100 Logro di Kapitalismo Krioyo – Dia di Labor

 

100 logranan di kapitalismo krioyo - dia di obrero labor

Dia di labor ta rekorda tur hende ku sindikalismo ta mal stanka ora kapitalismo krioyo ta na mando: bewakernan, trahadonan di supermerkado, trahadonan den konstrukshon i mayoria trahado di pakus, hotel, kuminda lihe i den limpiesa te dia di awe no tin un sindikato, sufriendo bou di kondishonnan laboral menos faborabel strobando nan di por biba un bida digno na Korsou

Advertisements

Papa Godett

godett

Wilson ‘Papa’ Godett: “The racial element in local politics is not new. When I emphatically  focus on the black population I do it not to discriminate but to identify with the large masses who are black in Curaçao. They have the biggest needs. That’s where the misery is at: unemployment, hunger, deplorable housing.  I’m in solidarity whit the black population and when I bring this things on tv it’s to give black people a sense of pride and self confidence.”

Governanzi

Merly Trappenberg

Merly Trappenberg

The new futuristic governor Lucille George-Wout
Curriculum Vitae:

Education:
Amado Romer School of Spiritual Education and Human Development.

Critical class theory, Social Emancipation and Labor law, University of Curacao, 1987

Dissertation (380 pages):
Mas Brisa Mas Godem: The Uprisals of Afro-Curacaoans After the Social-Labor Revolt of 1969.

Thesis (128 pages)
Sanctuary of Afro-Caribbean Sainthood: Healing Communities Through Ancestral Spirituality in an Age of Creole Capitalism

B.A., Black feminism, African Diasporas Studies and Afro-Curacaoan Studies, University of Curacao, 1991

Thesis (58 pages):
Free thinkers, consciousness of race, class and gender, radical perspectives of the black working class, 1992

Oral History Community Projects:
‘Traha Mane un Katibu’, investigating the systemic labour union oppression in Otrobanda and Punda in the early seventies. 2001

Ku Poder di Dios, te Majan ku Dios ke: Collecting the hidden voices of catholic roman priests and child abuse and the impact it had on God-fearing families. 2002

Social Change Art for the Underclass:
Artistic expressions of turning the tides of elitist exploitation for the underprivileged citizens. 2004

– Founder of Affordable Housing Cooperatives

– Initiator of Black Political Science School Scholarships

– Founder of Decolonial Social Entrepreneurship Institute

– CSO of Women Community Banks

Publications:
Dutch Money Masters in the Caribbean: Tourism and the Cultural Violence of Colonial Values. University of Curacao Press, 2004

70 Laws of Corporate Socialism: New Economies of Justice, Removing a Grey-Haired Generation in positions of Financial Power. University of Curacao Press, 2006

Bo Ta Pretu, Pero Bunita: Balornan di Bunitesa Rasial i Imagennan di e Muhe di Kolo na Korsou, Aruba i Boneiru. (representations of black women’s beauty and sexuality in popular culture) University of Curacao Press , 2008

Governmental Whiteness, The Dutch Decolonialism Dilemma: Breaking Free from Legacies of Slavery and Coloniality Embedded within Political Agendas. University of Duke Press, 2010

Dòktor ken ta rekorde ainda?

Karikaktura di Dr.Da Costa-Gomez den revista semanal Lorito 1 di oktober 1948

Karikaktura di Dr.Da Costa-Gomez den revista semanal Lorito 1 di oktober 1948

Ora nos ninga di yaya nos historia, kanta gloria di nos baluartenan, spiritunan rebelde, muhenan, hombernan, hobennan ku a briya den presensia aki nos ta defrouda nos mes pasado i futuro den un labatiba sin muchu identidat pa lanta na dje.

Mr. dr. Moises Frumencio da Costa Gomez su fecha natal tabata ayera 27 di oktober (1907-1966). Un dje figuranan politiko mas importante di siglo 20, e molina tras di e disenjo ‘negosha’ di Statuut 1954 ku a duna Aruba, Boneiru, Korsou, Statia, Saba, St. Maarten komo federashon ulandes un grado di outonomia i gobernashon propio despues di un era fastioso di kolonisashon pia abou.

Su historia, kon ela lanta, krese bai studia dal den personanan ku a influensia su karakter te pe bira un emansipado pe pueblo margina no ta muchu konosi te dia djawe. E fundashon ku ta karga e nomber di Dòktor tabata trahando riba un buki di dje i un busto ora universidat di Korsou lo keda kambia pa risibi e nomber di Dòktor. Lo ta bon si pa inspira e generashon hoben pero tambe adulto i mayor di edat ku (nunka a keda kultiva) no tin gana di lesa pa traha un dokumentario di dje.
Lider di partido PAIS Alex Rosario ku ta presidente dje fundashon i lider di partido Nashonal Humphrey Davelaar no por tin niun opstakulo finansiero riba nan kaminda pa nan informa, eduka i emansipa e pueblo tokante e personalidat di Dòktor.

No tin ‘skei trabou’ den e mundu politiko di konsientisa. No por para un proseso di emansipashon i mester tin mas linjanan stret ku prensa pa rekorda pueblo e dia aki i su nifikashon. Tin asina tantu historia pa konta pero Nashonalistanan i sigidonan di Dòktor mes ta soru ku e hombu aki su legasia ta bai perdi.

Pueblo tin ku hanja sa kon Dòktor a influensia sindikalismo, religion ku obispo i iglesia katoliko. Kon ela usa stratagia pa ‘negosha’ Statuut ku gobiernu ulandes i otro islanan i Surnam. Kon su bista tabata pa region Karibe, Latina Amerika. Den kwa forma ela atende ku elite ekonomiko. Su relashon i karakter den prensa kon por deskribi esei. Su kontaktonan ku e pueblo. Un dje kosnan ku tin debate eterno riba dje ta kisorto di vishon di independensia e ta tin? Ki sorto di vishon ekonomiko e ta tin, ki filosofia finansiero? E historia riku di Dòktor ta sklama pa keda plama mei mei di pueblo den formanan moderno di komunikashon sosial konstantemente den un malchi kreativo skibi pero mas importante oudio-visual den un lenga di pueblo.

Si nos no alsa nos mes hendenan ku nan legasia por yuda di traha un malchi fuerte di identidat pa konstrui un pais sosial disiplina ken lo hasie pa nos? E vra di un pueblo debil na balor historiko lo hera trampa pa repitie di nobo nunka.

Visualisando, Kaida di Kapitalismo Krioyo

E prome djadumingu den luna di mei.
Un matansa na Marie Pompoen unda
sanger a sprengu manchando e kapitalismo krioyo. Un boutismo spiritual di Helmin Wiels pa inougura e komienso di un era nobo sin e sistema kapitalista, un ekonomia di wisi-was abusivo i diktadura finansiero kaminda ta ekploita, chupa bo plaka i en kambio bo no tin niun donder di bisa.
Un elite blanku i pretu ku ya pa un siglo i mei a primi, bati den kabes di hende -ku nan ta mira komo katibu ekonomiko- e sonjo di pega pa plaka te kos pa yag riba. E mentalidat di ‘Campo’: “Mi ta chinga ki ora mi ke, ku ken ku mi kier, mi no mester di amor, mi tin sen.” E hipnose di ritmo kombina, comeback, trap, house, bachata, bebiendo, baliando e baila di ‘Chinina Kome Lubida’.

Den e regimen kapitalista no tin espasio pa hende manera Wiels ku ta desea di mira su hende organisa, para pa su derechinan, habri nan boka, i prospera subiendo e trapi sosial den bida. Den edukashon un studiante tin ku keda mitar bobo un zumbi den banki skol sigiendo ordu di su dosentenan i direktiva di skol. E mes no por stur i influensia e direkshon di dunamentu les i kontenido, ki sorto di buki e ke. Kontra su boluntat e ta wordu eduka pa pensa i aktua sumiso, un marioneta ku tin ku obedese ne orden i pedidu di ekonomia enbes di krea i kana un ruta ekonomiko nobo ku ta drei riba dignidat di hende.
Esaki ta e kambionan pa 2013 ku ta nesesario pa Korsou krea otro tipo di hende. Sin un otro malchi di personanan nos ta kai den mesun trampa i sklabisando nos mes.

E kapitalismo krioyo meskla ku un sneif diki di ulandes no ta permiti e klase trahado pa inventa un otro forma di ekonomia ku ta yuda e hende sali for di e sirkulo visioso di salario minimo, hopi trabao pero tiki paga ku violashon di labor na ordu di dia tur santu dia.

E sistema mester di su popchinan e momentu ku e ta keda kwestiona e ta skupi bo afo, herida bo, hasi bofon di bo, laga bo komo un paria dilanti bo komunidat. E ta bube-fika ku perfekshon via korant, televishon, radio, internet ku mayoria bja e pueblo ta keda manzu, e por sulfura den prensa, hasi un protesta aki aya pero e kambionan grandi pa laga e sirkulashon di plaka den ekonomia i finansas traha na benefisio di e pueblo no ta sosode fasil. Kambio ta nifika kaida di nan imperionan. Un adapshon chiki lo a bendishona miles di hende pero e filosfia ku pueblo mester keda pober mane raton di kerki ta ketu bai vigente.

Ta tin periodonan ku bo tabata sintiendo un apertura, un buraku chikitu den e forti di fiserei finansiero a keda bora. E dede di Helmin Wiels a kuminsa primi, pusha buskando maneranan pa remodela e sistema kapitalista. Nan a korta su dede afo. Pero a sobra hopi dedenan mas i despues di un silensio di kwater luna nan tin ku kuminsa mustra riba e abusu i e agonia ku e sistema ta kousa. E dedenan tin ku kinipi e inventornan dje sistema kapitalista krioyo, e dedenan tin ku buta respet i hala e gai ku nan skopet spiritual.

“Serka Dios i na Korsou Tur Kos Ta Posibel”; Dia di Labor, Sindikalismo Enkadena

Un dia di labor sin menshona e palabra ‘koperativa’ ku a salba bida di hopi hende ta un krueldat pa baluartenan manera Amado Romer. Sindikatonan por buta krans na ACU i pa Felix Chakutoe pero e lucha sindikal no ta vibrante pa dekadanan.

Mas ku 10 anja bo ta traha fielmente pa bo donjo di trabao i te ainda e no ke ni pensa pa hisa bo salario pa bo kwida bo famia.

Sinta kome pafo na un supermerkado, pakus grandi durante lunch paso no tin kantine of e ta muchu chiki. Ora awa kai bo asuntu.

Riba stengel den haltu ta konstrui, sin protekshon na drechi. Si bo kai kibra bo atras, bo kwenta paso kompania no a segurabu na drechi.

Serka Dios tur kos ta posibel

Serka Dios tur kos ta posibel

Serka Dios tur kos ta posibel

Pero kos ta bon, sindikato ta bisa: “E trahado ta satisfecho” sin niun investigashon, niun sifras di 2010, 2011, 2012. Kwantu trahado ta afilia na un sindikato? Kon e konfiansia ta di berdat? Kiko e trahado ke mira wordu mehora? Kwa sindikato tin e persentahe mas haltu ku trahado ku bon seguro, bon kondishon di labor, bon penshun?

Serka Dios tur kos ta posibel

Serka Dios tur kos ta posibel

Serka Dios tur kos ta posibel

No e preguntanan aki no a wordu kontesta. Un parada di pantomina den Kaya Grandi kaminda e brassband ta kasi mas grandi ku e manifestashon sindikal ku karanan ‘kontentu’.

Serka Dios tur kos ta posibel

Serka Dios tur kos ta posibel

Serka Dios tur kos ta posibel

Buskando un solidaridat entre sindikato tabata e palabra di magia e anja aki. Movementunan pa skeins e realidat di 2013: Kwantu miembro a wordu di entrena pa tuma posishon di liderasgo? Kwantu kurso sindikal ta tin e anja aki pa miembro i mas importante pa no-miembro? Dikon te awoki lidernan sindikal no ta komunika via programanan tv, radio ne pueblo trahado ku karese hopi informashon riba derechinan laboral?
Kiko ta e kantidat di hende ku a studia derechinan laboral i kwantu nos mester pa ataka e abusu laboral ku nos tin riba e pais aki?
Kon nos ta kalifika nos forsa di negosashon ku donjonan di trabao: e ta bon, mediokre, malu?

Serka Dios tur kos ta posibel

Serka Dios tur kos ta posibel

Serka Dios tur kos ta posibel

Dia di labor na Telecuracao no a hanja mas ku 4,5 minut di atenshon pero e game show ‘Rei e’ kaminda por a gana un Kia Serato nobo a wordu premia ku un ora largu di transmishon. Ta stranjo ku nan ta uso plaka di pagado di impuesto pa promove weganan komersial i ta neglisha di promove e konsenshi di derechi laboral ku lo oumenta konsekuentemente salario di hende ku ta bon pa ekonomia di un forma mas duradero. Kos ku e bon yu di Korsou aya na Ser’i Ararat no ta kompronde podise ainda?

Serka Dios i Korsou tur kos ta posibel

VBC, Kvk, Iglesia, Politika no ta dialoga ku trahado pa hisa nan kalidat di trabao. Keriendo ku produktividat lo subi ku e mesun kondishonnan defisiente na nan boka di trabao.

Trahadonan di supermerkadonan, KFC, Burger King, Mc Donald, Pizza Hut, Subway tin miedu pa bira miembro di un sindikato pa defende nan derechinan. Media ta ketu atrobe bira kara lepia, ketu bai pega riba raporta ken a guli, ken a horta, ken a dal outo.

Medidanan a sker saku di hende, 1000 pa 1500 por perde nan trabao segun investigashon ministerial pero sindikatonan ta boka sera, lenga guli. E sindikalismo ku ta tene kwenta ku ekonomia enbes di sindikalismo ku ta trata di adapta e regimen di ekonomia ne derechinan i deseonan dje trahado ku ta e produktor maksimo dje ekonomia. Un sindikalismo sklabisa.

Pero serka Dios i Korsou tur kos ta posibel.