KAKApitalismo

Un muhe makamba ta keda selekshona
pa bira Miss Curaçao partisipando
pa Miss Universo 2021.
95.97% dje pueblo aki ta pretu.
Beyesa pretu no ta eksisti ora
kapitalismo krioyo ta skohe
kiko ta bunitesa
pa turismo di Korsou por traha plaka.
Muchamuhenan hoben tin ku wak
riba pantaya un berdat falsu
ku un muhe blanku ta
e muhe mas bunita di Korsou

KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo

Bon Bini supermerkado ta paga su trahadonan lat,
Mangusa, Esperamos, Best Buy, Luna Park,
tokonan chines ta bende,
pan,fruta i berdura bieu o putri
sin fecha di vensementu.
Covid por plama mas fasil ku imunidat abou
paso ta forsa pueblo pa kome i bebe malu
mientras dokternan, speshalistanan sa ku
kompanianan di import ku dononan blanku
i toko, ku supermerkado ta venena un pueblo.
Agrikultura a keda mata pa Shell
i industria di import a nanse bira grandi
a kosto di plantamentu di nos mes hende.
Na momentu ku industria di agrikultura
ta keda forsa pasobra di covid
e mesun kompanianan di import lo domina
agrikultura pa nan sigui keda mionario

KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo

Notisia ta bira notisia ora
e no ta un menasa pa e ordu riku poderoso
o kalke grupo di poder.
Lider di Korsou di nos tur ta ordena
riba su mes ku pastor Remy Juliette
di house of worship por bira
minister di enseñansa si e partido politiko
lo a saka sufiente asiento den elekshon pasa.
Silensio den prensa.
Silensio total
Tur lidernan kristian smoel sera
Riba dia di libertat di prensa mundial
no ta tin nada organisa di parti di prensa di Korsou.
Prensa no tin un organisashon ku
ta defende miembronan di media.
Gobiernu nobo ta organisa un rueda di prensa
o un rueda di fotografonan i kameranan
di televishon pa e akuerdo di gobernashon.
Niun hende den prensa ta hasi un pregunta.
Korant Vigilante por sigui gana miones
for di miseria ku pueblo tin ku pasa aden.
Programanan di opinion tei pa prugashi
pa saka e kaka for di nan sistema.
No pa kambia e sistema kapitalista i organisa un kos nobo.

KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo

Pruebanan di EFO pa 1700 alumno
kaminda 400 piku lo bai havo/vwo
pa despues bira e dononan sinberguensa nobo di Korsou.
Tur den nomber di…

KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo

Ata PNP MFK ke fleksibilisa merkado laboral
Pero no ke fleksibilisa, demokratisa merkado finansiero
kaminda e pober trahado tambe por risibi plaka
oa konstrui su futuro sin e chupasangernan kapitalista

Resultado di elekshon ta ku pueblo a bisa:
Nan no ke makamba rekolonisa Korsou,
nan no ke podernan elite na Korsou sklabisa nan futuro.
Un mensahe bon kla ku pueblo
no ke ni mira e sombra di neoliberalismo,
kapitalismo riba e pida baranka aki

KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo
KAKApitalismo krioyo