-hulandes di e otro partidonan neoliberal a haña su mes obliga di ehekuta medidanan doloroso pa en kambio di fiansanan priviligia for di mesun Hulanda ku ta duna instrukshon pa korta, saka miyones for di e aparato di enseñansa.

Tiki espasio tin pa hasi patria i sali pa bo pueblo den su nesesidat diario ora bo a firma konsientemente pa sigi ordu di bo eks kolonisado for di Hulanda i ta den un koalishon neoliberal ku ta dikta ku negoshi tin ku domina riba tur asuntunan sosial. Naturalesa di politika krioyo ta pertenese ne leinan no-skibi: Gobiernunan tin ku sirbi e interesnan di e sektor priva i pa despues e suidadano por hana e benefesio kiriwichi supuestamente di dje.

Enseñansa semper a sufri sam-sam ku Korsou su klase trahado. Medidanan ku a keda revoka pa minister Irene Dick a laga Cft flota ku un baf neoliberal i kolonial den nan boka. Kisas esei tabata e intenshon di gabinete Asjes pa via di preshon popular laga elimina e pakete di ousteridat for di e pantaya edukashonal.

E arkitektonan di enseñansa a krea un kaos pa studiantenan i esaki te labirint kaminda nan tin ku kana den funkshona ku tur su fayonan i trampanan ku hopi ta kai aden. Un gobiernu ku signatura di un movimentu sosial independentista ku a inventa enseñansa liber pa empodera pueblo nunka por implementa medidanan pa stroba e klase trahado di studia, limitando su opshonnan edukashonal pa subi e trapi sosial. Mester perkura un struktura pa por sigi studia sin wak edat i tene kuenta ku otro burokrasia kolonial, sigur awoki ku un merkado laboral violento kaminda abuzu ta na ordu di dia i 65 ana a bira e edat pa risibi un onderstand penshona.
Mama soltero, famia di dos kabes ku yu, personanan ku a start lat den bida of a topa kontratempu, nan tur no por keda opstakulisa pa pensamentunan neoliberal ku ta kla pa kompara Korsou ku otro paisnan klaba ne krus di kapitalismo pa proba nan rason desespera.

Despues di e viktoria meresi pa e studiantenan un sabiduria nobo a sali na horizonte indikando ku awoki si mas ku nunka no por laga e studiantenan pafo di e proseso di konsulta ora ta regarda ensenansa.
Un sindikato estudiantil komo parter igual den negosashon ta un prioridat, un organisashon ku ta sali na defensa pa nan derechinan garantisa trankilidat pa nan estudio.
Ni esnan pro of kontra ku a sali den media no a soru tur e anañan pa instala un organismo di defensa pa studiantenan keda ankra den lei ku direktivanan di skol tin ku kumpli kune.

Prensa tin ku enbolbi alumnonan di skol paso e kultura di eksklui e hoben tei fuerte. Na radio, tv, korant su bos no tei struktura via un kolumna, pagina of programa. Ta trate komo beibi ku chupon. Media no ta puntra kiko e ta pensa riba tur sorto di topiko ku lo influensia su bida den futuro serkano. Kada bes di nobo e hoben tin ku karga e vra di desishonnan tuma sin su amen of sikiera tumando su puntonan di bista na kuenta.

E kultura aki di sensura institushonalisa a keda apoya tur ten pa un mayoria konsiente ku tur a grita protesta awoki. Na 2009 durante e referendum hopi (mayor, direktiva di skol, maestro, studiante) a vota pa e opshon ‘Si’ gana ku a habri e portanan dje kura di skol pa medidanan neoliberal, hasta hopi ku a vota pe opshon ‘NO’ tambe a prefera un sopi kapitalismo, podise mas krioyo ku un par’i rasinchi sosial pe sabor pero te mesun ingredientenan: “No duna pueblo e hermentnan pa podera di su mes destino manera e ke.”

Dosentenan, direktivanan di skol no a inventa e mentalidat neoliberal ku ta korta kap den presepuesto pero for di ananan 1994 ku e benida di PAR te ku 2010 huntu ku e sindikato SITEK mester repasa kronologikamente kon e konsenshi ku ta sostene e kapitalismo krioyo a krese i haña raisnan fuerte den tur skol te pe bira un monster. Hustu ta pa interoga Errol Cova, Bicho Justiana komo eks-lidernan di SITEK e sindikato pa maestronan di skol i responsabilisa nan liderasgo i midi sientifikamente ki sorto di struktura edukashonal na a laga tras, ki sorto di maestro nan a lidera i ki sorto di alumno nan a krea durante nan enkargo.

Kada bes ta viktimisa enseñansa pero dikon maestronan e delaster 25 aña no por harma un sistema edukashonal kaminda ta produsi studiantenan ku ta bira un rasa votado ku ta predika i biba segun sikiera un kapitalismo sosialisa?

Nos no ‘mag’ di kulpa of mane Levi Silvani ta kanta den ‘Wak Bo Mes’ ta dios so mag di husga, pero nos tambe mag, hasta nos mester pa diferensia e bagas for di intenshonnan bon. Si un dosente tin un ehersito di agentenan di kambio potensial den un klas e tin ku hasi milager pa 3/4 bira e forsa di un rumbo nobo den sosiedat.
E mester tin un kurikulo nobo na su disposishon pe por milagrá.
Mas esensial ta ku e maestro mes mester respira e transformashon sosial di pia te kabes.
Dosentenan ta konsiente ku nan por ta ‘sosial’ pero ketu bai votando, pensando, aktuando na fabor di un sistema kapitalista, dunando e struktura rosea di bida pe sigi prospera, atakando e mesun dosente i su studiantenan?

Dia ta tin protesta di parti di e studiantenan di fakultat sosial na University of Curacao e solidaridat di parti di Vsbo, Sbo, Havo-nan i otro mane OTC, IUOC tabata e gran ousente. Durante e rebelion di studiantenan di Frater Aurelio SBO e solidarismo di parti di tur e otro alumnonan di skol atrobe tabata bergonsosamente skars. Ni e parlamento di reino di hubentut ku a kaba di keda selekshona via kanalnan elitario den nan soño di selebra 200 aña reino hulandes no a habri nan boka pa desaproba e medidanan. E ta refleha parsialmente un miedu pero tambe e individualismo di e hubentut ku a keda krea dekadanan pasa pa politika di adultonan den gobiernu, iglesia i reforsa pa maestronan na skol .
Esaki tambe ta un herensia ku no por keda ninga.

“Na 30 di november 2013 minister president Asjes na nòmber di Gobièrnu di Kòrsou i e sindikato di maestronan di skol, SITEK su presidente Sr. Lio Plantijn a firma e protokol di koperashon pa krea i stimulá e asina yamá ‘siudadanía aktivo’ den enseñansa di Kòrsou. Bou di denominashon ‘siudadano aktivo’
mester komprondé: Un suidadano di Korsou ku ta disponé di e konsenshi históriko-sosial di tal forma
ku e ta realisá: 1) ku ta e, komo suidadano di Korsou, mes mester aktivá i akshoná pa drecha su
propio situashon i di su pais i 2) ku, komo yu di Korsou, e tin e deber pa emansipá mediante saber i akshon pa asina liberá su mes, su komunidat i su pais di tur trábanan (e.o. emoshonal, sikológiko, sosial) ku ta strob’é realisá
su potenshalnan i logra un bienestar máksimo”.

E desishon sabio aki mester ta un promesa di sanger pa kaba ku e miedu mortal pa konvense e merkadonan di kapital ku por ehempel kuminsa kontribui ku un license fee pa bankonan pa edifika komunidat.
Pa enkurasha BAB pa oumenta kobransa di impuesto serka kompanianan. E tin ku duna balornan di balentia pa gobiernu por yega Den Haag negosha pa fleksibilisa Cft, e supervishon finansiero ku ta sklabisa un gabinete pa basha kuchu den ensenansa i asuntunan sosial.

Den tur e tumultu di trabukunan neoliberal e futuro di studiantenan di klase trahado aki a keda sigura pa un grupo di hoben ku un bosero Carina Ruiter di Frater Aurelio SBO ku a sali briya ku un kurashi uniko. Tur hende a haña e don pa distingi manipulashon pero hopi biaha e situashon bieu ta mas dushi pa basila den dje enbes di bai un guera pa sakudi e luga.
Srta. Ruiter su mensahe di rebelion konsiente pa otro studiantenan tabata ku bo no mester enkarsela bo mes den miedu i ignoransia, bo mes tin ku lucha, sakrifika orguyo falsu i no sinta man krusa kere kambio ta bin kai for di shelu.

Mama Korsou a duna lus, e lumbrishi a keda korta, un studiante nobo a nanse.

Mangel

E ke bai feu djaki
For di ratu ora e tbt tur na kaki.
Pariba aya, un kuart di su bida plama.
Na werki, Henny den kelki e ta korda e koi bon si. Riba Suzi dal un ronchi bin bek tuma paki hiba Jan Sofat. Jamaikinonei a sine ku lealtat no ta pa bombaklat. Makambanan a yude komprende ora hasi froude laga tiki spor atra’. Su eks Brazileiro a inspire nunka laga bo moralidat spiritual na ka’. Candomble ku misterionan, e anhelo fogos pa klara a engendra su bon deseonan.

Salmonan skibi ku
plumanan di manteka
Na rudia
deboto na
un dios ku a bisabu
venera Fuikdag
modela den un bikini ku por a yuda un mama soltero pa un luna.

Su barika ta grandi, tata kriansa ta baba riba dje gritande’e ‘Ban Pami’| e ta wak Melani| kara riba ki krou bo ke| miho su mama a kome blous hinte
Protega kontra Oyada palabranan sabi . Mara ela skuche e dia ei.
Tata a bai lage ora e tabatatin 7 anja
E holo dje bolo kashipite so e ta rekorda. Di Vsbo mande pa AGO ta di un famia pober tog e ta, kalidat di ensenansa no ta importa, ku nan bida bo por hasi ki ku ta, kon ku ta.

Anzue di anarkia aleluya
ta bora korokoro di inosensia.
Gatia den un mundu di
maskaradanan pinta ku
krus shinishi.
Nan ta studia
kuaresmalogia,
yuna 40 dia,
satanisa nan
eksistensia pa
400 bahadanan solar.
Polbu di bosnan insolente
ta laga litania di un bario oprimi eksplota.
Kandela di fiernu purifikando e huesnan ku nan pali horka
priveligia den nan man.

4 iglesia no por a span
un reda di spiritualidat
p’e agresornan no trompeka, kai.
2 pastor den nan espasio di santufikashon no por a reskata kompashon kristian,
restourando nan bario.

Bo’n por tapa e 2 kachunan riba boso kabes ku un dede.

Paso t’un choller e ta
Paso ela horta den mi ka’
Paso ela kwe ko’ di mi
Paso humá e ta
Paso e ta hole stinki
Paso t’un choller sushi degasiado
Bo por rous e
skupi’e
Reis riba dje
Dal E
Piedr’e
Lage hoga den
un plas di sanger
Dia ela trompeka,
kwantu bes bo a
purba di stret su lomba?
Ora e tabata plat abou,
kara pega riba lona,
ba yude visualisa,
ku su korona nunka
niun hende por kite for di dje [?]

Lech’i Pechu

Muchanan di skol
no ta hanja lechi mas.
Bengansa holistiko,
Lovers juice un fabrika
kreando obesitas.

Chikitous di skol no ta hanja lechi mas. Lover’s juice tin tantu suku artifisial kousando obesitas.
Hibami korte Ozzy van der Dijs,
kaso gana prome ku subi 21.
Buta djus di fruta natural i niun hende por perde trabao ni hanja malesa diabetiko. Bende lechi di koko i nan lo korona’bu kompadru.

Niun pia korta mas.
Niun brasa korta mas.
Niun wela den rolstuhl
na Betesda of skondi
den kamber mas.

Spesialista di kurason
tin miedu di smoel.
Spesialista internista
ta lep sera.
Spesialista di kanser
ke grita e berdat.
Pero mane dokternan
di kas i tur sobra ekspertonan
den salubridat nan tin miedu
i no por destabilisa un ekonomia di venenu.

Sabionan ta bisa: yuchi pretu, asiatiko i indigeno mester lech’i pechu te nan por kome kuminda duru.
Lechi ta berdura ku a pasa
dor di e baka,
ba chek e proseso natural si?
Kos BERDE tin KALSIUM
na abundansia pa wesu.
Bonchi, nechi, simiya.
Buska pa bo sa laga
e nutrishon p’e yu
inteligentemente briya.

Muchanan di skol
masha ten
no ta kere den fantasia
mas. Nan ke batido di
berdura i fruta. Bap, wak
E ora ei kon bon konsentra
nan ta sinja den un klas
ku airko ku tablet ku dosente
M-O-T-I-V-A, I-N-S-P-I-R-A.

Pero ki delitu bo tin pa splika hende kome, bebe natural, na tinu.
Un bes nan ta kome serka
Cheng Len sate ku batata
ku kakalaka hasa ku
lisinbein di smor.
Bon por lage nek.
Ai den k*nj’i mi mes.

Tula Lo Dekolonisa Sinematografia di Korsou

[Un tradukshon di e artikulo di 2011 ku a keda manda na programa di Juny Joseph na 2011 ougustus pero nunka a keda publika]

Kiko a pasa ku tur mi grandinan i nan prinsipionan di dekolonisashon?
Ta bosnan a boga ku nos tin ku para riba nos mes pia. “No laga otronan
bin hasi kos pa nos.” E lema ‘Nos Mes Por’ a kaduka? Ora yega banda di
of pasando 60 bosnan ta bira lali lali? Mi mester di mi grandinan ku
ketu bai ta sinta riba stuhlnan ku posishonnan klave i ku tin podernan
pa disidi pa nan ta F.U.E.R.T.E.

Bosnan no tribi di sigi bende nos, nos mester hende ku ta bebe Awa di
huramentu for di un kalbas yena ku Ashe. Mane Nashonnan Uni a deklara
2011 e anja pa hende di desensensia Afrikano kon den nomber di Dios ku
e konosementu ei bosnan por duna lus berde na un proyekto di 2 Ulandes
Oropeo ku ke traha un pelikula di nos resien proklama heroe nashonal e
luchado pa libertat Tula?
Huntu ku Warrington Hudlin i Chris Hawkins un sinematografo, aktivista
ku ta para pa un movimentu pretu independiente na Merka ku sa muchu
bon ku e no mester partisipa den eksplotashon di Tula.

Riba e website http://www.tulathemovie.nl nan ta papiando di:”un historia
representando siglonan di relashonnan den konflikto entre pretu ku blanku, e efektonan te dia djawe ta persigi nos.” I esei ta berdat ora e dos sinematografo Ulandes ku sanger friew of hopi inosente a intenta di kita e oportunidat dje Afro-Kurasolenjo of
sikiera e Yu di Korsou pa konta e historia di luchado pa libertat Tula.

E website http://www.tulalives.org dje komishon ‘Rehabilita Tula’ responsabel
pa nan rol determinante pa Kolegio Ehekutivo proklame komo heroe
nashonal na 2010 ta bisa e sigiente:
“Despues di e revolushon di 30 di mei 1969 hopi lider politiko,
intelektualnan i artista di Korsou tabata inspira dor di Tula den nan
buskeda pa nos identidat nashonal
Na 1971 un obra teatral a wordu presenta yama “Tula”…” Mi por
imaginami e werewere esaki lo a kousa si e obra aki lo wordu traha pa
solomente makamba i skibi pa un Afro-Merikano. Danki Dios e obra aki
tabata skibi pa kulturista, historiado Pacheco Domacasse i ko-dirigi
pa Tone Brulin un direktor sosiopolitiko progresivo di Vlamingen
Belgika. Pero esaki tabata dos anja despues di 30 di mei durante un
periode ku e Afro-Kurasolenjo tabata kumisando dunando balor bek na su
herensia Afrikano. Un pueblo na kaminda unda karnaval ta e forma di
selebrashon mas eleva di nos kultura no ta prekupa su mes dje tantu pa
e luchanan di pasado ku por stimula nos pa krea un mentalidat firme pa
realisa un pais ku por regi su propio destino.

E anunsio dje proyekto pa produsi un sine e tabata kla pa tur mira i
kompronde kiko a tuma luga? No, e tabata algu skondi pa pueblo. No
tabata tin niun transparensia dje komishon den aprobashon di e
produkshon ‘Tula The Revolt’. Niun hende sa e kriterianan, niun lei pa
un heroe nashonal a wordu publika si ta eksisti un lei asina anto.
Nos komo pueblo sigur no tabata tin partisipashon demokratiko den dje i
konsekwentemente niun hende por a skrutina pa wak si e proseduranan
korekto tabata hustu i si nan wordu usa te pa nan resulta den un
aprobashon.

Un par di frase for di nan resumen dje pelikula: “Dor ku hopi katibu
wordu transporta i bendi ront hafnan di transito den Karibe manera
esun den Korsou, e historia aki ta pertenese na nan i nan
desedientenan e merese di wordu konta paso e ta un parti importante di
historia, identidat i na final di nos sosiedat di awe.”
Kiermen nan ta kompronde bon bon ku e historia di Tula ta di nos pero
nan moral i respet pa nos kaminda emansipatorio ku nos komo
desidientenan tin ku kana ta disparse pa un atventura na Hollywood di
$25 miyon?
Bo tin ku sinta warda bo beurt te ora e desedientenan di sklabitut mes
a krea un infrastruktura solido kaminda nan mes prome por desaroya nan talento riba tereno di arte, musik, teatro, film. Bo no por bin kwe
fama riba nos historia anto hasi negoshi kune tambe sin bedei kiko lo
sosode ku e ganashi finansiero dje pelikula. 60% dje ganashi lo bai pa
un fondo pa yuda lanta un skol sinematografiko?
Den 2011 no tin un skol pa sine aki, si bo ke sinja sinematografia bo
tin ku bai studia afo. Solamente e klase medio i haltu of un laso ku
nan dos sin niun preshon di klase trahado ku ta traha pa sobrebibi tin
e privelegio pa skohe i mira e balor ekstra ku un estudio di sine aki
tin pa sosiedat. Bisami kwantu modelo ehemplar Afro-Kurasolenjo un
bario mane Kenepa tin ku a bai un skol di sine? E area kaminda e
lantamentu a kuminsa; Lagun, Santa Cruz, Soto, Barber, Sabaneta tin
sinematografo o modelo ehemplar ku por inspira hende pa kultiva un
interes pa produsi un sine? Si bo lanta den un bario di klase trahado
e chens ta hopi chiki ku bo ta bai para tras di un kamera produsi
pelikula ku por lanta balor propio di nos pueblo. Laga nos ta honesto
tin un gran skarsedat di ‘griotnan’ visual ku por sende un kandela den
nos kurason pa filma e pasado, presente i futuro di Korsou.
Lidernan vishonario ta krea un tera fertil pa demokratisa sine i media
en general. Esei ta nifika ku tur hende mester tin e oportunidat pa
konta su historia via sine, radio of korant. Korsou sufriendo di un
katarata epidemia sosiopolitiko- korporativo den un reino ulandes
kaminda su suidadanonan ta wordu trata komo terser klase te ainda no a
mira e lidernan ei lanta.

Un anja prome ku e desaparensia fisiko dje independista, Papiamentista
Jocelin Clemencia durante un lektura na Ulanda pa e komemorashon di
Tula dje lantamentu 1795 17 di ougustus e la buta emfasis ku na 2013 lo ta 150 anja despues ku a aboli sklabitut na 1863 i ku nos mester konta nos mes historia, dokumenta i reinterpreta nos mes historia.Anto einan nos mester yega. Nos tin un kaminda largu pa bai komo hopi Yunan di Korsou no ta pone Tula riba un pedestal manera un par di
hende ke pretende. E thesis di Natasha Maritza van der Dijs: The
Nature Of Ethnic Identity Among the People of Curacao (2011) ta trese
esaki hopi kla dilanti durante su investigashon: “un desediente
femenino Afrikano ku un grado akademiko den komersio di edat 19-35 ta korda kla kla kon un otro mucha pretu a yame ‘Tula’ dia e tabata na
skol di fundeshi e ta hasta korda ku e tabata sinti su mes mahos”
Mei mei e kambionan estatal, referendum i elekshonnan hopi bja nos oreanan i kurason a sangra ora e grupo ku tabata pro rekolonisashon
den un outonomo den reino ulandes gritando:”Tula no a hasi nada pa
nos, no wak patras, legumai rekorda hende riba historia di sklabitut”
Ironia di bida ta ku e mesun personanan ku a kontribui na hasi bofon di Tula awoki ta wordu paga via e legasia di Tula pa ta e maestro di
seremonia i ta ofrese nan restourant pa e evento di pre-produkshon di
Tula pa kolekta fondo pa e sine den un sirkulo elite leew for di e hende ku di berdat ta atmire. Un bufete di abogado mane Van Eps Kunneman Van Doorne, ku nunka a mustra interes den halsamentu dje
Afro-Kurasolenjo diripiente ta sponsor e produktornan di sine sperando
di mes riba un retorno di invershon.
Niun hende nunka a mira e sektor priva demostra amor of kalke sosten
finansiero pa dokumenta e historia di sklabitut of kalke otro periodo
di historia Afro-Kurasolenjo. Nos tur por korda hopi kla e diskushonnan kayente riba e kitamentu dje statua di Peter Stuyvesant na un skol publiko na desember 2010.
E potret dje studiante ku a skibi riba su barika ‘Tula bin (chupa)’ ku
un flecha ku direkshon na su organo seksual. Esei tabata un ehempel
klasiko kon reprochabel i sin skrement e hobennan di klase medio/altu
ta wordu kondishona pa nan pensa asina ignorante di Tula. Pero ne otro
banda nos tin e partidonan politiko ku a forma e gobiernu nobo ku ta
sinta awoki: e asina yama gobiernu ‘sosial, sustenibel, soberano’ ku a
usa e pasado di sklabitut pa nan benefisio elektoral. Un ambiente
anti-makamba spantando e pueblo ku makamba lo tuma e pais aki over
atrobe si nan no vota pa nan den elekshonnan i referendum. Na radio,
televishon i korant e grupo aki a pasa propaganda ku tabata bisa
indirekt i direkt ku nos ansestronan a drama sanger pa nos libertat i
a referi na sklabitut masha hopi bja menshonando Tula. 10 luna despues
tur e papiamentu di pro yu di Korsou, pro- Afro Kurasalenjo i sobra
retorika emansipatorio a dirti dilanti nos wowo. Nos no a tende nada
di nan kaminda tur ora tur dia nan tin komentario riba tur kos. Un
traishon kultural manera esaki lo tin su reperkushon. Dus pa bisa ku
tur hende ta stima Tula ta hipokrita
Na 2005 mi askibi e poema ‘F__k Tula’ pasobra opviamente meskos ku
awoki un grupo chikitu ta interesa pa alsa e karakter heroiko aki.
Kada anja na 17 ougustus niun media lo transmiti en bibu e komemorashon na Ulanda of Korsou. Niun korant lo buta un relato kompleto dje diskursonan. Un bergwensa pa tur gobiernu di turno i representante i donjonan di media pa neglisha e dia importante aki.
E no tin un prioridat kultural mes.
E prome monumento di Tula a wordu traha na 1963, e di dos na 1998 na Rif leew for di pueblo pero disgrasiadamente un heroe
venezolano Luis Brion si ta mei mei den pueblo na Awasa den kurason di
Otrabanda. Tristu pero berdat a tuma nos 48 anja pa surpasa un krisis
di identidat pa proklame komo heroe nashonal.

Un refleho di madures i komprenshon pa nos trayektoria di emansipashon
lo ta si e produktornan di sine Jeroen Leinders i Dolph van Stapele
keda trankil, laga e proyekto aki fria dunando respet lagando
sinematografia di Korsou florese pa e yu di Korsou mes duna realse na
e herensia di sklabitut ku na final lo wordu konta ora nan mes tin tur
herment i konfiansa pa konte.

Resklabisa Tula e luchado spiritual mas grandi di nos tempu pa gloria
komersial no solamenta ta un akto neo-kolonial pero e ta anti
emansipatorio e no ta edifika e yu di Korsou su imagen propio ku ta
desendiente direkt di ansestronan ku entre otro a pasa den e trouma
Trans Atlantiko. Si e rezjimen di pensadonan kritiko i aktivistanan
sigi drumi e frutanan marga lo mester wordu kome pa nan mes persona ku
a laga e inhustisia aki pasa mane nada no a pasa. Un yamada na nan pa
korigi nan fayo i honra nos ansestronan.

Rei Nobo, Wantomba Wilmu riba Trono

Droga pe diosnan di famia oranjo
Hipnotisa, lanta 4or marduga pa wak Beatrix su sanka baha for di su trono ku pa 33 anja no a hasi 1 konjo pa nos aki bou den kolonianan Karibe.
Awaseru kuminsa kai, gai di 4.30 ta grita. Rei Willem-Alexander su kar’i bom saludando su katibunan makamba feu balkon. Reina Maxima ta hari un bja paso e ta kontentu di yega asina leew, otro hari ta pe echo ku ela kaka riba miles i miles di morto dje diktatura di Videla. Si e dama sushi Argentina mester a pasa screening aki na Korsou nunka e por a pase, pero nos
ta
Sigi
ALABA
hendenan riku FALSU
Sin por ARGUMENTA kiko presis nan a logra pa nos mester adora nan sin skrutina.
Programa mucha chikitu ku ‘Lareina’ ta un Birgen Salbado. Hinke den su kabes ku danki ne bo por bai skol sinja papia skibi Ulandes.
Bai studia Ulanda
despues nunka
mas
bin bek.

Beatrix mester ta hopi gradisi ku pa tantu anja no ta tin niun duda di suidadano den Karibe den su podernan divino.
Ki krouw ela hasi
niun no sa pero
e tabata bon
pa Korsou si.

Rei Wilmu a hura ku e ta kwida proteha derechinan di tur hende den reino Ulandes.
Huntu ku su peiki genosida Argentina sigur? Inosensia di un pueblo bisti na oranjo hostigando e progreso emansipativo pero despues si yora puntrando su mes pakiko kos ta stanka pakiko tin tantu problema. Siega pa patronchinan di un katibu di kas pesei semper bo ta keda domina i difisil pa hanja salida si bo ke komplase bo kolonisado stret bai. Un kantika pa un rei, un sonjo pa un persona fantasma ku nunka lo hasi ni un lolo pabo.

Pone bandera ulandes na bo kas, lage wapa sin puntra bo mes unda e sifranan ta di estudio ku ta mustra kwantu dje persentahe di e mishonan komersial di Kasa Real a bini bek ne kolonianan den Karibe. Korsou kwantu bes a partisipa huntu ku e mishonan di negoshi den ekstorior? Kwida ken su saku anto?

E ‘W’ di
Wantomba konstitushonal
Spanta e spiritu di libertat den bo
for di 1863.

Decolonial Power Grips: Documenting Dutch Rich White Racism

Under a glass of expensive wine behind protective high walls in their white privileged paradise in front of the cameras Dutch rich pensioners the protaganists of the ‘Hollandse Maatjes’ documentary unleash the following racist flammatory statements: 1. Curaçaoan men all they do is sit all day under a tree, play domino and fuck. 2. Slavery? Come on, listen they came here where else should they have gone to? They would’ve been in Africa with a penis shaft and a straw skirt on. My dad in the early 1900s (in the Netherlands) had it rougher than them down here. The old Curaçaoans are very friendly, they speak perfect Dutch too, its the younger generation hooked on brand name clothes and if they can’t have it they steal it. For 400 florins they’ll shoot you! 3. You can do anything down here: ride horses, play hockey, ballet its just like Holland with good weather. 4. You don’t have to speak Papiamentu here, anyone with a bit of intelligence speaks Dutch or English. 5. Oh sure we owe a lot to Dutch investors. 6. That slavery story has got to stop, grow up man that’s 300 years ago.
Go find out why your island is failing. 7. You should thank God on your bare knees that our forefathers started bringing ‘slaves’ down here in the 17th century. You have a better life now, if it wasn’t for them you would still be living in uhm Ivory Coast with bones through your nose and straw skirts on. See it as something positive.”

Dutch white racism on widespread levels does not exist, its taboo to say so it does in Curaçao. The media in general (few exceptions aside) usually does not discuss it with vigor and fearlesness, failing to analyze all the levels of impact it has from profound socio-economic angles. You just don’t want to open up the masses eyes that didn’t see, read about this controversial documentary in the papers or have access to internet to catch it behind a laptop. Can’t shake up the Dutch economic elite. Can’t scrutinize, measure their power on a corporate, educational, health, judicial, financial level. Politicians, pressure groups, scholars, academics, intellectuals, media and opinion makers will not sacrifice their comfort nest. Nobody ever done research on the Dutch conclave, Dutch professors come down to investigate, dig through our National Archives write stuff about slavery and how benevolent it was compared to other colonizing nations but do absolutely nothing that contributes to structurally fortify our emancipation process.

The light weight outrage of the Dutch expats against this documentary and its false framing of their reality is questionable. Their claims are that only a small percentage on the island are racist. Letters to the editor of Amigoe and Versgeperst comments are not enough to hold racist community members accountable. The majority of the Dutch is not explicitely racist as can be seen in the documentary Onderelkaar ‘Hollandse Maatjes’ but a majority does support and maintains the subtle finetuned Dutch white racist power system. There’s no need to speak foul words but the average Dutch will cosign silently almost everything that has been said in the documentary consciously or subconsciously. The absence of organized action to overthrow or even slightly readjust that system says enough. A silent systematic refusal echoes through-out the island to desmantle that Dutch racist framework galvanized in economic, financial power. So in the end denial is cute but hypocritical.
The Dutch white racism spirit belongs to a large collective, looking out for their own people, their own class and they are absolutely not interested into decolonizing that system or striving to unshackle theirselves and the Curaçaoans from unresolved slavery and colonialism scarifications on the mental and spiritual level.

This group rarely will finance social-cultural projects, those that increase the understanding of Blackness in Curaçao and boost Afro-Curaçaoan cultural and economic power. Along with the Black elite clique awareness on many levels that could bring progress in many communites stays underdeveloped. Of course the Dutch and Curaçao colonized elite will sponsor a film like Tula The Revolt out of financial motives but certainly not with the intention to uplift Black cultural power which automatically, eventually leads to Black economic power. As long as it blesses our economy with €uros and boosts up our GDP Dutch white racism is seen as God’s gift.

And we won’t stop riding on that false perception wave until we fully overstand the soul sister message Joceline Clemencia wrote in her 1999 UNESCO paper ‘Papiamentu is more than a language’: “In our ignorant innocence or innocent ignorance we overlooked the fact that they were, and historically are, the rulers and we the ruled ones, and that power never renders itself; it has to be conquered, if not by sword then by the mind. And we neglected the mind. We have not studied our rulers well enough, otherwise we would have known that we were programmed to think that we are not programmed; that if we looked the other way long enough and denied the existence of colonialism it would automatically
disappear. We forgot that we were trained not to see colonialism as colonialism.”

The colonial blindfolds are powerful, their financial threads are tight woven into our society and are not that easy to rip apart especially as Joceline Clemencia further states that: “The country forgot to found the faculties of Humanities to teach us history and herstory, geography, anthropology, sociology, languages, and our own language. The discussion about
starting a language faculty has been going on for more than a decade now with no results. While denying colonialism we did not only get scars, but it penetrated deeply into our genes and, in a very civilized way, cultivated in our schools, academies, and university we pass on to our
children a very low self-esteem, lack of self-confidence, an inferiority complex, distrust, fear of responsibility, absence of creativity and initiative, and non-scientific thinking.”

Trudi Martinus-Guda the wife of acclaimed author and Papiamentu emancipator Frank Martinus Arion after a week of cheap Amigoe readers smoke screen commentary drops one of the realest knowledge jewels critique ever in local Dutch newspaper history in true Creole ‘Pal’i muhe’ fashion: “Traditional hypocrisy acting as if the rest of the population is not being discriminated. The unwillingness to recognize this originates from think patterns expressed by these naieve Dutch folks: the total rejection and abomination of Africa and the Black habitants of Africa, as excuse and justification for slavery, colonization and discrimination. Meaning as well rejection of African religions, cultures and physical characteristics assuming prejudice regarding their human abilities, and also those of their descendants, in general. And that a couple of centuries long, even longer than 200 years Kingdom! And that not only by Dutch people, but also by other immigrants and Curaçaoans. That is the main issue. The extreme statements are just side-issues.”

A critical collective must value the responsability to make audio-visual documentaries about power, race, class, gender and the effects of slavery, colonialism and the true meaning of 150 years after abolition under a Dutch flag and soon to be king. We can’t let outsiders keep creating our public debates and putting their emancipatory pacifiers in our mouths.

1] Kees Tukker
2] Coby Jansen
3] Marja Tukker
4] Kees Tukker
5] Joost Pronk
6] Kees Tukker
7] Joost Pronk

=
=
=
=
=
=

— The only politician that condemned the racism exposed in the documentary was Helmin Wiels, also the only person to call upon boycotting Joost Pronk’s Audi and Seat car dealership at Skerpene.

— Peace to the Dutch working class lady selling herrings, she kept it real and pointed out that many Dutch folks do think that they are superior than others.